#احببت_عفيفه
البارت السادس عشر والأخير
أحمد بمرح....... بس انت ممكن ترده وبص لمني اللي كانت واقفه وبتبص في الارض ودموعها بتنزل وبتفرك في ايدها
محمد فهم احمد بيفكر في ايه لانه خلاص اتأكد من مشاعر مني تجاه احمد وبعد اللي احمد عمله دا اتأكد أن أحمد فعلا بيحب مني
أحمد وبص علي ابوة وابتسم.....
والد احمد فهم ابنه عاوز يقول ايه
والد احمد...... بص بقا يا محمد يبني انا عارف انه مش وقته بس بصراحه احنا كنا حابين نحدد معاك معاد انت والست والداتك ونعملكم زياره في البيت عشان نطلب ايد الانسه مني
محمد بابتسامه وبص علي مني اللي كانت مصدومه .... طبعا يا عمي حضرتك تشرف في اي وقت
مني اتصدمت وبصت علي أحمد اللي كان باصص عليها ومبتسم واتكسفت اوي وخدودها احمرت وبصت في الارض
خالت مني قربت منها وحضنتها وبعدها والدته احمد حضنتها هي كمان لأنها بتحبها اوي زي بنتها
والكل كان فرحان لان الكل كان اتأكد أن مني خلاص بتحب احمد زي ما هو كمان بيحبها
إيناس قربت من مني وحضنتها جامد وكانوا فرحانين اوي
ووالد احمد بص ليه وابتسم وقاله مبروك وافتكر كلامه هو وأحمد من يومين
_____________فلاش بااااااااك من يومين
أحمد....... حضرتك فاضي يا بابا نتكلم شويه
والد احمد..... ايوة يا احمد تعالي
أحمد بتوتر..... بابا انا كنت عاوز اقول يعني
والد احمد بطمئنه..... قول يبني انا سامعك
أحمد...... بصراحه يا بابا انا كان فيه بنت بحبها وحابب اني أتقدم ليها هي والله بنت محترمه جدا وبجد هي انسب واحده تكون ام لولادي
والد احمد ابتسم....... وياترا بقا هي السبب في التغيير دا
أحمد...... بصراحه اه
والد احمد بخبث..... ويا ترا بقا البنت دي تبقا مني اخت محمد عريس اختك
أحمد بصدمه وبص لابوة اللي كان بيبتسم...... هو..... هو حضرتك عرفت ازاي
والد احمد..... يبني الحب بيبان من نظرات العيون وأنا شوفت حبها دا في عيونها زي ما شوفت حبك في عنيك وان شاء يوم كتب كتاب إيناس هكلم محمد ونروح نطلبها رسمي
أحمد بحب وهو بيحضن ابوة...... ربنا يديمك في حياتي يا بابا ومش يحرمني منك ابدا يا رب
والد احمد بحب..... ولا يحرمني منك ابدا يا بني ويرزقك بالزوجه الصالحه و بالذريه الصالحه يا رب
أحمد..... يا رب يا بابا
____________________عوده للواقع
الكل كان مبسوط بالخبر دا وان احمد ومني هما كمان هيتجوزوا
أحمد بص لمني لقي إيناس لسه حضناها
إيناس بعدت عنها ووقفت جنب محمد
محمد بهمس لايناس...... طيب انا مليش حضن زي ده انا كمان
إيناس بخجل...... علي فكرة بقا يا محمد انت بقيت قليل الادب
محمد بهمس وخبث...... وهو انتي لسه شفتي قله ادب
إيناس بعدت عنه وهي خدودها بقت حمرا من الكسوف ومحمد بص عليها وضحك
____________بعد مرور اسبوع
أحمد خرج من المستشفي ووراح هو ووالده ووالدته عشان يتقدموا لمني رسمي واتفقوا ان الفرح بتاعهم هيبقا مع فرح إيناس ومحمد وبتمر الايام واحمد بيحب مني اكتر وهي كمان حبها له بيزيد
واحمد راح القسم عشان يقفلوا المحضر والقضيه تتقفل خالص
أنت تقرأ
أحببت عفيفه
Mystery / Thrillerقصه بتدور أحداثها بين شاب وبنت بقابلها صدفه وهي بتكون صديقه اخته الروايه فيها قيم كتير مهمه في حياتنا وظواهر بنواجهه وبنمر بيها في ظل المجتمع اللي بنعيش فيه
