للسلاح شياطين

الفصل السادس

احمد : ايه اللى انتى عملاه ده يا بنتى ؟؟
امل كانت كاتبه كل حاجة عن العصابة زى الرسايل اللى بعتوها ليها واصحابها المعلومات اللى الشخص المجهول قالها عن باباها ، اللى العصابة عملوه معاها ومع أصحابها كتبت كل حاجة على ورق وحطته على الحيطان كأنهم خيوط لو جمعتهم ممكن توصل لحاجة .
امل : كل ورقه من الورق ده خيط وانا حاسة انى ممكن اوصل لحاجة وكل مكالمة مع الشخص المجهول هسجلها وهكتبها على ورق وعلقها على امل انى اوصل لحاجة .
سهام : ها مش هتفهمينا ايه الرسايل اللى جاتلنا ومعناها وايه اللى حصل جديد معاكى .
امل : اه طبعا هحكى كل حاجة اقعدوا على الكنبة الاول علشان الحكاية طويلة .
احمد : اهو قعدنا يلا قولى .
امل : الشخص المجهول طلع صاحب بابا ،وكانوا يشتغلوا مع بعض ،بس انتم مستحيل هتتوقعوا بابا كان بيشتغل فى ايه !!
سهام : فى ايه يعنى باباكى كان بيشتغل فى الحديد والصلب كلنا عارفين..
امل ده اللى احنا كنا فاكرينه بقى بابا طلع بيشتغل فى السلاح كان بيضحك علينا، يلا بقى الله يرحمه
مش وقت زعل .المهم بابا استلم شحنه هو والشخص المجهول اللى بيكلمنى وعلى حسب كلامه أن بابا نصب عليه واخد الشحنة ولا عطاله ولا قرش .وقبل ما بابا يموت حط الشحنة دى فمكان محدش عارفه وده السبب اللى الشخص المجهول دخل حياتى علشانه و ضمرها وللأسف انكم دخلتوا اللعبة دى خصب عنكم ؛ لانكم اصحابى واى غلطة هعملها انتم اللى هتحاسبوا عليها .وانا مقدرش اشوفكم بتتأذوا واقف ساكته فقررت انى هدور على البضاعة واسلمها ليهم ولحد ما ده يحصل سهام هتقعد معايا .
سهام : ياااااه يا امل ايه اللى بيحصلك ده كله يعنى مش كفاية أن باباكى طلع تاجر سلاح لا كمان اضطريتى انك تدخلى اللعبة اللى هو عملها . تفتكرى هو عمل فيكى كده ليه ؟!!!!!
احمد اللى رد على سهام : الفلوس يا سهام الفلوس اللى تخلى الواحد ميعملش حساب بكرا ..ميعملش حساب لأهله واللى هيحصلهم نتيجة اللى بيعمله ؛ لأن الفلوس بنسبالهم سبب السعادة او هى السعادة نفسها .
امل : طمعهم وحبهم للفلوس عماهم عن حاجات كتير وضيع من اديهم كل حاجة حلوة فالدنيا والنعيم اللى فى الآخرة خسروا كل حاجة ، بس كانوا فاكرين أنهم الكسبانين اللى معاهم ملايين ، ملايين نتيجة دم وروح باعوها بأرخص تمن .
سهام : الخطوة الجاية ايه يا امل ؟
امل : هى أننا نلاقى البضاعة باى طريقة ؛ بس أنا حاسة أن بابا هو اللى هيساعدنا فى كده .
احمد باستغراب : قصدك ايه مش فاهم ؟!!
امل : قصدى أننا ندور فالورق واللبس وكل حاجة بتاعت بابا يمكن نوصل لحاجة .
سهام : تمام يلا نقسم نفسنا وندور.......امل قاطعت سهام وقالت : قبل كل حاجة أنا مقدرش اجازف بيكوا فمش عايزة ادخلكم فاللعبة دى اكتر من كده انا اه محتجاكم بس بردوا مقدرش .
احمد : بس احنا نقدر نساعدك ومتخفيش يستى أن شاء الله مش هيحصل حاجة لينا وهنسلمهم البضاعة ونخلص .
سهام : احنا كده كده هنضر يبقى نضر واحنا بنساعدك احسن ما مانعملش حاجة بردوا و نضر .
امل : ربنا يخليكوا ليا ، انتم كل حياتى والله .
سهام : يلا ندور بقى .
امل : طيب يلا أنا هدور فى اوضة بابا وانتى يا سهام دورى فالدور اللى فوق وانت يا احمد دور فالستراحة اللى برا وبعد ساعة نتقابل تمام.
احمد وسهام :تمام .
امل طلعت ودورت فى اوضة باباها وملقتش اى حاجة مفيدة وكذلك سهام ملقتش اى دليل و احمد ملقيش اى خيط ممكن يفيدهم .....
بعد ما الساعة مرت....
احمد: ملقتش حاجة و لقيتوا اى حاجة ؟؟!
سهام : زى زيك ملقتش حاجة ، شكلنا كده نتعب اوى.
امل : أنا بردوا دورت وملقتش ، هنعمل ايه دلوقتى ؟!
سهام : أنا جعانه ؛ تعالوا ناكل وبكرا نكمل .
امل : طيب، هناكل ايه ؟!
احمد: عندك اكل فالتلاجة ولا اروح اجيب ؟؟!!!!
امل : لا بكرا هنزل اجيب اكل للتلاجة وشوية عصاير فماتعبش نفسك .
احمد : يعنى نطلب اكل ؟!!!
سهام : اه ايه رأيكم فى سندوتشات شاورما !!
امل : طيب شاورما شاورما بس اطلبى ببسى معاها .
سهام : اشطا .
بعد شوية الجرس رن ...
امل : اكيد الاكل وصل هروح افتح ..
امل فتحت لقت الولد بتاع التيلفارى وصل واخدت منه الاكل وجات تحاسب ...
امل : اتفضل والباقى ليك .
الموظف : لا حضرتك الحساب مدفوع .
امل : مدفوع ازاى معلش ؟؟؟!!!! مين اللى تفعلوا ؟؟؟!!
الموظف : معرفش اى حاجة عن الموضوع ده هما قالولى أن حساب الاكل ده مدفوع.
امل : طيب ، شكرا .
امل بتقول لأصحابها ان فى حد دفع الحساب ولسه بتفتح الكيس لقت رسالة مكتوب فيها " بالهنا والشفا جدعة يا امولتى دورى كويس " امل حطت أيدها على وشها ومسحته بعصبية قالت لأصحابها : مراقب التليفونات كملت كده ، أنا طالعه انام كلوا انتوا بالهنا والشفا . سهام وقفت ولسه هتطلع ورا امل راحت امل قايلة: ومحدش يطلع ورايا أنا اعايزة أقعد لوحدى . عقدت سهام مع احمد وسابوها ...
امل وهى نايمة على السرير و بتفكر لقت فى صندوق باباها كان سايبهولها وقالها متفتحهوش الا بعد ما يموت وهى نست الصندوق اصلا ومشفتهوش غير دلوقتى وكان جنبيه صندوق تانى كان فيه كل الممتلكات اللى كانت مع مامتها وباباها لما عملوا الحادثة .امل مسكت الصندوق اللى باباها سابوه وسابت الصندوق التانى .
امل بعد ما جابت الصندوق الاول وفتحته لقت فيه ورقة مكتوب فيها رمز و مفتاح ..
امل : ايه ده بقى، ايه ده ؟!!!!
يتبع ..........