اسامة..خبط ع كتف ايهاب:شن جابك
ايهاب:جبتلك فلوس خدمة امس واليــوم فمــحلك قلت نخطمهم علـيك ونهدرز !
اسامة: منور تــعالا معاي. هي !
قصو الطريــق وخشو لــ محل المياه
سفــيان..خايف و يشبحلــهم
اسامة: تعرف اعصــابي خلاص راه توا اتكلم هي شــن ادير عالحوش بتــخنب ؟!
سفيان بسرعــه : لالا
اسامة بكســرة عين : بوك عايش " ناقصة عليك حاجة !
سفيان: ايه بوي عايش. و مــش ناقصــني شئ !
اسامـة..بـاعصاب: اختصر علاش ادور عالحــوش شن رايد !
سفيان..بيتــكلم بس كان عارف انه حيـضر اية لو تــكلم : شئ نخطم من اهـنى بس
اسامة..ضحك و شبــح لـ ايهاب: توا بنصـدقه مفروض. اني ولا
ايهاب..جبد الســلاح من خصره من جديـد يبي يخــوفه : وتــوا تبي تقول ولا !
سفيان..خاف اكثـر بس قاعد علي تفكيره و قــراره : نخطم بس زي ما قــلت
اسامة..تنهد بقلة حيله و رفع ايديـه عرف الكلام معــاه مش حيوصل لــ نتيجة ! ..قرب منــه: اسمع موضوع تخطـم بس هاده مش راكب عنــدي لكن اني حنمشي الجو الـمـرة هادي لـو ف بالك الخــنبة رد بالك تخـنب تنقصك حاجــة تعال ودورني واني حنساعــدك لكن مزال نشوفك اهنى جــنب الحوش اعرف انه مش حنـخليك فاهم ولا ؟
سفـيان..هز راســه: فاهم
اسامة وخر وسعلـه الطريــق: نوض روح هــي !
سفيـان نـاض و طلع بسرعـه
ايهـاب: خيرك خلــيته ؟ كان ضربته شوية راه تكلم طول !
اسامة: صغير يا راجــل شن حط راسي من راسـه !
ايهاب: تعال نعطيك الفلوس ف سيارة اني بنمشــي لمحلي مزال
اسامة..شبـح ل خالد و حط ايده ع كثفه : منور خلــود سامحنا تعبناك معــانا
خالد:ولا يهمك اسامة ف اي وقــت . موجـود اني
اسامـه طلع هو و ايهـاب من المحـل و يحكـو لـين وصلو فالسياره خدي منـه لفلـوس و ايهـاب مشي
" في جنبي شخــص خــو ليــا و ســند و صاحــب ، نقدر نتحدى على خاطره العالم، وأنــي واثق أني مَش حـنخسر .. ❤️✊🏻"
خـش اسامـه لـ الحـوش قابلاتـه تهانـي
تهاني..مشـهت تجري لــ اسامة: صارتــلك حاجة !؟
اسامة استغــرب : لالا خيرك شن فــيه !!
تهاني: جاي وناوى الشر ولــده قتلك اني مش حنســـتريحو !؟
اسامة: مش حيقدرو يديرو شئ زي توا يجــو اهنى ياكلو ع راسهم ويروحــو متهزبــين ! ومزال نشوف واحد منهم قريب من الحوش حنكلم الشباب يرفعوه توا بعدين يتربــو !
تهاني خافت : من الشباب صحــابك لـ ف مليشيات قصدك. ولا شن
اسامة بينهي النـقاش : خلاص ي امي بعديــن نهدرزو نبي نغسل وراسي صــداع. خلي نرتاح
تهاني شداتـه: تعالا اهنــي شن قتلك عليــهم صغار الحرام هادو صحابك بتاع السلاح قتلك معاش تخالـــطهم ولا !؟
اسامة..تنهد: منخالطــش فيهم حتا اني لكن لو عــمي مريحش روحها بنكلمهم مش يعرف حده بعديــن
تهاني: لا سلم ولدي مدخلش السلاح والحبــس للمــشكلة. !
اسامة تنـهد : حاضــر
YOU ARE READING
سنيسفيورم
Romance#سنيسفيورم شعور الغيرة !؟ يقتل البنى ادم وهوا حي ! شئ قدام عيونك ومش قادر توصله ! تشوف فيه كل يوم وتعرف انك تخسر فيه معا الوقت حلم حياتك وحب حياتك ! مش عارفة نوصله مشاعري خائفة من رد فعله ! مرات نخسره للابد لو اعترفت ولا شن حيكون شعوري لو طلع حب من...
حلقة 9
Start from the beginning
