Tristan’s Point of View:
Sa takdang panahon, dumadadating din pala ang pagkakataon na pagsisisihan mo ang lahat ng pagkakamali mo. Yung tipong hindi ka patutulugin ng damdamin mo dahil sa sobrang pagsisisi mo. Yung pakiramdam na iiyakan mo na lang yung problema kasi sobrang bigat sa dibdib at parang hindi mo na kakayanin pang magtago. Ganyan, ganyang ang nararamdaman ko sa ngayon.
Oo, dahil ang katotohanan ay pinagsisihan ko ang lahat ng nagawa ko kay Colby. Lahat lahat dahil minahal ko siya, ngunit nagpadaig ako sa temptasyon na umakit sa akin. Minahal ko muli si Rafael at kinalimutan ang nararamdaman ko para kay Colby. Ngunit ang inaakala kong magiging masaya ako sa piling ni Rafael ay isa pa lang napakalaking pagkakamali. Tulad ng dati ay madalas na naman kaming mag-away. Parati na siyang nagseselos, at kung minsan ay wala na sa lugar ang pagseselos niya.
May pagkakataon ngang may kasama akong classmate kong babae dahil may kailangan kaming puntahan sa faculty. E nagkataong nagkakabiruan kami ng kaklase kong babae at nakita kami ni Rafael na nagtatawanan at sinalubong ako nito ng masamang tingin. Hindi ko alam kung bakit siya nagalit kahit nakapagpaliwanag na ako na classmate at kaibigan ko lang naman si Kristel. Basta hindi na lang siya kumikibo at hindi namamansin.
Nauulit ng naulit ang pagseselos na iyon ni Rafael. Dumating pa nga sa puntong napakaliit na bagay ay ikinagagalit niya. Yung tipong natagalan lang ako mag-reply sa text sa kanya dahil marami nga akong inaasikasong mga school papers ay magagalit na lang siya kahit na alam niya naman ang ginagawa ko.
Ang akala ko noong una kung bakit ganun na lang siya kung magalit at kung magselos ay dahil sa sobrang pagmamahal niya sa akin. Ngunit, mali ang inaakala ko.
Hanggang sa dumating ang pagkakataong iniisip ko..
Ang pagkakataong kinakatakutan ko noon pa man..
Noon pa man noong napagdesisyunan kong piliin siya over Colby.
Isang umaga, monthsary namin ni Rafael. Pumunta ako sa bahay nila dala dala ang mothsary gift ko sa kanya. Ang singsing na pinagipunan ko pa kung saan nakaukit doon ang mga initials namin.
Sobrang excited ako noong umagang iyon. Nakangiti pa akog naghanda at nagpapogi ng aking sarili upang magustuhan naman ni Rafael ang preparation ko para sa isa sa pinakamahalagang araw namin sa isang buwan.
I was about to surprise him at naghanda pa ako ng almusal nya na niluto ko sa kitchen nila. Maaga kasi akong pumunta sa bahay nila upang i-surprise talaga siya dahil ang gusto ko, ako ang bumungad sa kanyang paningin once na gumising na siya.
