(وتظله من الشمس في ظل الجفون)

بارت 《 12 》

ببيت الجد الساعه12:45بعد صلاه الظهر كانو مجتمعين بمجلس الجد والحريم يسوون الغداء عند البنات فوق ببيت ابو سطام قاعدين مع رزان يجهزون اغراضها عشان اخوانها يودونها بيت مسلط
رزان: اف تعبت
اشواق:مرا تعب بروح بيت جدي عند ماما
رزان:كلنا بنروح خلصنا كل شي باقي رزان وانا وماما نروح نشوف البيت ونجهزه مع رزان
اديم:نجد متى بتجي قالت
ريتال: اذا قام بهاج من النوم بيجون
الين: الله واكبر كيس النوم للحين ماقام 
امل:ههههههههههههه ببيت جدي كانه ديك يصحى قبل الفجر
رزان: ترانا موجودين وبعدين يصحى ببيت جدي قبل الفجر عشان دوامه والحين دوامه بالليل
اديم:اها يلا نروح بيت جدي
مافي غير لجين هناك يلا نساعدهم
–
ببيت بهاج كانت تسوي الغداء بعد ماحطت الرز طلعت اغراض السلطه وسوت سلطه بعد ربع ساعه خلصت وقفلت النار عن الغداء  وراحت تصحي بهاج دخلت الغرفه شافته نايم تقدمت وقالت بهدؤ:بهاج بهيج يلا صحصح جهزت الغداء وجهزت لك ملابس قومم
بهاج:خمس دقايق وصحيني
نجد:لالا قوم مافي نوم خلص قام بهاج وقعد وسحب نجد لحضنه وانسدح وانسدحت معه شهقت نجد وقالت:بهاج قوم يلا
بهاج:نامي معي خلي الاكل شوي
نجد عدلت جلستها وقربت منه وسحبها ل حضنه قربت نجد من خده وباسته بهدؤ وقالت:بهاج يلا قوم تكفى عدل جلسته بهاج وجلس يناظر فيها وقال:يلا قمت وش اسوي
نجد:تعال معي طفش لو اننا ببيت جدي كان ماصحيتك
بهاج:نجد انا عندي اجازه يوم واحد ابي انام لاحقين على كل شي
نجد:بهيج اسفه ارجع نام اذا تبي 
بهاج: لاتتاسفين تكفين خلاص بقوم يلا جهزي ثيابي
نجد:جاهزه ملابسك
قام بهاج ودخل الحمام (يكرم القارئ) اخذ شور وطلع بدل ملابسه باللي جهزتها نجد له بلوفر اسود وبنطلون ابيض وطلع ودخل الصاله وجلس على طاوله الاكل طلعت نجد والاكل بيدها وحطته على الطاوله وقالت:اشوف الصاله منوره طلع بهيج بالصاله 
بهاج سحبها وباس خدها وقال:منوره بحبيبه بهاج لبى قلبها
نجد:بروح اجيب السلطه والعصير دقيقه
بهاج:اجلسي انا اجيبها
نجد:لا بهيج اجلس معليك انا اجيبها
بهاج:تم يلا بموتتت جوعع
نجد راحت وجابت السلطه والعصير وجلست جنبه بعد ماحطتها على الطاوله وبدو ياكلون قام بهاج بعد ماكل وغسل يده ورجع قامت نجد وشالت الصحن وشال بهاج الباقي وحطهعندها بالمطبخ وبدا يغسل معها وخلصو جلس بهاج على الكنب جات نجد وجلست معه وقالت:بهاج وش صار على دوامك
بهاج:ماخذ اجازه اسبوعين
نجد:ليه ماخذ
بهاج:ياحبيبتي ماخذها عشانتس وعشان اقعد معتس
نجد:بهاج بتروح بيت جدي
بهاج:ايوه بس لحين ابجلس  معتس ابي اسولف
دق الجرس وقام بهاج يفتح
المندوب:هذا بيت بهاج
بهاج:ياهلا تبي شي
المندوب:لا ياحبيبي بس انتم طالبين فروه والحساب مدفوع والموقع جابني هينا
بهاج:ايوه طالبين
المندوب:تفضل المبلغ مدفوع
بهاج:شكرا الله يعطيك العافيه
المندوب:يعافيك مع السلامه
دخل بهاج وجلس بالصاله جت نجد تركض وجلست جنبه وقالت:الله وصلت
بهاج:وش لون حقتي
نجد:اسود وحقتي ازرق 
بهاج:انا عندي من قبل كثير وهاذي خليها لتس فداك انا عندي
نجد:لالالالا بهاج تلبسها حتى انا عندي من قبل بس نلبس ذي مع بعض طيب
بهاج:طيب عشانتس بس المهم جهزتي اغراضنا ترا كلهم مشو الا احنا
نجد:خلصت انا بس بجيب اغراض من المطبخ وبجيب جوالي وشنطتي الصغيره فيها اغراض وكذا
بهاج:طيب اركضي يلا بشيل ذي ل السياره وتعالي
نجد راحت تركض ل فوق وجهزت شنطتها ونزلت وحطتها بالصاله وجابت القهوه والشاي من المطبخ وحطتها بالصاله وجابت اغراض لهم
وراحت السياره وركبت جاء بهاج وركب جنبها حط الحزام وحط الموقع بجواله
–
عند بيت الجد اللي جهزو كل شي ومشو ووقفو عند محل ياخذون الخيام ونزلو البنات والعيال للبقاله اخذو اللي يبون وطلعو كلهم راكبين السيارات وحركو ووصلو ل مكان التخييم اللي بيخيمون فيه وقفو وجهزو كل شي وجلسو قام مسلط وشب النار وقال:يامطلق جيب البراد اللي فيه مويا عندك
الجد:وش بتسوي ياولدي
مسلط:شاهي
محمد:اجل انا بسوي القهوه قام وجاب اغراض القهوه وحط الدله فوق الجمر وحط مسلط البراد جنبه والحريم اللي حطو التمر والحلا وجالسين مع بعض كلهم
الجد:شوفو وين وصل بهاج يمكن مضيع
ام سطام:ياعمي يقول توه انه بالمحطه
مسلط:بروح له تبون شي
محمد:مب لازم الحين يجي
مسلط: لا ابي اخذ لي شي من البقاله عشان كذا بروح ومنها اجيب بهاج معي  تبون شي انتم
الجد:سلامتك وانتبهو لكم ولا تبطون
مسلط:ابشر مشى وركب سيارته وحرك من عندهم متوجه ل بهاج
عند البنات كانو جالسين بالخيمه ويسولفون
رزان:اف نجد متى تجي
لجين:جدي يقول مسلط راح للمحطه يجيب له شي وبيجي بهاج معه شكله مضيع
اديم:ماعليكم كملو سوالف بيجون
نور:بهاجي بيجي
الين:نور احترمي نفستس الولد متزوج
امل:صدق احترمي نفستس شذا ماعندتس كرامه
رزان:خلاص بنات لاتتهاوشون جينا نستانس ماجينا نتهاوش
اديم:اي بالله جينا نستانس مب نتهاوش
دق جوال رزان وشافته وقامت تطلع برا وردت:هلا
مسلط:اررحبي
رزان:البقى وش فيك
مسلط:ولا شي بس شرايك نملك اليوم لان جدتس قال وانا موافق باقي انتي
رزان:دام انك موافق موافقه عادي
مسلط:اخبر اللي بتتزوج تستحي وماتكلم لاكن شكل االلي طايحين عندها قاطعته رزان وهي تقول:سر امها اصلا غلطانه يوم رديت عليك
مسلط:امزح معتس والله المهم تبين شي اجيب لتس اللي تبينه سمي
رزان:سلامتك اهم شي
مسلط:فديت اللي تخاف علي لبى قلبتس مع السلامه
رزان:مع السلامه
عند بهاج ونجد اخذو اللي يبونه واشترا بهاج خيمه له وشاف مسلط طالع من البقاله سلم عليه وركب سيارته ومشو ورا مسلط بعد ماوصلو ونزلو نزل اغراضهم بهاج وحطها عند نجد وجلس عندها لان كانو جالسين مع بعض كلهم نجد حست بالبرد وقامت بتدخل جوا مسك بهاج يدها ورجعها عنده وقال:ايش فيتس
نجد:برد والفروه حقتي بالسياره
بهاج:دقيقه بجيب حقتس واجي
نجد:بجي معك
بهاج:روحي ل الخيمه حقتنا شوي اجيتس
نجد:تمام قامت وراحت تدخل الخيمه وتكلمت لجين:ايش فيها نجد ليه قامت
بهاج:بردانه
رزان:امشو نروح عندها قامو البنات ودخلو الخيمه خقت بهاج وشافو نجد جالسه على كنبه زي السرير قالت رزان:الله ذي من وين ياحظك مابتنامين زينا بالارض
نجد:اخوتس جابها
رزان:المهم جينا بنسولف دخلت ريتال مدرعمه وقالت:رزاننن الشيخ جاء
رزان بتوتر:هاءءء الحين
لجين:يمه
دخلو الامهات عندهم بحكم خيمه بهاج كبيره وجلسو ورزان متوتره وتتمنى الارض تنشق وتبلعها
عند العيال من وصل الشيخ دخل عندهم وقال:السلام عليكم ردو السلام وجلس الشيخ وضيفوه بعد مرور الوقت قال:الاب والعريس العريس يجي على يميني والاب على يساري قام مسلط وجلس جنب الشيخ وقام ابو سطام يجلس بجانب الشيخ بدأ
الشيخ يلقى خطبه النكاح:
إن الحمدلله نحمده ونستعينه ونستغفره ونعوذ ب الله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له،وأشهد أن لا إله إلا الله وحده لاشريك له وأشهد أن محمد عبده ورسوله