Seducing my Gay Boyfriend (PUBLISHED)

Apple and Milk

Art's POV

"Baby D kumain ka na muna kasi!"

"Ayoko. Ayoko. A YO KO!"

"Kahit konti lang!"

"No!"

"Dianne! Hindi ka mabubusog dyan."

"Ayaw!"

"Dianne walang kang makukuhang sustansya jan sa Apple at gatas!"

"Baby A, sabi ng Doctor an apple a day makes a Doctors go way."

"Yeah. Pero kawawa naman ang Baby natin, kung hindi Apple na may condense milk, apple na sinawsaw sa powder milk naman ang kinakain mo, anong mangyayari sa inyo nyan?"

Napatingin na lang sya sakin.

At opo. Di kayo nagkakamali ng basa, two months ng buntis si Baby D, at dalawang linggo na din syang hindi kumakain ng normal, puro apple at gatas lang, tuwang tuwa na nga ang tindera ng prutas sa kanto namin dahil laging ubos ang mansanas nya, andun na palalamigin nya sa ref ang apple, ididip sa powder milk, ibabad sa condense milk, o kaya naman ilalagay sa evap at palalamigin.

Hindi ko nga lubos maisip kung paano nya matitiis yun, no rice, no meats, no veggies, nag aalala na ko para sa kalagayan nila ng anak ko.

"Eh kasi Baby A, ayoko talaga .." umiiling na sabi nya. "Nasusuka ako." bulong nya pa sakin.

Napabuntunghininga na lang ako at naupo sa gilid ng coffee table at pinagmasdan syang kainin ang gawa nya. Kung may saging con yelo na maraming gatas, may apple con yelo naman na version nya, pinaliguan nya ng evap binuhusan ng condense at nilagyan ng powder milk. At ayan ang asawa ko, sarap na sarap na kumakain habang nanonood ng Dora the Explorer. Nawa'y wag maging katulad ni Dora na lakwatsera ang anak ko.

Hayyy ..

Para tuloy akong magulang na pinipilit si Dianne sa pagkain ng chicken at rice, super po ang hirap sa pagpapakain sa kanya, minsan nabobola ko pa, pero pagkatapos ng dalawa at tatlong subo wala na. Ayaw nya na. Alam kong weird ang paglilihi pero grabe naman ang kay Dianne, hindi na kumakain ng kanin.

Nag consult na nga ako kay Biboy regarding sa mga manerism ni Dianne, sabi nya normal naman daw yun pero nag aalala talaga ako sa kanila ng anak ko.

Kaya naman tumayo na ako, dumiretso sa kusina at binuksan ang ref, tambak na mansanas ang bumungad sakin , kinuha ko lahat yun at nilagay sa plastic, pati lahat ng gatas ay sinama ko, kailangan nyang kumain ng normal. Nilagay ko lahat sa isang cabinet ang mga yun at bumalik sa sala, naupo ako sa single sofa at nakiramdam.

Nang nakita kong paubos na ang kinakain nyang apple ay nag kunwari akong natutulog. I close my eyes, narinig ko ang lakad nya, pati ang pagbukas ng ref at ang ..

Malakas na sigw nya.

"Aaaaaaaaaaarrrrrrrttttt!" napamulat ako.

"Oh?" kabadong tanong ko. Yung feeling na any moment maglalabas sya ng apoy. Pati yung tingin nya sakin nakaka sunog.

"Saan mo dinala yung Apples ko?!" sigaw nya pa.

"Teka .. ano .." humakbang na ako patalikod dahil nakakatakot si Dianne. "Di ko alam!"

"I know! Tinago mo sila! I knew it! May pagnanasa ka din sa mga Apples ko! Nanghingi ka na lang sana sakin!" galit na galit na sabi nya.

Grabe .. nakakabaliw pala ang pagbubuntis? Never in my wildest dream ang makatikim ng apples at gatas.

Napalunok ako. "Baby wag ka munang magalit .. pag usapan natin to!" pag aamo ko sa kanya.

Nangunot ang noo nya at nanlisik ang mata. "Aaarrrgggh! Bakit mo inubos ang apple at milk ko! I hate you I hate you I hate you! Dapat tinirhan mo ko! Uggggh! Wag kang lalapit sakin! Mang aagaw ka!" saka sya nagmamadaling umakyat sa taas ng kwarto namin.