I Just Loved Too

IJLT 34 - Signs

To: Hans

Okay ka na ba?

It's as if her fingers have lives of their own. Pagkamulat pa lamang ng mga mata ni Iya ay agad na niyang hinanap ang phone para i-compose ang message na iyon. It's six in the morning. Alas otso ang pasok niya, so she had to be early. Since Ken's first class is not up until 10, ang daddy niya ang maghahatid sa kanya.

Second week pa lang ng pagka-ground niya pero pakiramdam niya'y umay na siya sa pagmumukha ng ama. Pero wala naman siyang magawa. Kapag nagreklamo siya, mag-aaway lang silang dalawa. Daddy's girl pa naman siya.

Nakapag-almusal na siya pero hindi pa rin nagrereply si Hans. Panay din ang tingin nya sa phone during the car ride to school. Naging curious tuloy ang daddy niya.

"May hinihintay ka bang text?" tanong nito.

"Sa classmate ko po," sagot niya.

"Boy or girl?"

She rolled her eyes. "Pa!"

"I'm just asking," depensa nito. "So, lalaki ba o babae?"

"Bakla po," she blurted out.

Bahagya syang natawa. Ano kaya ang magiging reaksyon ni Hans kapag nalaman nitong tinawag niya itong bakla?

--

Second subject na pero wala pa rin si Hans. Kanina pa siya patingin-tingin sa phone niya pero wala namang message galing dito. Patago siyang nag-compose ng message habang nagle-lecture ang prof.

To: Hans

Hoy. Nasaan ka? Magda-drop ka na ba?

Baka naman may sakit pa? tanong niya sa sarili. Pero hindi. Kung may sakit pa ito, e di sana nagsabi ito sa kanya. O kay Aubrey kaya. Kaso hindi rin alam ni Aubrey kung bakit absent si Hanson.

Thirty minutes later, halos sabay-sabay silang mapatingin sa pintuan ng classroom nang biglang may pumasok. It was Hanson. Naka-white shirt lang ito saka denim pants.

Dire-diretso ito papunta sa kinauupuan niya. Tumayo yung katabi niya para lumipat ng upuan. Ang prof naman ay tumigil sa pagtuturo. Pinamay-awangan nito si Hanson.

"Mr. Madrigal, you're too early for the next subject," sabi ng prof nila.

"Nakiki-sit in lang, ma'am," sagot naman ni Hans.

Nailing na lang ang prof nila. Mabuti na lang at mabait ito. She resumed the lecture habang si Hans naman ay tumingin sa kanya.

"O, ano?" tanong nito.

"Wala," sagot niya.

Hindi na lang niya ito pinansin hanggang matapos ang klase. But before the third subject, basta na lamang sya nito hinila palabas ng classroom. Pinagtinginan sila ng mga kaklase at ng mga estudyanteng nasa hallway. But Hans wasn't stopping.

"Hans, may klase pa!"

Dire-diretso lang ito sa paglalakad hanggang sa makarating sila sa parking lot. Tumigil sila sa tapat ng isang SUV. It wasn't his car. May lumabas na isang middle-aged man na naka-suit and tie. Binuksan nito ang backseat. Hans pushed her inside and then he climbed in next to her.

"Saan mo ba ako dadalhin?!" iritado niyang tanong.

He completely ignored her. Sumandal lang ito at pumikit.

"Saan tayo, Sir Charlie?" tanong ng driver.

"Penthouse," tipid nitong sagot.

"Hans, may klase pa. Kung gusto mong mag-cutting, huwag mo 'kong idamay!" reklamo niya.