တစ်ခါက အဒေါ်ကြီးတစ်ယောက်အိမ်တွင်လသရက်သီးတွေများနေ၍ လာယူခိုင်းသည်ကို ရှောင်းကျန့်က အပင်လိုက်လာ'မ'သွားကာ ရောင်းစားပလိုက်သည်။ ဇီးသီးကလည်း ထိုအတိုင်းပင်။
ရွာထဲမှာအလှူ လုပ်တုန်းကလည်း သက်သက်လွတ်ကျွေးသည်ကို မစားနိုင်လို့ဟုဆိုကာ အလှူရှင်အိမ်က အလှမွေးထားသည့်ကြက်ဖကို ကိုယ်တိုင်လိုက်ဖမ်းသည်။ သို့သော် မမိတာကြောင့် စိတ်ဆိုးဆိုးနှင့် တွေ့တဲ့ပေါက်တူးနဲ့ ကောက်ပေါက်လိုက်ရာ ကြက်ဖခမျာ မာလကီးယားသွားလေသည်။
အလှူရှင်သိတော့ သွေးတက်ကာ မေ့လဲသွားတာကြောင့် သူကြီးမှာ ခါးကျိုးမတက် တောင်းပန်ပြီး အလျော်ပေးလိုက်ရသေးသည်။ သူကြီးဆိုသည်မှာလည်း ရှောင်းကျန့်ကြောင့် ရွာထဲမှာ မတောင်းပန်ဖူးသည့် သူမှာ မရှိသလောက်ကို ခပ်ရှားရှားပင်။
ရှောင်းကျန့်တို့ အိမ်ရောက်တော့ သူကြီးက ခြံထဲကခုံတွင် ဘာစာရင်းတွေတွက်နေမှန်းမသိ။
"ပါး ဘာတွေလုပ်နေတာလဲ"
"စာရင်းတွက်နေတာလေ မမြင်ဘူးလား"
"မြင်တာတော့ မြင်တာပေါ့ ပါးကလည်း။ ဘာစာရင်းတွေလဲလို့မေးတာ"
"မင်းနဲ့ဆိုင်လား စပ်စပ်စုစုနဲ့။ သွား..သွား ထမင်းသွားစား"
ရှောင်းကျန့် အဟောက်ခံလိုက်ရတော့ ဆူပုတ်ပုတ်နှင့်သာ ထမင်းစားဖို့ အုယောင်နဲ့အတူ အိမ်ပေါ်တက်သွားလိုက်သည်။
"ကျန့်လေး ထမင်းစားတော့မလို့လား"
"ဟုတ်ကဲ့ ဦးမယောင်"
ရှောင်းကျန့်၁၉နှစ်အရွယ်မှာ သူ့မိခင်က မြွေကိုက်လို့ ဆုံးသွားပြီး ဦးမယောင်တို့ သားအဖသည် ရှောင်းကျန့်မိခင်ဆုံးပြီးနှစ်ပတ်လောက်နေတော့ရောက်လာကြပြီး အတူနေဖြစ်ကြသည်။ ထို့ကြောင့် အလုပ်သမားနှင့် အလုပ်ရှင်ဆက်ဆံရေးမဟုတ်ဘဲ မိသားစုဝင်တွေလိုတောင် ဖြစ်နေလေပြီ။
အုယောင်နှင့်ရှောင်းကျန့် ထမင်းစားနေရင်းမှ ရှောင်းကျန့်က ဦးမယောင်အားမေးလိုက်သည်။
![](https://img.wattpad.com/cover/252829825-288-k702519.jpg)
YOU ARE READING
Bomiro & Julie Zhan [Complete]
Fanfiction||201228|| Wang Yibo × Xiao Zhan Yizhan {BJYX} Fanfiction The love story of a rich boy and the village chief's son.