الفصل الثالث والعشرين
ظلت حو ر ننظر إليهم في عجب وبدأت الغيرة تظهر عليها ثم قالت وهي ترفع حاجبها الأيسر :
- خير يا استاذ جاسر عاوزة ايه عاوز تخصم اليوم
قطع كلامهم صوت موظف الحسابات بينده علي جاسر
ذهب إليه جاسر ليتابع مسار العمل
رفعت حور عينيها علي دكتورة وقالت :.
- خير يا دكتوره نهي شيفاكي يعني واخده علي استاذ جاسر ايه معرفة قديمة ولا اية
نهي بغيظ فيها :
اممم تقدري تقولي حاجة شبه كده أنا أعرف جاسر من سنه اتعرفت عليه في امريكا و هو رشح لي المستشفي هنا علشان اشتغل فيها بس بيني وبينك انا برسم لبعيد . صحيح هو تقيل شويه بس علي مين وبكره تسمعي اخبار حلوة وتقولي نهي قالت
قالت حور وهي تنظر إليها :
- اممم وهو بقي واخد باله من الرسم ده كله
نهي بأستياء:
- بصراحة لأ تقيل قوي صعيدي صعيدي بس لجل الورد ينسقي العليق انا سمعت أنه من أكبر رجال الأعمال في مصر و برا بصراحة فرصة متتعوضش وانا مش هسكت غير لما واقعة
قطع كلامهم حضور جاسر الذي قال بحزم :
- ايه يا دكتاتره مش نشوف شغلنا ولا هنقضي اليوم في حكايات
قالت حور :
- انا بقول بردو كده أسيب عصفورين الكناري يصوصو مع بعض
جاسر بغضب:
- نعم حضرتك سمعني كده
قالت حور،:
- لا مافيش بقول الحق انا اروح اخلص العمليه علشان اروح
جاسر بعند:
- تروحي فين فين انا لسة ماضي علي جدول العمليات وعندك انهارده تلات عمليات مهمة
حور :
+ بس انا مش عامله حسابي
جاسر:
- حضرتك ناسية انك دكتورة و ملكيش مواعيد
قطع كلامهم نداء علي حور الحضور لحاله للاهميه
ذهبت حور مسرعة لمكتبها وضعت حقيبه يدها .. وجرت مستعجلة علي الحاله ونست تخبر ليلي أنها هتتاخر علي الاولاد..
انشغلت حور في العملية وكانت عملية طويله وصعبه
ذهب جاسر لمكتب حور لإبلاغها أنه أجل لها العملية الثالتة فلم يجدها في مكتبها وعندما خرج أوقفته رنة هاتفها المستمرة رد علي هاتفها:
جاسر:
- الو ايوا مين
ليلي باستغراب:
مش ده تليفون دكتورة حور
جاسر: أيوة مين معايا
ليلي: انا ناني الاولاد
جاسر: خير في حاجة حصلت للاولاد
ليلي : اطمأن حضرتك أسيل لسه سخنه زي ماهي السخنيه مش عاوزة تنزل
جاسر: حور عارفه أن أسيل سخنه
ليلي : أيوة وفضلة سهرانه جنبها طول الليل ومراحتش الشغل غير لما انا جيت صحيح اتاخرت عليها شويه بس هي اضطرت تروح كان عندها عمليه مهمه
جاسر : طايب انتي بتتصلي عاوزة حور ليه
ليلي يزهق:
- انا انهارده. المفروض همشي ساعتين بدري قبل معادي مستاذنه منها بس تقريبا هي نست وأنا ورايا مشورا ميتأجلش وخايفة اسيب الأولاد لوحدهم خصوصا أن اسيل تعبانه
جاسر بغضب:
- لامتتحركيش من مكانك ساعة وهكون عندك و هعوضلك الوقت ده فلوس
ليلي باستغراب:
- بس حضرتك مين انا معرفش حضرتك علشان اسيبلك العيال
جاسر :
- لما اجي هعرفك انا مين
ليلي وهي تنهي المكالمة
- حاضر يافندم
ذهب جاسر إلى الدكتورة نهى
جاسر باستعجال.:
- نهي غيري بسرعة البالطو وتعالي في حالة مستعجلة
نهي بزهق:
فين يعني برا المستشفى
جاسر :
اه يلا بسرعه نهي تخلصي
ضحكت نهي وافتكرت أنها وقعته وهو عاملها مفاجأة
خرجت نهي مع جاسر خارج المشتفي لمحتهم حور وهي بتستعد للعمليه التانية .
و الغيره بتنهش فيها ازاي يسمح لنفسة يمسك يدها ويخرج معها هكذا فقالت :
- ماشي ياجاسر ماشي بس معقول بيحبها دي بتقول اتقابلوا في امريكا ممكن يكون حصل حاجة بنهم . معقول كان علي علاقة بيها الصبر من عندك يارب .. فاقت علي صوت الممرضة:
ياكتورة جاهزين ذهبت حور لكي تباشر عملها
ركب جاسر و بجانبه نهي سيارته اتفجاءت نهي بكميه الألعاب في العربية و قفص من العصافير مختلفة الالوان
نهي باستغراب:
- كل دي عصافير هتعمل بيها ايه لم يرد عليها جاسر كان مركز في الطريق
نهي باستغلال:
- شكلك عاملي مفجاءة يا جاسر صح عصافير بقي وشيكولا وجو رومانسي .. لم يرد علي كلامها او ينظر لها اساسا وكأنها غير متواجدة معه كل باله مع اسيل و مرضها و صلو فيلا عند حور
نهي باستغراب و هي تنظر حولها
بيت مين ده اكيد بيتك الڨيلا دي صغيرة علي رجل اعمال كبير ذيك
التفت جاسر إليها وقال بعصبية؛
- في ايه يا دكتورة من ساعة ما ركبتي و انتي لوك لوك لوك خبر ايه عاد مش جولتلك عاوزك في حاله اباه عليكي
انكمشت نهي في نفسها واول مرة تشوفه بيتكلم صعيدي
رن جاسر جرس الباب فتحت. ليلى
ليلي : افندم
جاسر :
-انا اللي كلمتك في التيلفون فين أسيل جبتلها الدكتورة
-قالت ليلي بحيرة :
- قبل ما ادخلك اعرف انت مين
أخرج جاسر بطاقته وجعلها تراها
نظرت فيها وشهقت اتفضل اتفضل جاسر باشا
دخل جاسر بصحبة نهي التي قتلها الفضول لتعرف لماذا جاءت إلى هنا ؟
وصلت ليلي جاسر لغرفه اسيل.
قال جاسر لها :
- اتفضلي انتي يا ليلي علي مشوارك
كشفت نهي علي أسيل بدقه
وخرج جاسر واسر برا
مسك أسر يد جاسر وقال:
- اونكل هو حضرتك لسة زعلان مني
ابتسم جاسر له بحب قائلا:
- ليه ياحبيبي بتقول كده انا عمري ما ازعل منك
- علشان امبارح لما لقيتك بتزعق لمامي انا تضايقت
جاسر؛
- لا ياحبيبتي انا فرحت بيك انت راجل هنا المفروض محديش يجي جمب مامتك واختك صحيح يا أسر هو مامتك ماهكتلكيش عن بباك خالص
قال أسر متحمس :
- لا ماما كل يوم تقعد تحكلنا انا وآسيل عن بابا و اد ايه هو حد كويس وكمان بتحكلنا عن الصعيد وبابا كان عايش هناك بس بابا دلوقتي مسافر امريكا وبعتلنا لعب كتير من هناك يعني بابا عارف اني بحب الرسم بعتلي الوان وكراسات رسم . وبعت لآسيل عروسات كتير
جاسر ضحك وقال:
- اسمها عروسات بردو ماشي ياعم نعديها لاجل عيونك ثم اكمل كلامة قائلا :
تعالي يا عم جاسر بقي معايا تحت علشان اوريك جبتلكم ايه .
وهما يستعدان للنزول فتحت نهي الباب و في يدها أسيل جري جاسر عليها وهو يحتضنها و يقول
- أسيل حببتي عاملة ايه دلوقتي
اسيل بحب:
- الحمدلله بس احنا متخاصمين صح
جاسر بابتسامة حب:
- وانا جاي أصلحك علي فكرة و جبتك عروسات
أسيل بفرح شديد :
- بجد جبتلي عروسات يا أونكل
الجميع نزل إلى أسفل و جلس جاسر بجانبهم علي الارض وأخرج كل الالعاب واندمجوافي اللعب ونهي جالسة تشاهدهم بغل واضح وتريد أن تعرف ما علاقته بالأولاد
لمحت اسيل مكان العصافير
أسيل بفرح :
الله عصافير جديدين .مامتي هتفرح خالص بيهم بجد انت جميل قوي يا أونكل
قال أسر:
- تعرف يا أونكل ماما امبارح عيطت كتير علشان عصافيرها ماتو في حريقة. مامتي هتفرح ياسلام
نهي بينها وبين نفسها :
- وطتلع مين امه دي كمان هي ناقصة بلاوي
جلس جاسر يلعب مع العيال وطلب بيتزا ليهم وسط فرحاتهم وضحكهم حضن العيال حضن ابوي بشوق حتي أدمعت عيناه من القهر
جاسر في نفسه و و حاضن أولاده و الدموع بتجري في عينية:
-كده ياحور كده أهون عليكي تخبي عني العيال كل ده تلات سنين تلاته يا حور و انا عندي عيال و معرفش
ليه العقاب القاسي ده مش كفايا عقاب بعدك عني حرام انا مستهلش كل ده ، غلط فيكي بس في غيرتي كانت عمياني
أيوة غيرتي انا بغير عليكي من الهوا لو كنتي صبرتي لحد بليل كنت هضعف واخدك في حضني انا جوايا كنت متاكد انك عمرك متعملي كده بس غيرتي اااااه من غيرت الراجل وبالأخص في غيرت ال صعيدي
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
(هشام الجخ)
وانتي يا حور كنتي حته ماس اااااه علي وجع القلب اللي انا فيه
قطعت نهي لحظات الشجن وقالت بعصبية :
- جاسر انا زهقت يلا نمشي من دوشة دي
مسح جاسر دموعه بسرعة
- أيوة يا نهي خير
نهي بزهق شديد:
- يلا بقي يا جاسر انا زهقت يلا نمشي انا مبحبش قاعدة العيال بزهق منهم بسرعه بجد ملل و دوشة اوف
جاسر بتعجب:
- ازاي يعني هو انتي مش دكتورة اطفال و لا ايه
نهي يووووو :
- أيوة بس انا دخلة طب غصب عني و القسم كمان بابا الله يسمحه بقي هو اللي صمم اخش كليه الطب و قسم الأطفال .. علشان مبقاش أقل من عيال صحابه ..
جاسر بتعجب !
-انا كنت فاكرك غير كده
نهي بملل :
- يلا بقي دوشتهم زهقتني قوي وصدعت بجد خلاص
أسر بيلعب بمسدس بيعمل صوت
نهي بنفاذ صبر :
- ولد بس بقي و بعدين كفايا بقا صدعت ايه معجون بماية عفاريت و بتزعقلو
لسه جاسر هينطق
فتح باب الشقة ودخلت حور علي صوت الضجيج و أسر يبكي بشدة
YOU ARE READING
صعيدي ولكن عاشق بقلم نرمين قدري
Paranormalهي فتاه طبيبة من عائلة ثرية تهرب من جحيم حب خادع لجحيم عشق الصعيدي هو شاب وسيم من أكبر عائلات الصعيد هو كبير العائلة قاسي حاد الطباع كمثل أهل الصعيد ولكن له قلب عاشق يعشقها بكل جوارحه القلب❤.. مجرد عضلة ،، ولكنّه عاصمة كلّ شيء جميل .. الحبّ ..الد...
