The Charmer & The Sweetheart (A JeMik Fanfic)

TCTS Chapter 17

2 weeks after...

Vball Coach: O, dalawang araw nalang at finals na. Gusto kong mas ihanda niyo na ang mga sarili niyo pati na din yang mga katawan niyo. This time, dapat aware na kayo kung 'pano maglaro ang Ateneo.

All: Yes, coach!

Vball Coach: Okay, gusto kong ngayon palang kondisyon na kayo kaya, sige yun na lang muna ngayon sa araw na 'to. Dumiretso na kayo agad sa dorm. Lalo ka na, Reyes.

Mika: Opo.

All: Salamat po, coach.

Umalis na ang lahat maliban kay Mika. Inayos niya pa kasi ang mga nagkalat niyang gamit dahil bumukas ang bag niya ng kukunin niya na ito. Binalikan siya ni Ara para tulungan.

Ara: Ok ka lang? Kanina ka pa parang wala sa sarili, ah. Ilang beses ka tuloy nasita ni coach kanina.

Mika: Pagod lang siguro talaga ako.

Ara: Yun parin ba ang iniisip mo hanggang ngayon?

Mika: Ha?

Ara: Wag ka ng magkaila, kilala kita. Yung kay Audrey.

Hindi sumagot si Mika.

Ara: Hay naku, hindi ka naman namin masisisi, eh kasi mahirap talaga yang pinagdaraanan ng lovelife mo ngayon. Isang kontrabida lang ang meron kayo pero ang mahirap nun, nagkataon namang baliw pa. Hays! Kumusta na nga pala yun? Nakalabas na ba ng mental yun?

Mika: Sira ka talaga. Hindi naman siya na-mental, na-house arrest lang.

Ara: Ganun na din yun. Grabe akalain mo yun, una inakala ko na nagdo-droga lang siya kaya medyo pang-adik ang behavior pero ang ending natuluyan na pala talaga.

Tama. 1 week mahigit nang "house arrest" si Audrey. After ng nangyaring eskandalo sa bahay nina Jeron ay kumalat sa buong campus ang balitang pagkakaroon daw nito ng serious mental illness.

Nakumpirma nila ito matapos silang kausapin ng mama ni Audrey 3 days after the incident. Humingi ito ng paumanhin sa inasal ng anak at ibinahagi ang mga naging past experience ng anak.

Kabilang na dito ang pangungulila sa sariling ama na iniwan sila simula nung baby palang siya. Makailang beses na daw niyang pinuntahan ang papa niya sa bahay ng bago nitong pamilya pero laging hanggang dalawang minuto lang daw ang mga naging pag-uusap nila. Or minsan nga, wala talaga.

At ang kasalukuyang estado ng pamumuhay nila. Nalaman niyang wala na palang babalikang trabaho ang mama niya sa ibang bansa dahil sa nalugi na ang pinagta-trabahuhan nito.

Isa na din ang mga naging relasyon niya na halos lahat ay hindi nagtagal at laging napuputol sa paraang hindi niya gusto.

Sabi pa nito, marahil daw ay marami ng mga naging boyfriend si Audrey pero lahat naman daw ng mga ito ay minahal niya naman ng totoo. Siguro ay naging mali lang ang interpretasyon ng mga tao. At siguro nga'y naging desperada lang talaga siya para makaramdam ng pagmamahal at nawili sa paghahanap sa kung ano talaga ang ikasasaya niya.

Dagdag pa niya, ay ang lalong lumalalang kondisyon nito na labis niyang ikinababahala. Sabi ng doctor na tumingin sa kanya, ang pinagmulan daw nito ay ang stress, depresyon at ang labis na inggit.

At higit sa lahat, obsession din ang nakikitang posibleng dahilan.

Una, laging si Jeron daw ang bukam-bibig nito. Lagi daw niyang hinihiling na papuntahin si Jeron sa bahay nila or kung minsan iniisip pa din daw niyang boyfriend niya pa rin si Jeron.

Idagdag din ang labis na galit na nararamdaman niya kay Mika dahil sa pang-aagaw daw nito.

Kaya simula nang nalaman nila pareho ang nangyari ay labis itong nakaapekto sa kanila. Kahit sinasabi nilang ok lang sila, kabaliktaran naman yun ng kilos nila.