وهل تستحق🔥《روايات ليبية》

الحلقة..11

رواية:وهل تستحق 🔥

للكاتبة: عاشقة الرياح

الحلقة:11
....
#سحر
ليا يومين حالي متلخبط لا نكل ولا نشرب وحت النوم زي الناس مايجينى وطوول اليوم معصبه وحالتي حاله من يوم ماشيت المستفشي ولحظت غيرت اسامه من الدكتور رياض حيرتنى معقوله غيرت حب وله علشان انا بنت عمه راسي من الافكار خلاص بينفجر ونحاس روحي مخنوقه خلاص التعب كل مني حصه وادموعي قريب يعمن اعيوني صح انا نحب اسامه امرت حت قبل لجين الله يرحمها بس هو كان نصبيها واكثر شي حرقني اني انااا صحابتها راس كيف نحب راجلها افف نحاس روحي دايرة جرميه نستاهل عليها الموووت خلاص كلشي استو عندي نبي نحسمها خلاص فديت وطبت كبدي لفيت الشال على راسي واعيوني حمرر طماطم وطلعت اندور في اسامه القيته مقعمز في سور ويتكلم بتلفون ويضحك وقفت قدامه وماني عارفه من وين جاتني الجراة في هضاك الوقت....

سحر وقفت قدامه وواضح عليها تعب واعيونها حمر.اسامه انحبك💗

اسامه انصدم وسكر على يالي يكلم فيه وقال.شنيي؟

سحر.اي نحبك قول شن تبي تقوول انا نحببك ومن زماااان  وربي نحبك (كانت تتكلم وادموعها ينزلن💔)

اسامة بعصبية.سحرررررر تراه سكرلي فمك واعرفي شن تقولي شنن قلة الادب هادي واقفه وبكل عين صحيحه وتقولي انحبك تخيالي حد سمعك شن بيفكر فيك يامحترمه وله شن ببفكر فيا 😤

سحر تبكي.انااا مليت طبت كبدي ياسامه  مليت اي عندك  حق تعصب عليا علشان قلبي مانقدر نتحكم فيه وطووول عمري سكته انااا حبيتك حتى قبل ماتحب لجين ولم تتزوجها سكتت وقالت خلاص مش نصيبك بس انته لخبطت كلشي ياسامه كلللشي على كثر مابكتني وتعذبت ربي يسامحك💔

اسامه بعصبية.لجين كانت صاحبتك كييف تفكري تحبي راجلهااا هادي خيانه ووواضحه ياسحر واناااا مستحيل نخون ولو على قطع ارقبتي..وفات

سحر قعمز على الوطاء وتبكي.حقييير أنته حقييير ورررربي احمار تي انااااااااا انحبك ونمووووووت فيك وانته عمين ماتشبح اطلللع من حياتي نبي نكررررهك واللهي العظيم نبي ننساهك ااااااخ ياربي 💔😭😭

⁩⁦....
وسيم متكي ومغمض اعيونه،،

سالم.تي تكلم شن يبي منك صدام جابر

وسيم.افف ماعندي مانقول سالم بالله متزيدها عليا  انحاس اهمووم الدنيا فوق راسي..😔💔

سالم.ربي يفرج لكن انا خايف عليك وصدام ماهو ساهل وكان حطك في راسه ربي يرحمك فاهمني برحمت ولديك وسيم انت اكثر من صاحبي انا نحسبك كيف خوي واللهي

سمعوا صوت سيارة تنداره وقفت

وسيم اشبح في الساعة.على الوقت متخر ولا دقيقة.. وقف وطلع

صدام.سلام عليكم

وسيم.هيه انا واتي

سالم.وعليكم السلام صدام نبي نعرف شن تبي من وسيم