Days of Counting Camellia (Hiatus)

[15]' Colours of Ash '

အတွင်းဆောင် သိုမဟုတ် ပင်မဆောင်ဟာ ရှင်ဘုရင်များအဆက်ဆက် တစ်ကိုယ်ရေသုံးတော်မူတဲ့နန်းဆောင်မို့ အတွင်းရေးပြဿနာများကိုရှင်းဖို့ ရံဖန်ရံခါသုံးတတ်သည် ။ ထို့ကြောင့် အတွေ့အကြုံရင့်သောအစေခံအိုကြီးများမှာ အရှင်သခင်၏ ကိုယ်ရေးကိုယ်တာအရေးကိစ္စနဲ့ ပတ်သတ်မှုရှိ‌နိုင်ကြောင်း ခန့်မှန်းမိကြမည် ။

နန်းတက်ခါစကလို ရေချိုးချိန်ခစားတဲ့ နန်းတွင်းသူလေးတစ်‌ယောက် အရှင့်ရဲ့ခန္ဓာကို လက်ညိုးနဲ့မတော်တဆထိမိလို့ လက်ဖြတ်ခံရတဲ့အဖြစ်မျိုးများ ထပ်ဖြစ်လေမလား ?

ဒါမှမဟုတ် တစ်ကြိမ်ကလို အဝတ်လျှော်ဆောင်က အစေအပါးလေးတစ်ယောက် အရှင့်ရဲ့ညအိပ်ဝတ်ရုံကို ခိုးနမ်းမိလို့ အာရုံခံပျောက်အောင် အဆိပ်ကျွေးဒဏ်ခတ်ခဲ့တဲ့ အဖြစ်မျိုးများ ထပ်ဖြစ်လေမလား ?

ထိုကဲ့သို့များစွာသော အဖြစ်ဆိုးတွေနဲ့ ညှာတာမှုကင်းမဲ့သော အပြစ်ဒဏ်ပေါင်း မြောက်များစွာရှိခဲ့ဖူး၏ ။

မကြာ လူအုပ်ကြီးအရှေ့သို့ ဧကရာဇ်ကိုယ်တိုင် ကြွချီလာပါတော့သည် ။

နှင်းတဖွဲဖွဲရဲ့အောက် သူ၏မျက်နှာဖြူသည် သွေးမရှိ ။ နက်မှောင်တဲ့မျက်ဝန်းတွေဟာ ရှေ့ကိုကြည့်နေပေမယ့် ဘာကိုမှမမြင်တော့သလို ။ လက်နှစ်ဖက်ကိုနောက်ပစ်ကာ ရပ်နေရင်း တဖိန့်ဖိန့်တုန်ယင်နေသော စေကျွန်များကို ဝေ့ကြည့်နေ၏ ။ သူ၏ အမူအရာမှာ အေးဆေးတည်ငြိမ်လျက် ။

ခဏက ပွစိပွစိအသံများထွက်နေခဲ့သော လူအုပ်ကြီးသည် ရုတ်ချည်းတိတ်ဆိတ်သွားတာ အသက်ရှူသံတောင်မကြားရတော့ ။ အရှင်သခင်နဲ့ အကြည့်ချင်းမဆုံရဲကြတာကြောင့် ခေါင်းကိုအသားကုန်ငုံ့ထားလျက် ၊ ပြဿနာတက်တဲ့သူဟာ မိမိမဟုတ်ပါစေနဲ့ဟုသာ ဆုတောင်းနေကြသည် ။

လူတွေကို အကြည့်နဲ့နှိပ်စက်လို့ ဝသွားပြီနဲ့တူ၏ ။ တအောင့်ကြာမှ စကားကိုစလေသည် ။

Ash : " စားတော်ကဲကြီး ရှိသလား ? "

သူက ပေါ့ပေါ့ပါးပါးခေါ်လိုက်သည် ။

သို့သော် လူအုပ်ကြီး၏ထိတ်မှာ ရပ်နေသော တော်ဝင်စားတော်ကဲကြီးမှာ ကမ္ဘာပျက်သဖွယ်တုန်လှုပ်သွားရသည် ။ စားဖိုဆောင်ဝန်ထမ်းများမှာလဲ မျက်နှာတွေ မည်းသွား၏... ။