برائتي المنتهكة

البارت ١٠

ملاحظة بنات: قررنا نكتب الكلمات الي ما مفهومة م̷ـــِْن كلام سجى بين قوسين لأن البعض ما يفهموها

**

أنا ذاك الوحيد اللي تشابهني رساله شوق
‏بصندوق البريد وصاحبه من عام متوفي💔🚶‍♂

****

فارس :
لبست وكشخت وقررت اطلع لان صارلي وقت مطالع
نزلت وشفت ساره ستوها فاتت سلمت عليها مبتسم وطلعت ..

واني دافر بالسويج مالتي وبعدني مملتفت للكراج واشوف ياسين ديغسل بسيارة سلام واكو بنيه كاعده ع الكرسي الي بلحديقة وكل الي شفته هوا شعرها الي يلعب بي الهوا ..

وضحكتها العالية .. منو هاي ياترا ؟ تحمحمت وكلت "هاي شديصير هنا؟

سد ياسين المي والتفتت البنيه .. والشمس عاكسه ع وجهه بس منو هاي اني وين شايفها؟

ياسين : اهلا استاذ فارس

فارس : هلا بيك .. شنو جايب بنتك وياك؟

ضحك ياسين وكال : ههه لا استاذ هيه مو بنتي ...

وقاطعته سجى : وشنو شايف الشيب مالي شعغه (شعره) وددكول عليه بنته؟

عقد فارس حواجبه وهوا يحاول يذكر هاي البنيه منو ، رتخت ملامحه وهوا يذكر هاي مثلها البنية الي شافها ذاك اليوم من عطلت سيارته .. مثلها الي قللت ادب وياه

عقد حواجبه بغضب وكال : انتي همين كدامي؟ لج هاي شدسوين ابيتي

نهضت من مكانها وتخصرت مباوعتله بعصبية ضريفه لملامح وجها : عفواً وانت شكو وهذا مو بيتك هذا بيت الاستاذ سلام

فارس " لا والله وتعرفين سلام همين الكو... صاير ابو البنات هاليام وميكلي اني اعلمك .. والتفت لسجى .. وانتي لتعيطين وولي منا يلا احنه منستقبل قليلات الأدب ابيتنه

سجى : لتشبهني بنفسك غجاءاً(رجائآ)

تعصب فارس كلش من كلامها وعاط بيها : لج انتي شنوو ليشش متتأدبين؟ شنو هازة كاروكي ودتحاجيني هيج

سجى : عيني اني كلش مؤدبة بس الي مثلك ميستاهلون واحد يحتغمهم

فارس " وليش عيني شبيهم امثالي ليكون معاجبين حضرة جنابج

رادت سجى ترد عليه بس سمعت عيطة من جوا البيت .. بأسم اختها .. خافت كلش وبدون تردد راحت فاتت للبيت وشافت. ...

**
ساره :
تقرب سلام مني بخطوات زرعت الخوف لكلبي لينبض بقوه واني اباوع لرجليه الي تتقدم مني ، حجه ومنتبهت لكلامه لگاله ابد بس الي اشوفه هوا تقدم مني وحيتقربلي
و أسترجعت ذاكرتي يوم الي اغتصبني ذاك الحقير وكل آلمي وخوفي رجع عليه عيوني غوشت ودكات كلبي انخفضت والهوا مكمت احس بي يدخل لرئتي وكأنو حبسوني بمكان كلش ضيق والهوا قل يمي ، اريد اسيطر ع رجفة جسمي مداكدر حسيت جسمي يرجف ع حيلة وكلبي احسه حيطلع من مكانه ، رجعت خطوات ليورا ولزمت الحايط عالمود لا اوكع ، اخذت نفس بقوه ومداحس الهوا يوصل لداخل صدري ابد رجعت خطوات ليورا وبس اريد اتنفس ماكو خليت ايدي على صدري وكمت احركها بقوه محاوله اتنفس مكدرت ، نبضي كلش نخفض ورخه جسمي ومحسيت بعد بشيء..