ထျန်လွမ်ရွှန်း ပါးစပ်မှ 'ထွက်သွားခွင့်' ဆိုတဲ့ စကားကို ကြားတဲ့အခါ လုယွင်ရဲ့မျက်နှာက ဒေါသကြောင့် ခက်ထန်သွားခဲ့သည်။
"ကုယျန်ရှန်းက နျန်နျန်ကို မကြိုက်ဘူးလို့ ပြောရအောင် မင်းဘက်ကဘယ်လောက်တောင် သေချာနေလို့လဲ။
ထျန်ရှုံးကြောင့် နျန်နျန်ဘယ်လောက်ထိခံစားခဲ့ရလဲဆိုတာ မင်း သိလား။ မင်း ဘာသိလို့လဲ။
ထျန်ရှုံးကြောင့်မဟုတ်ဘဲ သူတို့ရဲ့ အခုလက်ရှိဆက်ဆံရေးက ဒီလိုဆိုးရွားနေမလား။ ""ဟုတ်ကဲ့ ချီယွမ့်အုပ်စုအပေါ်ထားတဲ့ မစ္စလုရဲ့ကြင်နာမှုအတွက် တကယ်ကိုကျေးဇူးတင်ပါတယ်။ "
ထျန်လွမ်ရွှန်းရဲ့အသံက အနည်းငယ်ခက်ထန်နေပြီး မသိမသာလည်း ကျယ်နေသည်။
"ဒါပေမယ့် ကျွန်တော်တို့ချီယွမ့်က အဲ့လောက်ထိကံမကောင်းဘူးထင်တယ်။ ကျွန်တော်တို့ ပူးပေါင်းမယ့်ကိစ္စလည်း မဖြစ်နိုင်တော့ပါဘူး။ "
ထျန်လွမ်ရွှန်းက ပြတ်သားသောလေသံနှင့် ညှိနှိုင်းမှုကို ငြင်းဆိုလိုက်တဲ့အခါ လုယွင်က ရယ်သည်။ သို့ပေမယ့် သူ့မျက်ဝန်းထဲမှာတော့ အေးစက်မှုများက ပြည့်နှက်နေသည်။
"ကောင်းပြီလေ.. ဆိုတော့ ချီယွမ့်အုပ်စုက M နိုင်ငံမှာ ဒီထက်ပိုပြီး မရပ်တည်ချင်တော့ ဘူးပေါ့။ "
"ဘာကို ဆိုလိုတာလဲ မစ္စလု"
လုယွင်ရဲ့စကားကြောင့် ထျန်လွမ်ရွှန်းရဲ့အမူအရာက တုံ့ခနဲဖြစ်သွားပြီး လုယွင်အား စူးစိုက်ကြည့်ကာ ပြန်မေးလိုက်သည်။
"မစ္စတာထျန်... အကယ်၍ ကုအုပ်စုဘက်က ချီယွမ့်နဲ့ ပူးပေါင်းမှုကိုရပ်တန့်လိုက်ပြီလို့သာ ကြေညာလိုက်ရင် ဒီစီးပွါးရေးလောကမှာရှိတဲ့သူတွေက ဘယ်လိုတွေးကြမယ်လို့ မင်းထင်လဲ။
အဲ့လိုမျိုး ကုအုပ်စုနဲ့ ချီယွမ့်အုပ်စုက ပူးပေါင်းမှုမရှိဘဲ မျက်နှာချင်းဆိုင်ဖြစ်သွားရင် ကုအုပ်စုကို ဆန့်ကျင်ပြီး မင်းတို့နဲ့ ပူးပေါင်းကြမယ်လို့ ထင်နေတာလား။ ""မစ္စလု ဒီလောက်ထိလုပ်ဖို့ လိုအပ်လို့လား။"
"လူတွေရဲ့ အရိုးကိုမထုတ်ဘဲ အကုန်လုံးဝါးစားလိုက်တာအပြင် ဒီလောကမှာရှင်သန်ဖို့ နည်းလမ်းမရှိတော့ဘူးလို့ မင်းထင်နေတာလား။ မင်းက ကြင်နာတတ်တဲ့လူတစ်ယောက်ဆိုပေမယ့် မင်းညီအတွက်နဲ့ ကုမ္ပဏီကို စွန့်လွှတ်ရဲလို့လား။"
YOU ARE READING
(ဥက္ကဌရဲ့အရင်ယောက်ျားကပြောတယ် သူကအနက်ရောင်ကြာပွင့်လေးပါတဲ့)
RomanceI'm not own this novel . I credit to the original author and Eng translator who allow me to translate this novel. Author - ICIYUAN动漫 English Translator - xxGirl-in-blue အချည်းနှီးသာဖြစ်သွားခဲ့ရတဲ့ သုံးနှစ်တာ ကာလအတွက် ဝမ်နျဲ့နန် ပြန်ရခဲ့တာက အေးစက်တဲ...
အခန်း(၈၄) ဘာလို့ မစ္စတာဝမ်ကို ထွက်သွားခွင့်မပေးတာလဲ
Start from the beginning