{حــب مـشـؤوم} 🖤أسـيـرة لـعــنـة إلانـتـقــام🖤(كرونيك باللهجة الجزائرية🇩🇿)

🖤الــحــلــقــة الــثــالــثــة 🖤

دخل لقاها مكمشة فكوانة نايمة... خزرلها..

جتسر:متشبعش رقاد ذي...

عوج رقبتو و راح رفد كأس ماء عباه و دماغه عليها قامت مفزوعة وقفت مقتبلو تخزرلو خزرة كلها قوة...

لمار: جاي تقتلني؟

جاسر: تأ... كان هكاك كان مقومتكش من نومتك لربي...

لمار:تعرف نتا ربي...

جاسر : لسانك نقصو...

لمار:وش تحب...

جاسر :قررت نخفف عليك و منربطكش فالبيت... على كل حال مكان وين تهربي...

لمار:او وو ٦ملت مزية كبيرة مراحش ننساهالك...

جبدها ليه:لمار لحد الان منيش غالط معاك ... متوصليش روحك...

لمار :لواش... تلمسني.... نقتلك و متعملهاش

جاسر: واثقة فنفسك بزاف ا عصفورة... نقوللك و نعاود نتي مش نوعي... و آخر اختيار ليا....

طبعها و خرج... نفخت و دخلت تغسل... خرجت... معندهاش تياب.

لمار:اااااااااااععع... صونياااااا.... صونياااااااا

جات تجري:أنعم مدام..

لمار:نسحق تياب...

صونيا:حاضر مدام

دمار:معادش تناديني مدام... لمار عادي...

تبسمت لها و راحت... جابتتلها ثياب.. كانو كبار عليها...

صونيا:للأسف ذا وش عندي.. مقاسي مش مقاسك... طويلة عليك انا...

نفخت و خذاتهم دخلت تبدل اول ما خرجت.. انفجرت صونيا تضحك... و لما ر ضحكت معاها...

صونيا:ضحكتك شابة... علاه متضحكيش

لمار:شوية سيريو... تنخطفي َن عرسك و ربقاط مخطوفة و تضحكي...

صونيا:يعني لو كنت مكانك و يخطفني السي جاسر... تموت بالفرحة

لمار:مفيه شي مميز...

صونيا:امممم مصدقتك... دخل عندك لبارح فالليل و طول لخرج و دخل عندك ليوم صبح...

لمار:ششش وقحة وين راح بالك...

صونيا: اسفة نضن تعديت حدودي... مش بيدي... الكل هنا اجانب و من زمان ملقيتش وحدة من عمري و من بلدي نهدر معاها...

لمار:لا عادي....

صونيا:خلينا ننزلو نحضرلكم فطور... نفخت و نزلت...

لمار:خليني انا نشوف الدار في وقت ما انت تحضري الفطور...

خرجت تدور.. تدور تدور... و توب و اخيرا لقات فيروندا تخرب لبرا... بدون تفكير و كي لبهيمة عذاتها حري خرجت و عطاتها جري....