غرام الادهم 💕 بقلم M. S. E

١٢

صلوا على النبي 💜
استغفروا الله 💜

مساء كان الجميع يجلسون في حديقه الفيلا وهم يتحدثون في أمور عاديه ليقطع حديثهم إياد قائلا

إياد : ايه الملل ده هو انا مجمعكم علشان تقعدوا تتكلموا في الحاجات الممله دي

أدهم : امال عوزنا نعمل ايه يا عبقري زمانك

إياد : تعالوا نلعب

أدهم : نلعب هو انت صغير

سامر : وفيها ايه يلا نلعب

ماهي : ماشي يلا

أدهم : العبوا انتوا

كاد أن يقف حتى امسكته غرام من زراعيه قائله بصوت شبه راجي

غرام : خليك معانا اهه هنتسلي شويه

ليتنهد أدهم ويجلس ليقول

أدهم : ماشي هتلعبوا ايه بقا

ايسل : انا عندي لعبه حلوه

إياد وغرام بصوت واحد : انتي بلاش

ليضحك الجميع لتنظر لهم ايسل بغيظ

ايسل : رخمين والمصحف

إياد : هههههه خلاص متزعليش قولي اللعبه

لتوجه له ايسل نظرات ناريه ثم تقوم بشرح اللعبه

ايسل : بصوا هنوزع ورقه على كل واحد وهو يكتب فيها سؤال أو تحدي هو عاوز غيره يعمله بس طبعا من غير ميحدد اسامي وبعدين هنخلط الورق كله مع بعض وكل واحد يسحب ورقه ويجاوب على السؤال الي فيه أو يعمل التحدي ده ها ايه رايكم

سامر : موافق

غرام : تمام يلا

ماهي : حلوه اوي

إياد : اكيد موافق

مراد : تمام

أدهم : ماشي يلا

وبالفعل تم توزيع الورق وكتب كل واحد سؤال أو التحدي الذي يريده وتم ثني الورق وخلطه ليسحب كل واحد ورقه عشوائيه

ايسل : كدا تمام يلا مين هيفتح اول واحد

إياد : نبدأ بغرام

غرام : ايه ده اشمعنا انا

إياد : علشان انتي الي على الطرف يلا هناخد بالدور