မုန်တိုင်းနှင့် ပြဿနာဖြစ်ခဲ့သော ဟို အရက်သမားဆရာနှင့် ယှဉ်လျှင် ဒီဆရာက သက်တန့် အတွက်တော့ နံ့သာဆီလေးလိုပင် နှစ်လိုဖွယ်ကောင်းလွန်းလှသည် ။
သက်တန့်နှင့် ဒီလိုကီးကိုက်လို့လည်း မုန်တိုင်းက ဦးလေးဖြစ်သူ ကျောင်းအုပ်ဆီ တကူးတကသွားပြီး တောင်းဆိုပေးခဲ့တာပင် ။
ဦးလေးက တူဖြစ်သူ သက်တန့်ထက် မုန်တိုင်းကို ပိုချစ် ၊ ပိုယုံကြည်သည် ။
ကျောင်းဘုတ်အဖွဲ့ခေါင်းဆောင်ဖြစ်တဲ့ မေမေငယ်တို့မျက်နှာရော ၊ ကျောင်းအတွက် မုန်တိုင်း ယူပေးခဲ့တဲ့ ဆုတွေရောကြောင့် ဦးလေးက မုန်တိုင်းကို ကျောင်းရေးရာနှင့်ပတ်သက်ပြီး တောင်းဆိုပိုင်ခွင့် အပြည့်အဝ ပေးထား၏ ။
မုန်တိုင်းကတော့ ထိုတောင်းဆိုခွင့်များကို သူ့အတွက်ထက် သက်တန့်အတွက်ချည်းသာ အသုံးချပါသည် ။
" ရောင်လေး "
သူ့အကြောင်းတွေးနေတုန်း တိုက်တိုက်ဆိုင်ဆိုင်ပင် မုန်တိုင်းရောက်လာသည် ။ အနားမှာ လူတွေရှိတာကြောင့် မုန်တိုင်းက သက်တန့်လက်လေးကို ဆွဲကာ ခပ်လှမ်းလှမ်းကို ဆွဲခေါ်သွားပြီး လူရှင်းတဲ့နေရာလောက်ကျမှ
" ရောင်လေး... အရမ်း စိတ်လှုပ်ရှားနေလား... ချိုချဉ်စားမလား... စိတ်လှုပ်ရှားရင် အချိုစားပေးရတယ်တဲ့ "
လက်ကလေးကို ဆုပ်ကိုင်ပေးရင်း နှုတ်မှလည်း စကားတတွတ်တွတ်ဆိုကာ စိတ်ပူပေးနေသော မုန်တိုင်းကြောင့် သက်တန့် အလွန်
ကြည်နူးသွားမိပြီး
" ချိုချဉ်မစားချင်ပါဘူး... ချိုချဉ်ထက် အစွမ်းထက်တာ ရှိတယ် "
" ဟင် ? ဟုတ်လား ? ဘာများလဲ ကိုယ့် ကိုပြောပြပါဦး "
မုန်တိုင်းက သက်တန့် ခေါင်းလေးကို ခပ်ဖွဖွပုတ်ရင်းဆိုတော့ သက်တန့်က မုန်တိုင်းရင်ဘတ်ကို လက်ညှိုးလေးနဲ့ ထိုးလိုက်ကာ
" ဒီမှာလေ အားဖြည့်ပေးမယ့် ငါ့ရဲ့ power bank ကြီး... power bank ကြီးရေ ကျွန်တော် ပြိုင်ပွဲမှာ ကောင်းကောင်းကစားနိုင်အောင် အားဖြည့်ပေးပါဦး "
သက်တန့်က ပြောရင်းပင် လက်နှစ်ဖက်ကို ဆန့်တန်းလိုက်တာကြောင့် မုန်တိုင်း အလိုက်သိစွာ သက်တန့်ကို ဖက်ထားလိုက်သည် ။ ထို့နောက် သက်တန့် ကျောပြင်လေးကို ပွတ်သပ်ပေးလိုက်ရင်း
VOUS LISEZ
Philophobia
Roman d'amourTitle : Philophobia Genre : Own Creation / BL Tags : Romance-Comedy Cover Artist : Moon U Author : Yaung Che Nway Both Zawgyi and Unicode fonts are available in this fiction.
Part-37
Depuis le début
