لفى بيا يا دنيا 3
سبحان الله وبحمده وسبحان الله العظيم
لا إله إلا أنت سبحانك إنى كنت من الظالمين
اللهم صل وسلم وبارك على سيدنا محمد وعلى آل وصاحبه أجمعين
💙💙💙❤❤❤💚💚💚💛💛💛💛
نسمه بصوت عالى : لولو إلحقى
لولو : إيه فى إيه حرام عليكم انتو ليه داخلين حياتى هجم الخبر قوليه براحه ماعتش فيا ركب
نسمه بتاخد نفسها : أنتى اتنقلتى
لولو رفعت ايديها وهى بتقول : يوووووواه هما كل ما يشوفو وشى هنا ينقلونى اوعى تقولى عاتف ورا النقل صح هو من جواااه مش حلو
نسمه هزت راسها : ايوا هو بعينه وغباوته
لولو رفعت ايديها : إلهى يركب حماره هبله وعارجه توقعه فى ترعه ما يلاقى حد يعبره البعيد
نسمه بتمد شفايفها لقدام : لولو .. لولو
لولو بصوت عالى وخبطت على المكتب : نعم منا قدامك اهووو
نسمه : انتى أتنقلتى حلايب وشلاتين عند ليبيا كدا
لولو ديقت عيونها : شلاتيت .. ها أعمل ايه انا فى شلاتيت وبتفرد ايديها على المكتب ها أشلتت اهئ اهئ اهئ .. بلاش شلاتيت يا نسمه بلاش بلاش
نسمه بعياط مصطنع : والله منقوله زيك انا وانتى ورا بعض فى الكشف ليه هو انا عملت ايه انا مالى ومالك أصلا
لولو : عملك أسود ومنيل يا أم أربعه وأربعين والباب أتفتح وكان عاطف وضحك بصوت عالى
عاطف : مبروك النقل يا لولو ... ها ها ها .. أل لولو أل سلميلى على جوزك الأمور إلا أنتى مسنوده عليه
لولو بصت له بقرف وعملت نفسها بتدور على حاجه فى مكتبها وما ردتش ولا أدته أى أهتمام وهو خرج وضحكته السمجه مسمعه المكان كله
نسمه قالبه شفتها وبقرف بتكبب بايديها : دكتور كوبه
لولو خدت نفس طويل وبتفكر يا ترى تقول لباسل على عاطف وإلا بيعمله معاها وإلا تسكت عشان خوفها على باسل .. فضلت سرحانه وساكته ونسمه خرجت وسابتها
لولو : وبعدين يا لولو ها أعمل ايه فى النقل دا .، انا ها اروح اقول لهم مش عايزاه وأحاول معاهم يمكن يوافقو .. سابت المكتب ونزلت فضلت وقت كبير تحاول توقف النقل بس مفيش فايده ولازم تسافر بعد أجازه أسبوع واحد بس رجعت مكتبها وهى سرحانه ومدايقه
فاقت على رنة تليفونها وبالهفه بترد : باسل قلقتنى عليك قوى ليه كدا طب طمنى حرام عليك والله إلا أنت بتعمله فيا
باسل : لولو براحه شويه منا قايلك انى ممكن ماعرفش اكلمك انتى ماتعرفيش انا بكلمك ازاى دلوقت
لولو : ازاى يعنى هااا .. قول ازاى
باسل ضحك : حاتم شايلنى على كتفه وفاتح الأسبيكر ورافع التليفون فوق جبال الألب وايد أمى تلجت منك لله
لولو : إهئ إهئ بسبوسه انا اتنقلت ما تدعيش عليا تانى
باسل على صوته : ليه هببتى ايه دانا اتشقلبت عشان ارجعك تانى مكانك
لولو : ياريتك مارجعتنى مالها العريش يعنى دايقتك فى ايه
باسل بقلق : انتى اتنقلتى فين
لولو علت صوتها وبشنهفه : حلايب وشلاتيت
باسل وقع هو وحاتم واتنطر التليفون منه ...
لولو : باسل .. باسل روحت فين
باسل بيتعدل وحاتم بيقول اااااه
حاتم : يأخى مرمطنى انت ومراتك تعالى بقى اكلم هدير اشوفها اتنقلت فين
باسل : التليفون طاااار يافالح .. مش عارف تستحمل شويه هاتجيبو أجلى كلكو وخصوصا مراتى ورفع ايده لفوق الله يسامحك يالولو يابنت زينوووو .. يارب هو حد مسلطها عليااا اكيد مطلعه عين ام المستشفى من كبيرها لصغيرها شلاتيت .. اخترعولك دوله ينقلوكى فيها وبينطر ايده لقدام
حاتم : انت ها تفضل تندب كتير تعالى نشوف التليفون فى الليله الجميله دى لعقرب يلدعنا
باسل بيهز راسه : عقرب ليه لدعتنى لولو بنت زينبووو وخلاص والله لأصعب على العقرب وهايقولى كفايه عليك هى وبيحسس بايده وزعق لحاتم فين الكشاف ما تنور خلينى اشوف ها تسافر أمتى
حاتم : نور الكشاف وبيدور على الفون يمين شمال مش لاقيه ابدا باسل بيمد شفايفه وبصوت يموت من الضحك : ضااااع .. رااااح
حاتم بعصبيه : يعنى مش ها أكلم هدير بسببك انت ومراتك
باسل خبطه على كتفه : طيب اسيبك تكلم هدير وارجع انا وسايبه وماشى وحاتم جرى ورااااه
حاتم : منك لله انت ومراتك يارب تتنقلو موزنبيق
باسل بيهز راسه : ها تزنبقنى ليه على المسااا ادعى عليها لوحدها انا فيا إلا مكفينى بس ماتدعيش قوى اصلى لسا بحبها
حاتم ضحك وطول الطريق يضحك وباسل بيضحك على ضحكه وهو جوووواه هم كبير يا ترى ها يعمل ايه مع لولو وليه حلايب وشلاتين اشمعنا الاماكن الخطر والبيعده
لولو ماسكه التليفون وبتحاول تتصل عليه مغلق : بتقفل السكه فى وشى زهقت منى يا باسن ااااه يا لولو وعلى حظك إلا شبه وش عاتف مقلوب ... إهئ إهئ إهئ .. نسمه دخلت بعصبيه
نسمه : يا زفته قومى ها نتحول لتحقيق وهاينقلونا ليبيا بسببك
لولو : نسمه
نسمه : نعم
لولو :هو أنتى مش قلقانه
نسمه : انا قلقانه من عفريت العلبه إلا أسمه عاتف دا فاتح جعورته وبتمد ايد لفوق وبيقول .. هاتولى لولو هى فين البت دى
لولو قااامت : يارب انا مش أشتكيه كفايه دعاوى الممرضات عليه يارب اقبلها دا يستهال أكتر من كدا .. ومشيت ورا نسمه طلعت فوق
عاتف : ايه يا هانم الأستهتار دا انتى مش عارفه ان وراكى عمليه
لولو : عارفه وأعتذرت لحضرتك قبل ما اروح مكتبى لانى تعبت انا مش حجر يا دكتور بقالى اسبوع ما برتحش زى زمايلى
عاتف : انتى مش حجر واحنا جبلات ما بنحسش ما احنا زيك واكتر لازمتك ايه أنتى وإلا بتعملى ايه
لولو بعصبيه ونسمه شدتها وإلا حواليها بيحاولو يهدو الجو : لازمتى زى زيك بالظبط وماتقدرش تقف جوا العمليات لو انا مش موجوده
نسمه : خلاص يا لولو إهدى
لولو : محدش يقولى إهدى أنا أستحملت من البنى ادم دا كتير
عاطف بعلو صوته : انا ها أحولك التحقيق عشان تعرفى تلتزمى حدودك معايا ومع الكل .. قدامى على العمليات ها تدخلى غصب عنك واى تقصير ها اوديكى فى داهيه
لولو بهمس : داهيه تاخدك وتريحنا منك
نسمه : تعالى نلبس ونتعقم وشدتها وهما ماشين .. يابنتى اهدى دا شكله بيتلككلك
لولو بعياط : انا زهقت دا بنى ادم ماعندوش لا دم ولا ضمير ازاى دا دكتور ازاى
نسمه بتمسد عليها : معلش يا لولو ماتزعليش نفسك كدا ... ها تتعدل وهانغور من وشه نروح ليبيا
لولو أبتسمت وبعدين بصت لها : وإبنى وجوزى
نسمه : اكيد جوزك ها يتصرف ياله ليجى هنا ويعمل بالوووو ... جهزو ودخلو العمليات
الكل واقف وكل واحد واخد مهمه شكل والتركيز كله على لولو من باب الارهاق لها .... مر الوقت ولسا واقفين وبدأت تشوف الدنيا الوان وتعرق جااامد وعاطف واخد باله وقاصد يدايقها ويتعبها .. خلصو العمليه ولفت وقبل ما تشيل الكمامه من على بوئها كانت وقعت على الأرض
💙💙💚💚❤❤
بقلم لبنى طارق
❤❤💙💙💚💚
تصويت للحلقه يا بنات وما تبخلوش برأيكم مهما كان
أنت تقرأ
من أنت .. وميمو .. ولفى بيا يا دنيا
Mystery / Thrillerهذه مجموعة نوفيلات قصيره حياه تنقلب من اقصى اليمين لأقصى الشمال .. تذهب طموح واحلام ويأتى غيرها يكتسح الحب فلا مجال للهروب .. عاشق تائه فلا يعرف من هو .. ولا هى تعرفه فاكان السؤال من انت ؟
