Slept with a Stranger #Wattys2015

CHAPTER 8

 Nakatulugan ni Cassandra ang pag-iisip kanina at ngayon ay kakagising lang niya, sa tingin niya gabi na. Tinignan niya ang relo sa kanyang braso at tama nga ang hinuha niya dahil alas nuebe na.

Nakita niya si Yaya Beth na nanonood ng tv, tulog rin sa tabi niya si Gelo. Bumangon siya at hinalikan ito sa noo.

"Ma'am Andra, gising na pala kayo. Kumain na po kayo, gusto mo ipaghanda ko kayo," alok ng yaya.

"Huwag na yaya, ako na lang. Si Gelo ba hindi nagising mula kanina?"

"Hindi po, pero pinadede ko na po siya," sagot ni yaya. Tumayo siya at nag-ayos lang ng sarili bago lumabas ng silid.

Napatingin siya sa kwarto ni Iñigo. "I should apologize to him. Baka umuwi na 'yon," usal niya. Tumuloy na lang siya sa hagdan at bumaba. Nagpunta siya sa mini bar at kumuha ng baso at namili ng alak.

"Ito na lang," she picked a bottle of whisky.

"Masubukan ka nga ulit, hindi naman siguro magagalit si Iñigo, kaunti lang naman kukunin ko," pumunta muna siya ng kitchen at kumuha ng yelo. Saka siya nagpunta ng living room para doon uminom.

Naupo siya sa mahabang sofa at binuksan ang alak, naglagay ng cube ice sa baso at nagsalin ng alak. Dinala niya ang baso ng alak sa kanyang ilong at sinamyo ang aroma nito.

"It's been a long, magdamayan uli tayo," sumimsip siya ng kaunti. Napangiwi siya sa lasa nito, ramdam niya ang pagguhit ng init sa lalamunan niya tungo sa kanyang sikmura.

"Haa! Bakit ba ang daming nagkakagusto sa 'yo? Ang pangit naman ng lasa mo," she quikly downed the remaining liquor from her glass. Muli siyang nagsalin ng alak at tuloy-tuloy na nilagok uli. Sanay siya uminom noon pero simula ng nangyari ang lahat ay hindi na talaga siya tumikim ng alak.

"Habang tumatagal pasarap ka ng pasarap. No wonder that everybody wants you," she talks while staring at the glass. Nakaka-ilang salin na siya sa baso at nakakailang shots na rin siya.

"Sinira mo ang buhay ko, pero dahil din sa 'yo, naging masaya rin ang buhay ko, dahil nagkaroon ako ng Gelo," at muli siyang uminom. Tinaas niya ang dalawang paa sa sofa at sinubsob niya ang mukha niya sa tuhod niya.

"Mas masarap makipag-usap sa tao, kaysa makipag-usap sa baso," napaangat siya ng mukha at naniningkit niyang tinignan ang nagsalita.

"Iñigo, you're still here," binaba niya ang kanyang paa.

"Can I join?" umupo si Iñigo sa tabi niya at naglagay ng yelo sa dala nitong baso at nagsalin din ng alak.

"Sorry kung pinakailaman ko itong alak mo. Papalitan ko na lang," aniya.

"Talaga?" he asked at nilagok ang alak  mula sa sariling baso.

"Oo."

"Okay, you owe me one," muling nagsalin ng alak. Napangiti na lang si Cassandra.

"But I bet, mahihirapan kang maghanap nito," Iñigo said. Cassandra gave him a questionable look.

"Alam mo bang collection ko ang alak. I love collecting rare liquors. 62 years old Dalmore is one of my favorite, top 4 of the most expensive rare alcoholic drink on earth. I bought it for millions. Um. $200,000, the exact price," napaawang ang bibig ni Cassandra sa narinig.

"Seriously!?" she exclaimed. Pakiramdam niya nawala ang kalasingan niya. Natawa ang binata dahil sa reaksyon niya.

"Yeah, pero it's okay. Papalitan mo naman sabi mo," natatawang sabi ni Iñigo at kinuha ang alak sa center table. Akmang magsasalin ito ng alak sa baso ng bigla itong agawin ni Cassandra.