"မဟုတ်ပါဘူးကိုကိုရဲ့ ..... ၃နာရီလောက်ထဲက ချိုးထားတာပါ .... အသားလေးတွေက ၀လာလို့ အေးနေတာနေမယ် "
လိမ္မော်နုရောင် ဗိုက်ဖုံးအင်္ကျီ လက်ပြတ်လေးနဲ့ အလှကြီးလှနေတဲ့ ကောင်မလေးကို မိုးစျေ တစိမ့်စိမ့်ကြည့်နေမိသည်....
ကိုကိုက စိုက်ကြည့်နေသည်မို့ ခခ မနေတတ်တော့သည့် မျက်နှာလေးဖြင့် .....
"ကိုကိုကလဲ ဘာလို့အဲ့လောက်တောင်
ကြည့်နေတာလဲ ""ချစ်ဖို့ကောင်းလို့ပေါ့ကွ .... ကိုကိုတစ်ခု တွေးနေမိတာလေ တစ်သားမွေး တစ်သွေးလှဆိုတာပဲ ရှိတာ .... အခု ကိုကို့မိန်းမကမွေးတောင်မမွေးရသေးဘူး အရမ်းတွေ အလှသွေးကြွယ်နေပြီ ... မွေးရင်လဲ နှစ်ယောက်တောင်မွေးမှာဆိုတော့ နှစ်သားမွေးလို့ နှစ်သွေးလှသွားရင် ဘယ်မှာဖွက်ထားရမလဲဆိုပြီး စဥ်းစားနေတာ .... "
"ဟင်.... ကိုကိုပိုသွားပြီ "
ရှက်ပြီးခေါင်းလေးငုံ့လိုက်တော့ မိုးစျေ တဟားဟားအော်ရယ်ပြီး ရင်ခွင်ထဲဆွဲသွင်းကာ ပွေ့ဖက်လိုက်သည်......
"ကိုကို အရမ်းပင်ပန်းလာလားလို့ .... ခခမေးတာဖြေဦးလေ ....."
"တနေကုန် အခုမှ ထိုင်ရတယ်ကွာ ... အရမ်းပင်ပန်းတာပဲ .... အရင်စာသင်တုန်းကဆို အေးအေးသက်သက်သာသာပဲ .... ကလေးတွေ စာမရမှသာ စိတ်ပင်ပန်းရတာ .... အခုတော့ လူလဲပင်ပန်း
စိတ်လဲပင်ပန်းနဲ့ .... ""ခခ ဖေဖေ့ကိုပြောပေးရမလားဟင် .... ကိုကိုအခုလို ပင်ပန်းနေတာကို မကြည့်ရက်တော့ဘူး ...... "
"ဟာ ပြောလို့မရဘူးလေ ခခရဲ့ .... ယောက္ခမကြီးက အခုမှ ကိုကို့ကို အမြင်ကြည်ခါစလေးရှိသေးတာ .... ခခ အဲ့လိုသွားပြောရင် အခြေအနေတွေ အကုန်ဆိုးကုန်မှာပေါ့ .... အလုပ်ပင်ပန်းတာက
မိန်းမအနားမှာ အခုလိုလေး နေနေရရင်
ကို အမောပြေပါပြီကွာ .... ""ဒီနေ့ရော ဘာတွေလုပ်ရလဲဟင် ကိုကို "
"ဒီနေ့က ဧည့်သည်အ၀င်အထွက်စာရင်းတွေနဲ့ အမြတ်ငွေ Financial ပိုင်းတွေ အဓိကလုပ်ရတာ .... ဪ မေ့လို့ စားဖိုဆောင်ကိုလဲ အသေးစိတ်၀င်စစ်ဆေးရသေးတယ် .... ဒီနေ့တော့ တကယ်ကို ဖလက်ပြတာပဲ .... ဒါတောင် တော်သေးတယ် ကိုသူရိန်က အစအဆုံးကူညီလို့ .... မဟုတ်ရင် စာပဲသင်တတ်တဲ့ ကိုကို့ဘ၀က တကယ်မလွယ်ဘူး.... "
YOU ARE READING
🤍 Unrequited Love Means 🤍
Romanceမာနကြီးပြီး အချစ်ကို စိတ်မ၀င်စားတဲ့ မိုးစျေ နဲ့ အဖေသဘောမတူတဲ့ကြားကမိုးစျေကို ရအောင်လက်ထပ်ခဲ့တဲ့ ခခ... လက်ထပ်ပြီးတဲ့နောက် မိုးစျေရဲ့ မိသားစု အပေါ်မှာသိတတ်ပြီး အားလုံးနဲ့ အဆင်ပြေပြေရှိခဲ့တဲ့ ခခကို မိုးစျေ ဘယ်လိုပြန်ချစ်လာမလဲဆိုတာ ဒီ၀တ္ထုလေးမှာ ဖတ်ရှ...
🤍 အပိုင်း 18 🤍
Start from the beginning