يا ليتني لم أولد(الجزء الأول+الجزء الثاني).

البارت الحادى عشر.

إسلام بأستغراب: فيروز ياعم معاكو جوه ...

سيف بصدمه: ليه هى مخرجتش ؟

إسلام بقلق:معرفش وربنا
ثم يكمل قائل وهو يضع يديه على رأسه ويذفر بضيق:اوووف!!!

Flash Back.."

يجلس فى انتظار فيروز للخروج من المطعم،وهو يسب ويلعن لتلك الحمقاء التى تدعى نور،كيف لها ان تجلس مع احد،ليقاطع شروده صوت رنين هاتفه يعلن اتصال احدهم لينظر الى الهاتف ليجد المتصل هو (الحاج سليمان )،ليقوم بالرد قائلا: سلام عليكم يا حاج سليمان.

سليمان: وعليكم السلام،ايوه يا إسلام،انت فيين؟

إسلام بتوتر: ف مشوار يا حاج.

سليمان:معاك العربيه؟

إسلام بتوتر: ايوه يا حاج.

سليمان:مش سمعك يا إسلام اقف بعيد عن الدوشه دي.

ليلدف إسلام الى داخل السياره بعيدا عن صوت السيارات المزعجه ليقول:سامعنى كده يا حاج؟

سليمان:ايوه سامعك،بقولك معاك العربيه؟

إسلام: ايوه يا حاج

سليمان: بتهبب بيها ايه..

إسلام بخبث: اصل يا حاج سليم بيه الصبح كان عاوز ياخد العربيه ويخرج بيها،وانا خوفت امشى وهو يجي ياخد العربيه،ف اخدتها وانا خارج وكده كده أنا مش هتأخر نص ساعه وهكون عندك،انشاء الله.

سليمان: طب كويس،احسن الواد سليم ده خراب ممكن يعمل لنفسه مخلفه بالعربيه،المهم متتأخرش عن نص ساعه علشان عايز اخرج.

إسلام: أومرك يا حاج..ف رعايه الله

Back...

إسلام بحزن: اكيد خرجت لما انا كنت بكلم الحاج سليمان ف التيلفون.

سيف بقلق: ينهار اسود،تعالا ندور عليها احسن دى مجنونه وممكن تعمل ف نفسها حاجه،وبعدين أكيد مبعدتش عن هنا كتير.

لينطلقو بالسيارة باحثين عن فيروز..

***************************

-هو ايه العيله المجانين دى؟

سليم بأستغراب: اديكى قولتى عيله مجانين،بس فى حاجه غريبه البنت دى كانت معاها لما جاتلي البيت من يومين.

كاميليا بصدمه: هى جاتلك البيت؟!

سليم بتوتر: يابنتى انتى فهمتى غلط،كانت جايه تاخد الفون بتاعها وتمشي.

كاميليا بأرتياح: الحمدلله،وياترى مين الواد الموز الى معاها ده.

سليم بأستغراب: موز؟
انتى جبتى الالفاظ دى منين؟

كاميليا بدلع: الدنيا يا سولي،نعمل ايه بقا؟

سليم: طب يلا نلحق نروح قبل م الليل يليل وجدى ميرضاش يخلينى انزل اجيب الشنطه.