أحببت عفيفه

الحلقه الثانيه عشره♥️

#احببت_عفيفه
البارت الثاني عشر

أحمد خرج من الكافيه وراح ناحيه المحل اللي مني كانت واقفه قصاده وطلب من صاحب المحل انه يجيب الفستان اللي كان عاجب مني والراجل جابه واحمد كان واقف يحاسب علي الفستان وهو عمال يفكر ازاي هيقدر يعطي الفستان لمني وازاي يخليها تقبله
أحمد فاق من شروده علي صوت حد وراه
الشخص بثقه..... كنت واثق انك هتكون هنا
أحمد بص للصوت واتصدم.... انت
_____________________
في الكافيه عند مني وايناس ومحمد
كانوا قاعدين وبعد ما احمد خرج بشويه محمد قالهم انه هيروح ليه عشان ميتاخرش
وسابهم ومشي ومني وايناس فضلوا في الكافيه
_________
في المحل
أحمد بصدمه....... انت؟؟؟؟
الشخص بابتسامه...... ايه انصدمت
أحمد...... ابدا يا محمد بس اتفاجئت انك جيت هنا
محمد....... كنت عارف اني هلاقيك هنا
أحمد وبدأ بتوتر.... ها اشمعنا يعني
محمد بهدوء واطمئنان....... انا مستنيك تحكيلي يا احمد الفترة اللي كنا فيها مع بعض كافيه بالنسبه ليا اني اعرفك كويس واعرف انت بتحاول تعمل ايه وعشان مين
زفر احمد وتنهد...... وانا هحكيلك بس تعالي نروح البنات الأول وننزل نجيب البدل وهحكيلك علي كل حاجه
محمد..... ماشي يلا
أحمد...... يلا
______________________
في الكافيه
مني وايناس كانوا قاعدين وايناس كانت بتحاول تضحك مني وتهون عليها
إيناس بضحك...... بس يا ستي انا واحمد اخويا كل يوم خناق طول النهار بس تعرفي ايه اكتر حاجه بقت مفرحاني من احمد
مني بنظرة عاشقه...... ايه هي
إيناس بخبث لما شافت لهفه مني...... ابدا يا ستي اتغير اوي
مني باستغراب...... اتغير ازاي يعني
إيناس..... يعني بقا ملتزم ومعدش بيكلم بنات ولا أي حاجه من دي وبقا بيصلي الفروض كلها في الجامع وهكذا
مني سرحت في كلام إيناس وابتسمت وافتكرت احمد و افتكرت لما شافته وكان متغير كان ربا دقنه ساعتها ولما شافها بص في الارض وانه اتغير عن أول مرة شافته فيها
وفاقت علي صوت إيناس
إيناس..... روحتي فين يبنتي بقالي ساعه بكلمك
مني..... ها هنا اهوه
إيناس بخبث...... اللي واخد عقلك
مني اتوترت.... ها مفيش حد
وفجأه إيناس شافت محمد وأحمد وهما داخلين الكافيه
محمد بضحك وهو بيبص لمني...... القمر حجي عامل ايه
مني بابتسامه..... القمر حجك ميت فل وعشرة
أحمد كان واقف وبيحمد ربنا انها بقت احسن شويه
محمد..... طيب يلا بقا عشان نروحكم عشان لسه هننزل تاني انا واحمد عشان البدل
وبص لايناس وابتسم عشان فرحي بكرة يعني وعريس وكده
إيناس بصت في الارض وخدودها احمرت
مني بمرح.... ماشي يلا
وخرجوا كلهم ووصلوا إيناس البيت وبعدين وصلوا مني
______________
في بيت ايناس
إيناس سابتهم وطلعت الشقه وبعدين فضلت تنده علي مامتها بصوت عالي
إيناس..... ماما يا ماما انتي يا ستي يلي مخلفاني
امها ومعاها سلاح الأمهات الخطير (الشبشب الشهير بابو ورده) ايه يبنت العبيطه فيه ايه
إيناس بتصنع الحزن..... متقوليش علي نفسك كده يا ماميتو
امها بصدمه...... وايه جرجيتو دي يا اختي
إيناس بضحك.... ماميتو يا ماما ماميتو مش جرجيتو
امها بتنهيده..... المهم عملتوا ايه وفين احمد ومحمد ومني
إيناس بحزن بعدما تذكرت ما حدث..... احمد ومحمد راحوا يشتروا البدل ومني روحت وربنا يهون عليها ويكون في عونها
مامت إيناس باستغراب.... فيه ايه يبنتي خضتيني
إيناس بحزن..... انا هجكيلك اللي حصل يا ماما
وأخذت إيناس تروي لها ما حدث
مامت إيناس بحزن وكره للشخص الذي حاول أن يؤذي مني..... ربنا يكون في عونها يبنتي
وأكملت بكره وينتقم منه ومن اللي زيه
إيناس..... يلا بقا انا هقوم انام شويه عشان بكره اقدر اقوم فايقه
مامت إيناس بحنان.....  طيب مش هتاكلي حاجه الأول
إيناس..... لا يا حبيبتي احنا اكلنا بره
مامت إيناس بحنان.........ماشي يا حبيبتي