برائتي المنتهكة

البارت ٧

هلووو ..مثل ما وعدتكم أإأذأإأ اختي تكتب انزل الكم وهسة دزتلي هالبارت كامل وانه بسبب التآخير وحماسكم نزلته الكم قبل لٱ أدققه لهلسبب أإأذأإأ لكيتو اغلاط املائية لٱ تهتمون 🤗

##

سلام :
صارت بـ 10 وستأذن غزوان وراح
اني ࢪحت صعدت لغرفة تقى وطرقة الباب وكلت تقى هذا اني فتحي الباب

تقى :جنت كاعده ؏ سريري واتصفح بـ لاب توب ماتي اگلب بحساب غزوان وحفظت شكم صوره اله فـدوۿ شهل الشخصية لتموت دخيل الله .

ندك الباب وسمعت صوت اخويه سلام ياربي أڪيد حيحاسبني لأن طلعت كدام غزوان بدون شال ؏ راسي .. كمت فتحت الباب فات هوا وسده وراه

سلام : تقى هاي شسويتي اني شكلت؟

نزلت راسها وكالت : سلام وربي مجنت ادري بي جاي وكع كتابي ونزلت اخذه شمعرفني بي حجيجي وانت مكلتلي

مسحت على وجهي مستغفر : لج بابا حتلو ماكلج انتي انتبهي اذا مو غزوان غيره وهسه انتي حصلتي اثم شستفاديتي؟ بنيتي مااريد هذا الغلط يتكرر ماشي ترا محسامح مرت لتجي

اجت احتضنتني وكالت وهي تباوعلي ببراءه : ابد محعيدها حبيبي بس لتزعل

سلام : مو مني لازم تعتذرين من ربج حبيبتي ماشي يلا اتركج تكملين دراسة

وتركتها ورحت اكمل شغلي ..

**

غزوان :
وصلت للملهى ولكيت الاجواء لتعدل مزاجي استقبلني وليد وكال :باشا الوجبة الي اجتي تموتت وكلهم بنات مثل ماتحب

ابتسمت ورحت كعدت بمكاني الي متعود اكعد بي وجتي البنات الي يركصن والي يحاولن يغرني ..

مهتميت بيهن ابد بس عيني صارت ع وحده جانت مختلفة كلياً عن لبقيات ملابسها وشكلها ملامحها البريئة ، شوي وختفت عن عيوني فتي ببالي ولازم احصل عليج

جيت اسئل هجران عليها بس شفتها متقدمة اليه وهي شايلة الصينيه بأيدها ، كل ما داتقترب مني كلما تحلى بعيني ..
ابد ممبين شي من جسمها بس اغراني ركزت علئ ادق ملامحمها والف فكرة اجتي بالي واني اتخيلها بين اديه وع فراشي

اخذت الكاس وشربت شوي منه واشرتلها تتقرب اليه ، ههه ضحكتني من دكلي اني موبنت ليل لعد شنو تسوين بملهى؟

التفت وحاولت تشرد بس شافت الحرس واني وراها ضلت متصنمه بمكانها ..

سارة :
شكد تمنيت اموت بهلحضه تمنيت تنشگ الكاع وتبلعني ولا اسمع كلماته القذرة الي سمعتها منها ، ردت اشرد ردت اطلع لو ادري اقتله واقتل روحي مخلي ياخذ شرفي لا ابد كلشي ولا شرفي محسمحله ابد