I Just Loved Too

IJLT 18 - Vacation

There's nothing to be shy about, Iya told Ahn. But she can't help but be shy and conscious every time na magkikita sila ni Ken. Parang nagkaroon ng restrain. Iba na kasi. Ang daming nag-iba. Hindi na lang sila magkina-kapatid.

Nagkaayaan pa naman silang magbakasyon ng isang linggo sa beach house nina Paris. Kinailangan pa niyang makiusap sa mommy at daddy niya na payagan siya. They gave her 5 days to enjoy her vacation with them. Sa susunod na linggo, pupunta sila kasama ang mommy niya sa U.S. for two weeks para bisitahin ang lolo at lola niya at ang kanya-kanyang pamilya ng mga ito. Tapos, may sarili pa silang getaway na buong pamilya until the start of the next school year.

Sinalubong siya ng ate Iya niya habang si Ken naman ay kinausap ng daddy niya. No doubt, pinaaalalahanan na naman ito. Limang araw din silang magkakasama: sina Iya, Ken, Paris, siya, sina Rica at Emily, sina Frances at Vienna, kasama na rin sila Jennifer at Carmel.

Nakaasa ang mga magulang nila sa kambal, dahil ang mga ito ang pinakamatanda sa kanilang lahat. "Ahn!" Patakbo siyang niyakap ng ninang Jazz niya. Dahil alam ng buong pamilya ni Ken ang pagtatapat nito sa kanya, naging iba na rin ang trato ng mga ito sa kanya. Parang anak na. Narinig pa nga niyang tinawag ng ninang ang mommy niya ng balae.

Hiyang-hiya siya tuwing makikita ang mga ito, lalo na kapag ini-invite siyang mag-dinner sa bahay ng mga ito. Nakailang tanggi na nga siya. Nauubusan na rin siya ng idadahilan.

"Hi, ninang," bati niya rito.

"Ninang pa rin?" Sumimangot ito. "I told you, you can call me mom already."

She blushed.

"Ma!" saway naman ni Ken sa ina. Mukhang tapos na itong kausapin ng daddy niya.

"Masyado pang maaga para dyan, Jazz," her dad said sternly.

Nginitian nito ang dalawang lalaki. "Ang ki-KJ nyo, bagay kayong mag-manugang!"

She was about to protest but her ninang pulled her inside. Nagluluto na ng miryenda ang ninong niya sa kusina. Nadaanan nila sa sala ang ibang parents. When they saw her, they all smiled. Ito ang advantage ng lumaki sa isang tight-knit family of friends, kapag boto ang isa, boto na rin lahat. Yun nga lang, kapag hindi ka rin gusto ng isa, hindi ka na rin gusto ng lahat.

Pumunta sila sa kusina kung saan kanya-kanya nang kain ang magpipinsan at ang mga kinakapatid niya. Masama ang tingin sa kanya ni Rica. Sinabi kasi nito sa kanya dati na crush nito si Ken. It's a harmless crush naman, wala itong planong i-pursue si Ken. But that doesn't change the fact na nagtatampo ito sa kanya.

She sat next to Vienna. Hinainan naman sila ng plato ng kambal then their dad, with Ken's help, put pasta on the plates. Katulong na rin ito sa paglalagay ng sauce. He knew she liked hers with lots of sauce kaya sya ang inihuli nito. He poured the rest on her pasta.

"Ay, may favoritism!" reklamo ni Paris.

Ken scraped the sauce pan hanggang sa nakangiwi na silang lahat, tapos ay ibinuhos nito ang natitirang sauce sa pinggan ni Paris.

"Happy now?" tanong nito sa pinsan.

Paris grinned at Ken and handed him a block of parmisan cheese. "Ipag-grate mo na rin ako. Thank you."

Ken shoved the grater near Paris' face.

"Joke lang!"

Nang makakain sila ay nagpaalam na ang mga parents nila sa kanila. Ang ninong Kent at ninang Jazz niya ang magbabantay sa kanila for the week. Kabi-kabila ang habilin ng mga magulang sa kanya-kanyang anak. Lalo na ang daddy niya, na pinakahuling sumakay ng kotse.

"Bukas na lang kayo mag-swimming. Rest for now, it's been a long day for everyone."

They spent the night watching movies. Bukas, pupunta sila sa isang malapit na isla para mag-swimming.