The Only Girl

Kabanata 40

He kissed another girl. He kissed another... girl. He did that while we were in the same place. Nasa loob lang ako ng bahay nung ginawa niya 'yon! Bumuntonghininga ako habang nakatulala sa kawalan. Natawa ako sa sarili. I have met a lot of boys. Marami na akong naging lalaki pero lahat naman ng 'yon ay laro-laro lang para sa akin. Karma ko na ba 'to? Kasi marami na akong nasaktan na lalaki? I don't take relationships seriously before. Kaya bakit ngayong seryoso na ako ay saka nagkaganito?

I drank the liquor that I was holding. Wala akong balak tumigil sa pag-inom kahit na tumutulo na iyon sa bibig ko ngunit may bigla namang humawi nito sa akin. I sighed irritatedly.

"Jade, please, stop this na," Alexis begged. Umiling siya at sinalo ako dahil muntik na akong matumba dahil sinubukan kong maglakad paalis.

Alexis is here. He called me earlier. Nagtataka raw silang lahat kung bakit natagalan kami ni Daryl sa labas. Si Alexis lang ang nakakita roon sa babae. I told him not to tell anyone about this. Ibinigay ko sa kaniya ang address namin dito sa Pampanga dahil gusto niyang sundan ako.

I cried on his chest. He caressed the back of my head gently, comforting me.

"Alexis..." I cried loudly. "Bakit?" 

It made me question my worth. It made me question myself. Kasi kung maayos naman ang lahat sa akin ay hindi niya magagawa 'yon. Ano bang mali? Ano bang kulang?

I cried harder when Alexis hugged me tightly. "He cheated," I whispered painfully. It hurts to say that word. It gives me a lot of pain... that I almost can't breathe just by thinking of it.

"Sige na, iiyak mo lang lahat. Nandito ako," bulong niya na para bang nasasaktan din para sa akin. He caressed my hair as he whispered comforting words to me.

Balak niya nang saktan ang kaibigan niya dahil sa nalaman niya ang ginawa nito. Nagkakagulo na rin daw kasi ang lahat kanina sa bahay nina Alexis dahil nga hindi nila ako makita. Napigilan ko lang siyang gawin ang binabalak niya dahil narinig niya akong umiiyak habang magkausap kami sa telepono.

Patuloy ang pag-iyak ko habang umiiling. Hindi ko mapigilan. Ganito pala kasakit.

"Alexis, sa tingin mo bakit? Kulang pa ba 'ko?" halos bulong na lamang ang huli kong pangungusap.

Marahan niyang hinaplos ang buhok ko bago ako sinagot. "No. You're enough, Jade. You're enough."

Umiling ako. Hindi naniniwala sa kaniya. Kasi kung sapat na ako... bakit nagawa niya 'yon? If I were enough, why would he kiss her?

Kaya ba siya balisa simula pa noong umaga? Kaya ba hindi siya mapakali habang papunta kami kina Alexis kasi pupuntahanan pala siya ng babae niya? Kaya ba siya umalis sa venue habang nagde-deliver ako ng speech ko at bumalik lamang siya sa kalagitnaan nito, ganoon ba? Does the girl even know that Daryl has a girlfriend?

My tears won't stop falling. Gusto kong tanungin si Daryl kung bakit pero hindi ko magawa. Kasi hindi pa ako handa. Ni hindi ko nga gustong makita ang mukha niya ngayon. Hindi ko siya kayang makita pagkatapos no'n.

Humiwalay ako kay Alexis para matingnan siya sa mata. Tinulungan niya naman akong punasan ang mga luha ko.

"Do you know her?" I asked. "Do you know that girl?" Umawang ang labi ko nang umiwas siya ng tingin sa akin. Ibig sabihin ay kilala niya 'yung babae. He knows that bitch!

"Kilala mo siya?" hindi makapaniwalang sagot ko.

Hindi man siya um-oo sa tanong ko kanina pero alam kong kilala niya ang babae dahil kung hindi niya 'yon kilala, bakit siya iiwas ng tingin?