My Confusing Partner (✔︎)

💘Twelve

" ဘာတွေဖြစ်ခဲ့တာလဲ Jimin..."

Namjoonရဲ့အမေးကိုနားမလည်သလိုဟန်နဲ့ကြည့်လေတော့ အရှေ့ဆီသို့အကြည့်လွှဲသွားကာ‌ေနာက်တစ်ခေါက်ပြန်မေးလာတဲ့namjoon...။

" မင်းပြောတဲ့ဝိဉာဉ်ဆိုတာကို ငါယုံတယ်လို့သဘောထားပြီး ကိစ္စရပ်တွေအကုန်ငါ့ကိုပြောပြ..."

" ပြောပြလို့ဖြစ်ပါ့မလား.. "

" ငါမင်းရဲ့hyungလေ... ဘာလို့မဖြစ်ရမှာလဲ။ "

ထိုသို့ပြောလေမှ Jiminလည်းမျက်ဝန်းပူတွေကိုတစ်ချက်မှိတ်ချလိုက်ကာ... Kang Haeunဆိုတဲ့ဝိဉာဉ်မလေးနဲ့စတွေ့သည့်အချိန်မှစပြီး အခုထိသူကြုံတွေ့ခဲ့ရသမျှကို namjoonယုံသည်..မယုံသည်ကိုဘေးချိတ်ထားပြီး ပြောပြမိသည်။ ကော်ဖီဆိုင်ကဧည့်သည်တစ်ယောက်သရဲတွေ့သည်ဆိုကာအကြောက်တလန့်ပြောလာသည်များကိုပါ သက်သေတစ်ခုအနေနဲ့ထည့်ပြောပြမိသည်။ ကိစ္စရပ်တွေအကုန်ပြောပြပြီးမှ namjoonရှိရာကိုအကြည့်ပို့ပြီးသူ့မျက်ဝန်းတွေထဲစေ့စေ့ကြည့်နေမိတဲ့ jimin...။

" အဲ့ဒါတွေပဲ hyung... ယုံဖို့ခက်တယ်ဆိုတာသိပေမယ့် အမှန်တရားတွေပါ။"

" ဒါဆို အဲ့နေ့ကဧည့်သည်ပြောတဲ့သရဲတွေ့တယ်ဆိုတဲ့ကိစ္စကမှန်နေခဲ့တာပေါ့။ ဟုတ်လား.. "

" ဟုတ်တယ် hyung.."

" ဒါဆို... heejinကိုဘယ်လိုရှင်းပြကြမလဲ။ "

ထိုသို့မေးတော့ခပ်ဆဆလေးပြုံးလာတဲ့jimin...။ heejinဟာ ကလေးဆန်တဲ့အပြင် စိတ်ဆက်လွန်းတဲ့မိန်းကလေးမို့ အကြောင်းရင်းကိုရှင်းပြဖို့ခဲယဉ်းမည်ဆိုတာသိသည်။ ဘယ်လိုနည်းနဲ့မှမယုံဘူးဆိုတာလည်းသိသည်။

" လောလောဆယ်တော့ ထားလိုက် hyung... သူမယုံလောက်ဘူး။"

" မင်း အဲ့သရဲမကိုကျွတ်လွတ်အောင်လုပ်ပေးသင့်တယ်မထင်ဘူးလား jimin..."

" ကျွတ်လွတ်အောင်လုပ်ရမယ်??"

ထိုစကားကြားပြီး ခနတာတွေဝေမိသည်။ ကျွတ်လွတ်သွားတဲ့တစ်နေ့ကျ haeunနဲ့ဒီထက်ပိုပြီးအတူရှိနေနိုင်မှာမဟုတ်တော့။ သံယောဇဉ်တွယ်တယ်ပဲဆိုမလား... အမှန်တိုင်းဆိုရရင် သူမနဲ့မဝေးချင်မိပါ။ စိတ်ရှုပ်အောင်အမြဲလုပ်တတ်သူဆိုပေမယ့်... ထိုအရာကိုပဲJiminမွေ့ပျော်သလိုခံစားနေရသည်။