Unicode
"ဟယ်လို ကိုဇော်"
"အခင်းဖြစ်တဲ့နေ့က cctv ရှာတွေ့ပြီ ညီလေးရေ"
"ဗျာ ဟုတ်လားကိုဇော် ကျွန်တော်အခုချက်ချင်းလာခဲ့မယ်"
ခုံပေါ်တွင်တင်ထားသောအပေါ်ဝတ်ကုတ်အား လွှားကနဲ လွှမ်းခြုံကာ မြန်မြန်ဆန်ဆန်ပင်ဝတ်လိုက်ပြီး ကားသော့ကိုယူကာရုံးခန်းထဲမှအပြေးအလွှားထွက်လာသည်။ဝန်ထမ်းရုံးခန်းထဲတွင်ထိုင်နေသော ခွန်းတေဇကိုတောင်မမြင်နိုင်တော့။
"မိုဝီ့ကိစ္စပဲထင်တယ် ဒီလိုအရေးတကြီးသွားပုံထောက်ရင်တော့"
ဆရာတပည့်ဟူသည့်အတိုင်း အရိပ်မြင်လျှင်အကောင်တန်းသိသည်။ဘယ်သွားမလဲမေးရန်မလိုအပ်တော့သဖြင့် ကိုယ့်အလုပ်ကိုယ်သာ ပြန်အာရုံစိုက်လိုက်သည်။
လီဗာကိုအားကုန်နင်း၍ တစ်နာရီကြာသောလမ်းခရီးကို မိနစ်နှစ်ဆယ်ဖြင့်ရောက်အောင်မောင်းလာပုံကြည့်လျှင် စိတ်လောနေသည်ကိုသိနိုင်သည်။
ရဲစခန်းရှေ့တွင်ကားရပ်အပြီး လမ်းလျှောက်လျက်ပင်မဝင်နိုင်တော့ပဲ ခြေလှမ်းကျယ်ကျယ်ဖြင့် တံခါးဖွင့်ထားသော ရဲမှူးရုံးခန်းအတွင်းသို့ပြေးဝင်လာခဲ့သည်။
"ငါ့ညီ..လာ ဒီမှာ cctv ထဲကလူပုံ maskအုပ်ထားတော့မျက်နှာသိပ်မမြင်ရဘူး ဒါပေမဲ့ သိလိုသိငြား အကိုအကြောင်းကြားလိုက်တာ"
တရားခံပါသော video ဖွင့်ထားသည့်
Laptopအား နှိုင်းရှေ့သို့တိုးပေးလိုက်သည်။maskကြောင့်ကွယ်နေသော မျက်နှာအား စူးစူးစိုက်စိုက်ဖြင့် ရှေ့သို့ရစ်လိုက် နောက်သို့ပြန်ကျော်လိုက်နှင့် အခါတလဲလဲကြည့်နေသည်။
ဦးထုပ်ကလည်းဆောင်းထားတဲ့အပြင် maskပါတပ်ထားသေးတယ် ဟိုလူမှန်းဘယ်လိုသိနိုင်တော့မှာလဲ။ဖြေးဖြေးချင်းရစ်ပြီး တစ်ခေါက်ပြန်ကြည့်ရမယ်...ဟမ်..ဒါ..
ဒါက။
ကြည့်နေသောvideoအား ရုတ်တရက်ရပ်တန့်ကာ ပုံချဲ့ကြည့်လိုက်ပြီး..
"ကိုဇော်ရေ သေချာပြီဗျ သေချာပြီ.. ဒီမှာမြင်ရလား သူ့နားထင်ကဒဏ်ရာကို ကိုဇော်လည်းတွေ့တယ်မလား"
YOU ARE READING
သူမှလွဲ၍ _Completed
Romanceအိပ်မက်တစ်ခုကနေ ဆုံတွေ့တဲ့ ကောင်လေးနှစ်ယောက်ရဲ့အကြောင်း.... သင်အိပ်မက်ဆိုတဲ့အရာကို ယုံပါသလား။ အိပ္မက္တစ္ခုကေနဆုံေတြ႕တဲ့ ေကာင္ေလးႏွစ္ေယာက္ရဲ့အေၾကာင္း.... သင္အိပ္မက္ဆိုတဲ့အရာကို ယုံပါသလား။ ပထမဆုံးေရးတဲ့ficျဖစ္တဲ့အတြက္ အေရးအသားလိုအပ္ခ်က္မ်ားလည္းရွိနိုင...
