"Ako na bahala." Sagot ni Jelian.
Bumababa naman si Yasmine ng hagdan, wala na itong bandage sa ulo. Pero my nakalagay parin sa braso nito ang supporta sa pilay.
"Wow! Almost complete. Si Kyrene ang pinunta niyo?" Punong-puno ng pang uuyam na sabi ni Yasmine.
"Akala ko makikita kitang naka wheelchair, sayang naman." Nakangising sabi ni Trcia.
Inirapan lang ito ni Yasmine at umupo sa may couch na nasa living room. Sa kabilang side ito, nakaharap siya sa labas na salaming dingding.
"Grabe! Muntik ng mamatay mataray parin." Iritang sabi ni Tricia habang naka tingin kay Yasmine na nag c'cellphone.
"Sandali lang, papapasukin ko lang ang bantay." Tumayo si Jelian at lumabas, sumunod naman si Kenneth.
"Kuya kumain na daw po kayo." Sabi ni Jelian sa bodyguard.
Tumango ang dalawa at pumasok. Pumanta naman si Kenneth sa kotse at binuksan ang likod.
"Labas na bro." Lumabas si Khielve.
"Khielve, ayun ang kwarto ni Kyrene. Umakyat ka sa terrace." -Jelian
"Okay, salamat." Naglakad si Khielve papunta sa may kwarto ni Kyrene, pero na tigil siya ng makita si Yasmine na nakaharap at nakatingin sa labas.
Tumingin si Khielve kay Jelian at sumenyas at tinuro si Yasmine. Agad naman pumasok si Jelian at ng makita ni Khielve na hinarangan nito si Yasmine para hindi siya makita mula sa labas agad siyang tumakbo.
Wala siyang sinayang na oras, agad siyang umakyat sa terrace at dahan-dahan niyang binuksan ang sliding glass door.
Dahan-dahan siyang pumasok, nakita niya si Kyrene na nakahiga at nakatalikod. Bukas ang ilaw dito. Umupo siya sa gilid ng kama nito at hinawakan si Kyrene sa balikat. Mukhang tulog ito.
Yumukod si Khielve at hinaplos ang ulo.
"Kyrene" Mahinang tawag niya dito. Umungol ito at dumilat naman agad at humiga ng patihaya. Kaya pagkaharap na ang mukha nila ngayon.
"Kumusta ka?" Nakangitin tanong ni Khielve.
"Khielve!" Agad na yumakap si Kyrene kay Khielve, medyo natawa si Khielve. Inangat niya si Kyrene at napaupo ito na nakayakap parin sakanya.
Hinigpitan ni Khielve ang yakap dito. Narinig nalang niyang humihikbi si Kyrene kaya kumalas muna siya ng yakap dito.
Tinitigan niya si Kyrene na umiiyak nga. Nangunot at napatiim ang bagang niya ng makita ng husto ang pisngi nito. Hinaplos niya ang pisngi ni Kyrene na may pasa na nag kukulay talong na.
"Sino may gawa nito?" Tiim bagang niyang tanong. Pakiramdam niya sasabog ang dibdib niya sa galit.
"Si tita Dianna. Nagalit siya, nahulog kasi si Yasmine sa hagdan." Bahagyang umiiyak si Kyrene.
"Ipapaalam ko 'to sa nanay at tatay mo."
"Wag Khielve. Mag aalala yun, susugod yun dito. Siguradong lalong lalaki ang gulo." Marahang hinawakan ni Khielve ng dalawang palad niya ang magkabilang pisngi ni Kyrene. Dinikit niya ang noo sa noo ni Kyrene.
"Sumama ka sakin. Lumayo tayo dito, magtanan tayo." Medyo nagulat si Kyrene sa sinabi nito. Medyo naglayo ang mukha nila pero nakahawak parin si Khielve sa mukha nito.
"Sinabi ni Jelian na ipapadala ka sa London, Kyrene sumama ka. Lumayo tayo." Ngumiti si Kyrene. Humawak ito sa magkabilang wrist ni Khielve habang nakawak sa mukha niya.
CHAPTER 65
Start from the beginning
