My Confusing Partner (✔︎)

💘Nineteen

စကားတစ်ခွန်းတောင်ရှင်းပြမခံတဲ့သူမဟာ ယတိပြတ်ပြောသွားတဲ့စကားရဲ့အဆုံး အပေါ်ထပ်ကအခန်းဆီကိုဦးတည်သွားသည်။

အခုဖြစ်စဉ်ရဲ့ ပြဿနာအရင်းမြစ်က... Jiminမိဘတွေအိမ်မှာစတာပေ...။ အတိအကျဆိုရင်တော့ jiminအမေ့သူငယ်ချင်းရဲ့သမီး saejungနဲ့ သူမရဲ့သရက်သီးအချိုမုန့်ကနေစတော့တာပဲ...။

ညနေက~~

" oppa.. ဟင်းတွေထည့်စားနော်။ saejungကိုယ်တိုင် အမေနဲ့အတူတူချက်ထားတာ.."

ကကြီးပုံစံနှုတ်ခမ်းလေးကို ကွေးညွှတ်နေအောင် ပီပီပြင်ပြင်ပြုံးနေတဲ့saejungလေးက haeunမျက်စိတည်းမှာတော့ ချစ်ဖို့ကောင်းလွန်းတာ သူမ,ဝန်ခံပါသည်။ ဒါပေမဲ့... အမေ?? ဘယ်လောက်တောင်ရင်းနှီးကြတဲ့သူငယ်ချင်းတွေမို့ jiminအမေကိုပါ သူမကအမေလို့ခေါ်နေတာလဲ...။ ဒါက နည်းနည်းအတင့်ရဲလွန်းရာမကျဘူးလား...။

" ဝိုး... Saejungတောင် ဟင်းတွေ ၊ ဘာတွေချက်လို့ပါလား...! "

" ဟီး.. ပြောသားပဲ! Oppaနဲ့လက်ထပ်မှာပါလို့။ လက်ထပ်ပြီးရင်ချက်ကျွေးဖို့ အခုတည်းက လေ့လာနေတာ။ "

" ဟုတ်လား? စာပဲကြိုးစားစမ်းပါ ကလေးမရယ်။ "

" ကလေးမ မဟုတ်တော့ပါဘူးဆိုနေ oppaကလည်း.."

‌ဆူပုတ်သွားတဲ့မျက်နှာထားကြောင့် စိတ်ကောက်သွားဟန်ရှိတဲ့saejungကို jiminရဲ့အမေကပဲပြန်ချော့ရပြန်သည်။

" ကဲ ကဲ သားလည်းနောက်မနေနဲ့တော့။ သမီးလေးအပင်ပမ်းခံပြီးချက်ပေးထားတာကိုပဲ ကုန်အောင်စား..."

" သမီးအတွက် တကယ် အမေကလွဲပြီးမရှိဘူးပဲ..."

မိသားစုဝင်အချင်းချင်း စကားတွေဖောင်ဖွဲ့နေပုံမှာ ချစ်စရာကောင်းလွန်းသည်။ တစ်ကယ်အပြင်လူမလိုလောက်အောင်ကို ချစ်ခြင်းတရားတွေနဲ့ပြည့်စုံနေတဲ့ဒီမိသားစုထဲ ဝင်တိုးဖို့တောင် လက်တွန့်မိသလို...။

Jiminဘေးခုံကနေရာလေးက သူမ့အတွက်ဖြစ်သင့်တာ... သမီးဆိုတဲ့နာမ်စားကိုထပ်ခါတလဲလဲသုံးနေတဲ့ jiminအမေရဲ့လက်မောင်းကိုချိတ်ပြီး... 'အမေ့သားကလေ ဒီလို...' ဆိုပြီး jiminကိုစနောက်နေရမဲ့ မိန်းကလေးဟာလည်း သူမပဲဖြစ်သင့်တာ...။ သူမပဲဖြစ်သင့်တဲ့‌ထိုနေရာကို ‌ပိုင်ဦးနေတဲ့ တခြားတစ်ယောက်... အထူးသဖြင့်.. saejungဆိုသည့်မိန်းကလေးက haeunရဲ့စိတ်ကူးယဉ်ဘဝလေးကိုပိုင်ဆိုင်ထားတာပဲ....။ ကံကောင်းလွန်းတဲ့saejungကို သူမအားကျမိတယ်...။