احقاد خفيه (( روايات ليبية ))

🔥🔥 الحلقة الثالثة 🔥🔥

فيصل:يقين بنتي بعد نوصلوا حووش اميمة ... رد بالك تحكي شن صاار الصبح
يقين:به بابا 🥰
فيصل:به كويس ... طووول الطريق و هو يفكر شن رح يدير بما يتلاقى معاها ... كيف رح يفتح معاها الموضووع ... كيف رح يتصرف ... و الف سؤال في باله ... لعند ما وصل قدام الحووش
.
.
.
طق طق طق ✊✊
جمانة:فتحت الباب ... ايي خالتي تعالي تعالي
يقين:جمانة ... بابا قال ان ماما عندكم
جمانة:فتحت عيونها ... اءء اي خشي تعالي انتي و خوك
يقين:انوسه هي تعال
جمانة:وين فووزية يا فيصل ... احكي
فيصل:ما نبيش نسمع سيرتها هالفاسدة الحقيرة هذيك
جمانة:خيرك فيصل اللي تحكي عليها مرتك ... و اللي هي اختي
فيصل:لاهي مرتي و لا نعرفها ... و كان نشبحها ما يخلصني منها شي غير الدممم ...
جمانة:انت عارف شن تقوول و لا ... هدي اختي اللي تحكي عليها ... شن صايرلها ووين هي
فيصل:بري شووفيها مع من هي تووو ... اختك طلعت وحدة فاسدة ووسخة شافوها الناس مع واحد في مزرعة في طريق المطااار
جمانة:شهقت .... لا اختي نعرفها ما اديرش شي زي هذا ... اكيد كذب اكيد صايرتلها حاجة
فيصل:اي هذا اللي فالحة فيه ... ادافعي عليها بس ... بجد علية و خالها ميلاد ... و طلع
جمانة:سكرت الباب ... بكسرة خاطر ... انتي شن درتي يا فوزية ... كم مرة نبهتك ان فيصل رح يكشف كل شي
__________

في المستشفى

الدكتور:البنت صارتلها صدمة سببتلها في حالة نفسية قووية
سليم(خوها):صدمة شن يا دكتووور
الدكتور:و الله شن بنقوللكم لكن الافضل انكم تعرضوها ع دكتور نفسي
سليم:اي دكتور نفسي هذا ... و هي بكرا فرحها خلاص
الدكتور:اني كدكتور ننصحكم انكم تمشوا بيها لدكتور نفسي في اقرب وقت ... كان هذا حالتها النفسية رح تزيد تتأزم ... و احتمال يسببلها ازمة علقية
امنة:به يا دكتور ... شن تنصحنا نمشوا لاي دكتور
الدكتور:اي اكيد ... في دكتور ممتاز و هو صديقي ...و اكيد رح يساعدكم ... و هذا الكرت متاعه
سليم:خداه ... تمام يا دكتور ... به شن رح يصير في موضووع الفرح تو
الدكتور:هو من رأي ان الفرح يتأجل الفترة هذي ... لعند ما تتحسن حالتها
سليم:ان شاء الله يا دكتوور ... امتى نخرجوها
الدكتور:ولو ... دقيقة نجيب ورقة الخروج و نجي
امنة:تووو كيف رح يصير فينا مع الناس و احني حددنا الفرح خلاص
سليم:ما عليكش يما ... تو نكلم مراد و نتفاهم معاه
امنة:خلاص تو كل شي تفركس العرس فسد ... من وين جتها الحالة النفسية ... لعند امبارح كانت تضحك و تلعب و ما فيها شي ابدا ... شن اللي صاير فينا يا رب
سليم:هدي بالك يما ... كل شي رح يكون بخير
امنة:ان شاء الله 😓💔

_________________🔥رواياتي🔥_______________
_____________🔥ibrahim qurji🔥____________

ايمان:اهو تو اني انور مشياته ع الصراط المستقيم ... كل شي نبيه يديره قتله من الاول تلف و ادوور معادش نتفاهم اني وياك
هديل:مسكين شن مدايره فيه الراجل 😂
ايمان:اصلا الراجل لازم يكون خاتم في ايدك كان هذا يضيع منك
هديل:ههههه عطك السلامة

طق طق طق ✊✊

هديل:اهلا
غالب:اهلين ... اممم شن مطيبتيلنا الغدي
هديل:مدايرة رشدة امبوخة خش غسل ما بين ما جهزت السفرة
غالب:اممم به ... اياااا ايمان هنايا هي
ايمان:تغيرت ملامح وجهها ... اي كيف حالك غالب
غالب:الحمد لله ... و انتي
ايمان:بخير و الله نحمده
غالب:اليووم تلافيت اني و انور ... و مة قالش انه حاطك هنايا
ايمان:ايي ... طلعت بعد ما طلع هووو
هديل:بتقعدوا تهدرزوا هكي ع الواقف
غالب:هي نستأذنكم اني ... و مشي
ايمان:اءء هديل عندك شحن ... غير اني تلفوني بيكمل شحنه و ما جبتش معاي الشحن
هديل:اي في الدار متاعي تو نمشي نجيبه
ايمان:لا خليك انتي تو نمشي نجيبه اني
هديل:تمام امالا حبيبتي 😊😊
____________

عواطف:اهلا
فايزة:اهلين ... تو نزلتي بعد ما الغدي طاااب
عواطف:خيرك ما نوضتنيش
فايزة:شن انوضك اهيااا ... مصح خليقتك و خلاص
عواطف:خلاص امالا تحملي 🙂 ... و طلعت
فايزة:ماسكه الموووس و غرساته في القرعة ... حقيرة واطية ... ما نتسماش فايزة كان ما كرهتك في عيشتك
.
.
.
ايمان:حطت ايدها ع الباب و خشت
غالب:كان لابس شوورت و من الفووق مش لابس شي ... اءء شن جيبك هنايا انت
ايمان:هديل شكت في الموضووع ره
غالب:موضووع شن
ايمان:موضووع خيانتك ياا شااطر
غالب:اءء كيف ... تغيروا ملامح وجهه ... شن قالت
ايمان:المهم شاكة انك تخون فيها ... فلهاذا خلي علاقتنا تو بالسر و معادش تكلمني لعند ما اني نتصل بيك
غالب:اءء تمام ... لكن اليووم طالعة حلوة يا عنشكلك
ايمان:خطفت منه بووسة ... و خدت الشحن و طلعت
____________

في الليل 🌑🌑

فيصل:بعد ما حط الصغار في حووش حناهم روح للحووشو طوول الوقت و هي يدخن طرف وراء طرف و يفكر في خيانه فوزية ليه ... و كيف قدرت ادير شي كيف هذا ... كان حاط اللاب ع الطاولة و يقلب في اخر الاخبار ... شاف خبر اللي مكانش متوقعه ابدا #يتبع