Be Happy √ Completed √

ep 16⛄

ဂျောင်ဂုအမေကတော့မိခင်ဖြစ်သောကြောင့်သားကိုမိသားစုဘဝလေးနဲ့တွေ့မြင်ချင်မိသည်။မနက်ကထယ်လေးလာတွေ့သွားတဲ့အကြောင်းများပြန်ပြောပြမိရင် သူမကိုစကားကောင်းတွေပြောမှာမဟုတ်တော့ပေ။မနက်ကလာတွေ့တော့ သူမလည်းမိခင်ပီပီပြောလိုက်မိသည်။လုယူပါမယ်လို့တစ်လုံးမှမပြောတဲ့ကလေး အန်တီ့ကိုလာနှုတ်ဆက်တာပါလို့ပြောတဲ့ကောင်လေးကို ယူမီပြောပြထားတာတွေကနားထဲရောက်ပြီးမတရားတာတွေပြောလိုက်မိသည်။သားကပဲနောက်ဆုတ်ပေးပါ အဝေးမှာနေပေးပါသားကိုကို ကိုအဆင်ပြေအောင်သားပဲလုပ်ပေးပါလို့ပြောမိသည်။ပွေ့ဖက်မှု့တွေမပေးလိုက်မိဘဲရင်နာစေမယ့်စကားတွေသာပြောပြီးပြန်ခိုင်းခဲ့တာ။

"ဟုတ်ပါတယ်လေ သားကိုလက်ထပ်ပေးပြီးမှ အိမ်ထောင်ရေးအဆင်မပြေရင် တစ်ဘဝလုံးစိတ်ဆင်းရဲနေရမှာ သားရွေးချယ်မှု့တွေက အမြဲမှန်ကန်ခဲ့ပါတယ် မေမေတို့ကမိသားစုပဲ သားဘာကိုပဲဆုံးဖြတ်ဆုံးဖြတ် မေမေတို့ကိုမငဲ့ပါနဲ့ မေမေတို့ကဒီဂုဏ်တွေမရှိလည်းရတယ် အရင်ထဲကအေးအေးချမ်းချမ်းနေလာခဲ့တာပဲ ဖေဖေရောမေမေပါ သားရဲ့မိသားစုမလို့ငဲ့ကြည့်စရာ အားနာစရာမလိုပါဘူး"

"စိတ်ချပါမေမေ သားကြောင့်နဲ့ဖေဖေရော မေမေပါ မျက်နှာမပျက်စေရပါဘူး"

ဂျောင်ဂု သူ့အမေကိုပွေ့ဖက်ပြီးအခန်းထဲဝင်လာခဲ့လိုက်သည်။ရေချိုးပြီးညစာစားကာ စာရင်းတွေစစ်ပြီး TVကသတင်းကိုခဏကြည့်နေမိသည်။ပင်လယ်ကိုမြင်တော့မှ ညနေကထယ်ကသူ့ကိုပင်လယ်ကိုလည်း လိုက်ပို့ချင်ပါသေးတယ်တဲ့။မဟုတ်မှ ဒီကောင်လေးပင်လယ်ကိုများသွားချင်နေတာလား။အတွေးနဲ့အတူကားသော့ယူပြီးထယ်ယောင်းတိုက်ခန်းသို့သွားဖို့ပြင်လိုက်သည်။အချိန်ကြည့်လိုက်တော့ ည၉နာရီနဲ့ မိနစ်၅၀ရှိနေပြီ။ဖုန်းဆက်ကြည့်မယ်ဆိုလည်းအိပ်နေခဲ့ရင်နိုးသွားမှာစိုးတာနဲ့မဆက်ဘဲသွားလိုက်တော့သည်။ဒီတိုင်းညဝတ်အင်္ကျီနဲ့ထွက်လာမိတာသတိရပြီး မနက်စောစောမှအလုပ်သွားဖို့အဝတ်ကိုအိမ်ပြန်လာယူရတော့မယ်။တံခါး password နှိပ်ပြီးဝင်သွားတော့ အပြင်ကမီးရောင်ကြောင့်သာအနည်းငယ်လင်းနေကာ ဧည့်ခန်းမှာဘာမီးမှမဖွင့်ထားခဲ့။အခန်းတံခါးကိုဖွင့်လိုက်တော့နံရံကပ်မီးအိမ်လေးကိုမှိန်ပြပြလေးဖွင့်ထားပြီး ခုတင်ပေါ်မှာအိပ်ပျော်နေတာတွေ့လိုက်ရသည်။
ဂျောင်ဂု ရေချိုးခန်းဝင်ခြေလက်ဆေးပြီး ကုတင်ပေါ်အသာလေးတက်ကာထယ်ယောင်းဘေးနားဝင်အိပ်လိုက်တော့သည်။ခပ်စိပ်စိပ်မျက်တောင်မွှေးလေးတွေကညီညီညာညာ ဖြာကြနေသည်။တကယ်ကိုအရွယ်ရောက်လာခဲ့တာပဲလှလှပပနဲ့။မျက်နှာလေးကိုအသာလေးထိကိုင်နေရင်း ပြုံးပြီးကြည့်နေမိသည်။