Friendshipidity (Chase #3)

Chapter 1

Chapter 1
Where It All Started

High School

"Grabe, Mae! Ang galing ni Sien!" hiyaw ni Jesca kasabay ang ingay ng mga taong nanunuod ng laro. Halos puno ang covered court dahil huling laban na ngayon.

Tumango lang ako at itinuon ang pansin kay Sien na nasa Jersey 19. Maganda ang laban, palaging naglalapit ang mga scores ng dalawang team kaya't hindi na ako nagtaka sa madugong pawis ni Sien habang naglalaro. He's the foundation of the team, sumunod doon ay ang kaibigan niya at kaklase naming si Jayce. Their teamwork scores most for them, kaya't hindi ko sinayang ang boses ko at talagang tinodo ko ang pag-cheer sa kanila.

"Go Sien! Ililibre mo ako pag nanalo kayo kaya galingan mo! Do it for the bacon!" pursigido kong sigaw.

Nakita ko ang pag bagal ng takbo ni Sien habang luminga sa parte namin. Nang makita niya ako ay malapad na ngiti ang ipinasilay niya. Matapos noon ay isang mayabang na takbo para kunin ang bola sa koponan ang kanyang ginawa. Show off!

Sa huling quarter ay sunud-sunod na puntos ang ginawa ni Sien at Jayce sa kanilang grupo kaya't natambakan ang kabilang koponan.

Malakas na sigawan mula sa aming batch ang nangyari nang tumunog ang buzzer na nagpa siguro sa kanilang pagkapanalo. Nagkakagulo ang mga kaklase namin sa paghiyaw at pagch-cheer na naging dahilan ng kaunting pagkakatulakan.

Dahil hindi naman ako ganoong ka-physically fit ay madali akong natumba sa gitna ng harutan nila. Hindi ako makatayo dahil walang nakapansin sa akin at halos hindi ko na makita kung ano ang nangyayari.

Itinulak ko kung sino man ang gumigitgit sa akin para magkaroon ako ng daan sa bleacher. Umupo ako at nagpaypay gamit ang kamay ko.

"Uy, Mae, ayos ka lang ba?" tanong ni Ash na nakaupo rin sa bleacher kasama ang mga kaibigan niya.

Tumango ako at ngumiti. Kinuha ko ang baon kong tubig. Nakatuon ako sa bag ko noong may biglaang humablot sa bote ko.

"What the!" Nakita kong iniinom na ni Sien ang tubig ko. What a guy!

He's still covered in his sweat fresh from the game. Katulad ng kadalasan niyang ginagawa ay nagbubuhos siya ng tubig sa kanyang mukha matapos ang laro. Habang umiinom siya ay ginagalaw niya ang kanyang jersey para magkaroon ng hangin sa loob ng dibdib niya. The water bottle must be so lucky because he drank straight up.

"Ano, bakit ka natumba? Ang weak mo naman, Mae!" Tumawa siya nang malakas at tsaka ibinalik sa akin ang water bottle. Wala ng laman!

"Wow! Salamat dito, ha?" sarkastiko kong sabi.

Nakangisi pa rin siya sa akin habang pinagpagpagan ang espasyo sa tabi ko. Nang umupo siya ay napailing naman siya at tsaka tumawa tawa. Kung wala lang kami sa mataong lugar ay kanina ko pa ito nabatukan. He's making fun of me like he always do!

"Ass! Tawag na kayo ng coach niyo," bulyaw ko.

Sumilip siya sa court at sumenyas kay Jayce, dahilan para tigilan siya ng mga itong tawagin. Nagsisialisan na ang mga tao sa court, pati na rin ang batch namin. Hinahanap ko ang paningin nina Jesca sa kumpol ng tao sa kabilang dulo.

"Pinauna ko na sila. Sabi ko ay iwan ka na sa akin," sabi niya. Tuwang tuwa pa talaga! Napangiwi ako. Wala na akong kasabay paguwi.

"Alam mo, alam ko na kung bakit inayawan ka ng kaibigan ko eh. Ang liit kasi ng utak mo!"

"Alam mo kung bakit wala ka pang boyfriend hanggang ngayon? Ang liit kasi ng daan patungo sa puso mo." Humalakhak na naman siya, halatang walang balak tumigil sa pang aasar kahit anong sabihin ko.