{حــب مـشـؤوم} 🖤أسـيـرة لـعــنـة إلانـتـقــام🖤(كرونيك باللهجة الجزائرية🇩🇿)

🖤الــحــلــقــة 19🖤

نص الليل ما جاه نوم... يشم فريحة شعرها... مخلغل اصابعو فشعرها.... النقاش الحاد اللي دار بينو و بين ياسمين...
-----------
ياسمين: مدامك جبتها و حطيتها فنص داري.. و قبالة وجهي... معندي ما نزيد نخسر من بعدك.... ماليوم نتا اللي حتخسر... حرز مليح العصفورة اللي لداخل...

جاسر:ياسمين اقسم بالله و تعملي شي غير نجيفك بين يديا..

ياسمين:علاه تحبها... لحقت تنسيك فرهف في أربع شهور... و انا من ثلاث سنين ما قدرتش...

جاسر خنقها: روعة تجيبي سيرة رهف على لسانك...

ياسمين: نتا واحد مختل عقليا.. هئ اطلبني جاسر..... مريض... مرضك بالماضي معدم حاضرك اللي مخلي مستقبلك منعدم..جااااسر.. هئ..
طلقها

جاسر: وش لقيت فلمار احسن منك هممم... خليني نقلك... لمار مع انها تعرف حكاية رهف ما تفتح فمها بحرف... لمار عاملة اعتبار لوجودي... و من اول يوم احترمت والديا... و عرفت تسير روحها على مكانتها.... لمار خانم القصر يا ياسمين.... و في بالك حتقدري تاذيها...العصفورة اللي تحكي عليها جنية...

رنا سمو عليها و طلع.... رمات فاز من تقلاقها و عصبيتها

......

خزرلها نايمة فحضنو مكمشة كاننو حيهرب.... تبسم و همس

جاسر:والله طفلة صغيرة...

لوح يدو الثانية ورا ظهرها و عدل روحو هازهم النوم نايمين...

______________
طلعت نص الليل من غرفتها... رايحة للغرفة الثانية دخلت غلقت الباب.. شحلت الضو... بانلها سريرها... و مرايتها.. خزانتها.... رحات لخزناتها جدت اخر فستان خلاتو... قعدت عالسرير.. تنقا الفستان تشم ريحتو...

رهام: اشتقتلك.... اكثر وحدة... حكلت برواز الصورة... الصورة الوحيدة اللي تجمعهم.. ضمتها دموعها وديان..

رهام: وصية بابا... مقدرتش نحافظ عليك.. انا.. انا اسوء اخت....

عنثت الكادر و الروب و تسطحت على السرير.... ،دموعها عخدها لين نامت.....

____________
صباح جديد.. قامت قبلو عملت روتينها تمكيجت و لبست و نزلت... صبح عليهم فالكوزينة

لمار :صباااحوووو

جميلة:صباح يا عروووس

سلام:يوه وش مجيبك من صباح الهنا... كون راني فبلاصتك نتمتع بحضن الأغا جاسر

ضحكو الكل هبطت راسها

لمار: اححم.. خلونا بليز.. اام.. ناوليني بيض و دقيق... حليب و فانيليا..

َنادية:وش حتعملي يا خ.. قصدي لمار

لمار:بانكيك... جاسر يحبهم...

جميلة:خلينا نعملوهم مع انو مش معتادين و منعرفوش اما نحاولو

لمار:اييه ليوم تتعلمو... ناوليني اللي قتلك عليه...