@New Day
_ ទីបំផុត Tae ក៏ត្រូវតែទៅសាលាឲ្យទាល់តែបាន ដោយមាន Yoongi ទៅទទួលគេហើយជូនទៅតាមផ្លូវជាមួយគ្នានឹង Jimin តែពេលមកដល់ផ្ទះគេក៏បានឃើញលោកប៉ា Jimin កំពុងតែលើកកេសផ្លែឈើ ដាក់ឡានដឹកផ្លែឈើរបស់គាត់ ភ្លាមនោះនាយកម្លោះ Yoongi ក៏ចុះមកជួយដោយមិនស្ទាក់ស្ទើរ ។
« លោកពូ!! ចាំខ្ញុំជួយ » ថាហើយ នាយក៏មូរដៃអាវលើកកេសធ្ងន់ៗអស់នោះដាក់បាំងក្រោយនៃឡានធ្វើឲ្យលោកប៉ាJimin សម្លឹងគេដោយមិនយល់ ។
« ពួកអ្នកមានដូចលោកក៏ចេះធ្វើការងារប្រើកម្លាំងធ្ងន់ៗចឹងដែរហ្អេ៎? » គាត់សួរដូច្នេះតែ Yoongi ក៏ញញឹមយ៉ាងរីករាយដាក់គាត់វិញ ។
« ហេតុអីទៅលោកពូ? មនុស្សយើងមានដៃនិងជើងដូចគ្នា មិនថាការងារស្រាលឬធ្ងន់ទេសុទ្ធតែអាចធ្វើបានដូចៗគ្នាតែទាំងអស់ហ្នឹង » Yoongi
« តែវាមិនគួរឲ្យជឿ មើលចុះ!! គ្រាន់តែតម្លៃខោអាវ លោកស្លៀកត្រង់នេះប្រហែលជាអាចចិញ្ចឹមគ្រួសារខ្ញុំបានកន្លះឆ្នាំឯណោះ នៅមានឡានរបស់លោកទៀត ខ្ញុំថាលោកកុំខ្ជះខ្ជាយពេលមានតម្លៃរបស់លោកមកលើគ្រួសារខ្ញុំទៀតអីជាពិសេសគឺកូនប្រុសរបស់ខ្ញុំ » ជាមនុស្សចាស់គឺបែបនេះ សង្ឃឹមថានិយាយត្រង់ៗឲ្យនាយស្ដាប់ហើយដកខ្លួនពី Jimin តែផ្ទុយទៅវិញ នាយកម្លោះដែលស្ដាប់លឺដូច្នោះហើយក៏តបតវិញដោយភាពជាកូនប្រុសដូចគ្នា ។
« ប៉ុន្តែខ្ញុំស្រឡាញ់ Jimin ពិតមែនលោកពូ!! ពួកយើងស្រឡាញ់គ្នាចិត្តនិងចិត្តមិនមែនព្រោះរបស់អស់នេះឯណា » Yoongi
« តែឋានៈពួកយើងមិនសមគ្នានោះទេ លោកគិតហ្អេ៎ថាគ្រួសារលោកអាចទទួលយកកូនប្រុសខ្ញុំបាននោះ? » Mr Park
« ពិតជាបាន ព្រោះខ្ញុំជាអ្នកដែលស្រឡាញ់ Jimin មិនមែនជាប៉ាម៉ាក់ខ្ញុំនោះទេ » Yoongi
« ច្បាស់ហើយហ្អេ៎ថាលោកប្រាកដប្រជាជាមួយកូនប្រុសខ្ញុំ? » Mr Park
« បាទច្បាស់ហើយ » Yoongi
« មិនស្ដាយក្រោយទេមែនទេ? » Mr Park
« បាទ!! » Yoongi ឆ្លើយម៉ាត់ៗមិនដំអក់ធ្វើឲ្យរាងតូច Jimin ដែលដើរមកឃើញនាយទទួលខុសត្រូវខ្លួនថ្នាក់នេះក៏រំភើបជាខ្លាំង ។
YOU ARE READING
꧁អេតាស៊ីវិលក្លែងក្លាយ꧂ (Completed)
Romanceអេតាស៊ីវិលជាកិច្ចកុងត្រាដែលភរិយាស្វាមីធ្វើការចុះហត្ថលេខាដើម្បីបញ្ជាក់និងធ្វើជាសាក្សីសម្រាប់ស្នេហាដ៏ស្មោះស្ម័គ្ររបស់ពួកគេទាំងពីរនាក់ ប៉ុន្តែចុះបើសិនជាអេតាស៊ីវិលមួយនោះគ្រាន់តែជាការបិទបាំងពីក្រោយកិច្ចសន្យារបស់ពួកគេទៅវិញ តើគ្រប់យ៉ាងនឹងក្លាយទៅជាបែបណា? ꧁...
ភាគទី ៦៣
Start from the beginning