بسم الصداقة

البارت 6

#بـ_اسم_الصـداقة 💕☹

البارت 6 🐾❤

روايات " لمياء سالم "
#Lamia_Salem

ميرال: ايوا
مختار: خطتك جمعتنا ياحبي باش تتفضلي بعد شهرين العرس
ميرال: شني
مختار: عرسي اني وسارة مش سارة وولد عمها بعد شهرين باش تجي عاد
ميرال: كيف مفهمتش
مختار: انتِ فاهمه اكثر منّا اصلا .. وسكر الخط

______________________________________

ثاني يوم 💞☹

مختار ناض الصبح بعت لسرسر: صبحخير حبيبي ❤ .. وطبعا كانت مسكرة معاش فتحت من امس

شاف ميرال باعتتله مسجات

ميرال: فهمت منك انك خطبت سارة وطلعت فيها عيل رغم ان حبيتك وتوقعتك مديرهاش متوقعتكش ترخي بيا لكن مفهمتش شن دخل ولد عمها في حاجه مقايلتلك عليها سارة ان اني نعرف ولد عمها ولا مفهمتش المهم ربي يهنيك ويتمملك ع خير يامختار وربي يجمعك بيها بحلاله لكن اني مش مسامحاتك وحنقعد ندعي عليك ونتحسب فيك ربي عشمتني ورخيت بيا
مختار: غير لحظة لحظة من عشمك ورخي بيك اني حبيتك فالبداية من قلبي لكن انتِ محبيتينيش لو حبيتيني وشفت حبك واهتمامك مستحيل نرخي بيك وحتى لو محبيتينيش مش ح نرخي بيك لكن انتِ كل ماتحاولي تبعديني ع سارة نزيد نتمسك بيها لتوا ماشيه مقايله لبوها تكلم في ولد وتبي ولد عمها يتزوجها تحسابيني غبي منفهمش راني مختار وهي درقيلي وجهك معاش نبي نشوب خليقتك في حياتي اني وسرسرتي لان وربي لو شفتك تحومي جيهتنا لما نوريك جهنم فالدنيا ... ودارلها بلوك من جميع الجهات

______________________________________

اول ماشافت ميرال المسج اتصلت بـ فارس طول

ميرال: ايوا
فارس: شني يافرخه
ميرال: شن رفست شن درتو انت واسيل توا قالي مختار انه خطب سارة وشهرين وبيتزوجو
فارس: بو سارة قال منعطوش قاعدة صغيرة
ميرال بصوت خانقاته العبرة: تي اهو توا خطبها مختار
فارس: شيء طبيعي واحد لما بيلقا بنته تكلم في ولد بيزوجهم لبعض طول
ميرال: خيرك تتكلم هكي ببرود مش ع اساس تحبها
فارس: شن نحبها متعك هذي ربي يهنيهم شن بنديرلها مثلاً
ميرال: دير اي حل كلم بوها قوله اني ولد عمها بتعطيها لغريب وكله دير حل فارس مستحيل نخلوهم يكملو مع بعض
فارس: خايف ندير اي لقطة غبية يزيدو يتقربو من بعض
ميرال: تي لا مستحيل ح نقعد اني وندير كل جهدي عشان يسيبو مستحيل نخليهم مع بعض واصلاً مختار بلكني
فارس ضحك: مقتلكش اعتمدي عليا يحبي نكره عمي فيا وتو نحاول نكلمه لكن باش اديريني فوطة تمسحي فيا لا يحبي
ميرال: باهي انت غير كلمه قوله كيف تعطوها لغريب
فارس: تمتم متبي شي توا
ميرال: توا بالذات منبي شي الا الي قتلك عليه
فارس: تم اقلبي .. وسكر الخط

______________________________________

ناضت سارة والدموع في خدها ناضت قعدت تشبح للدار وخلاص مدارتش اي حركه الا انها قعدت تشوف لغرفتها حياتها ذكرياتها كلشي كأنها فجأة خشت في حالة كأبه معاش خاطرها في حد معاش تبي حد الا مختار