Someone Else's Angel (KimXi Fan Fiction)

SEA Chapter 9-When I was your man

Kinabukasan, umaga pa lang ay dumating na sa ospital si Elena para humalili sa anak sa pagbabantay kay Rafael, nasa ICU ito ngayon.

Pagkarating ng ina ay agad na pinauwi nito si Andrew para makapagpahinga ang anak. At sinabi niya sa ina na babalik din siya sa hapon…

Sa bahay ng mga Torres..

“Anak, tinawagan ako kagabi ng Tita Elena mo, nasa hospital pala si Rafael?, dinala daw doon kahapon, heart attack daw?? nako… eh nasa ICU nga daw… nakapunta ka ba doon anak?”, tanong ni Mama Bela sa bunsong anak na si Madeline

“ah, opo Mama.. kahapon din po, nagpunta kami doon nina Charlie pagkagaling naming sa Laguna… gusto nyo po bang dumalaw ngayon sa hospital?”

“ah, that’s good…. oo.. balak nga naming dumalaw ng Papa mo mamaya…. sumama na kayong tatlo ah…”, sabi ni Isabela sa mga anak…

“Oo.. mga bandang 5pm kami pupunta doon… “, sabi naman ng Papa Ricardo nila

“ay, Pa.. susunod na lang kami ni Kuya Richard..mga bandang 6 to 7pm pa siguro kami makarating doon sa hospital, may dadaanan pa kami ni Kuya mamaya eh… nagpasama ako sa kanya pagbisita sa Boutique ko, medyo busy kasi ako nitong mga nakaraang araw, kaya ngayon na lang ulit ako may time na dumaan doon kahit sandal…”, mayroon na kasing sariling boutique si Iza, at minsan, pag walang trabaho si Richard, nagpapasama sa kanya ang kapatid, wala pa kasing sariling sasakyan itong si Iza…kaya nagpapahatid pa sa kuya niya, willing naman si Richard na samahan ang kapatid kung wala naman siyang gagawin. si Richard naman kasi ay isang free-lance mechanical engineer..

“ah..o sige…. ikaw talaga Iza ha…gagawin mo na namang driver ang Kuya mo… sa bagay, mas okay na rin yan, kaysa naman lagi kang nagtataxi mag isa…”, pag unawa ni Mama Bela sa mga anak.

Mga bandang 5:30pm na nga nang makarating sa hospital ang mag asawang Ricardo at Isabela, kasama ang bunso nilang si Madeline… nadatnan naman nila doon si Elena sa watcher’s area malapit sa ICU.

habang nagkakamustahan ang mga ito ay dumating naman si Andrew…

“Ma.. sorry , ngayon lang ako nakabalik…medyo matraffic na rin, magra-rush hour na kasi.. tsaka napasarap ang tulog ko eh…”, lumapit at bumeso ito sa ina.

“that’s okay, hijo.. syempre pagod ka… Oh, heto sina Tito Ricardo at si Tita Bela mo… tsaka si Maddie….”, naiintindihan naman siya ng inang si Elena

“ahm, hello po, Tito, Tita…”, pagbati ni Andrew sa mga magulang ng kanyang dating nobya, at mga kaibigan din ng kanyang mga magulang. “Hi Mads…”, at pagbati nito sa dalaga na may kasamang makalaglag pusong smile..

Hindi mawarian ni Madeline kung bakit parang medyo napalundag ang puso niya sa ibinigay na ngiti sa kanya ng binatang kaharap…. “ah, Hi Drew…”, and she greeted him back..

“ahm, hindi ko alam kung bakit parang medyo nagkakahiyaan pa yata itong mga batang ito… siguro dahil kaharap tayo… oh, anyway… Hijo… 6pm na, mag early dinner ka na, buti pa isama mo na si Maddie…”, pansin ni mommy Elena ang uneasiness ng dalawa, lalo na si maddie, kaya sinabihan ang anak na magdinner muna sila..

“ahm, Ma.. hindi pa naman ako nagugutom…kumain naman ako bago pumunta ditto… pero Mads, kung nagugutom ka, sasamahan na lang kita…”, sagot ni Andrew sa ina, sabay baling kay Maddie

“ay…naku… hindi na… hindi pa rin naman ako nagugutom eh… heheh… “, pagtanggi ni Maddie sa alok ng dating nobyo.. ang totoo, ay hindi siya masyadong komportable sa idea na makasamang magdinner ang dating nobyo nang silang dalawa lang.

“ah, kung gano’n, eh tayo na lang munang tatlo ang magdinner…para maya-maya pagkatapos natin, silang dalawa naman…siguro naman gutom na itong dalawang ‘to mamaya…”, pagyaya ni Elena kina Ricardo at Isabela.