(وتظله من الشمس في ظل الجفون)

بارت《 7 》

قبل مانبدا
صلو على النبي اللهم صلي وسلم على نبينا محمد 🩶
---------
بهاج:ياجدي المخيم مب المزرعه الحين حنا بالمزرعه جعل ربي يطول بعمرك
يوم السبت الساعه 11صباحأ الكل صاحي يجهزون ل روحه المخيم
الجد:يلا ياعيالي خلصنا نمشي من هينا نوقف عند المحطه اللي في بيشه
الكل:ابشر
الجد:يلا استودعناكم الله مشينا وانتبهو حطو الحزام ولا تسرعون
كل واحد ركب سيارته مع اهله الا بهاج اللي اخذ الجد والجده ونجد ولجين معه ومشى مشو بعد بهاج وافتضت قصور ال مقبل الثلاثه بعد مرور ثلاث ساعات ونص وقف بهاج عند المحطه ووقفو بعده الكل
نزل وقال
بهاج :لجين اللي تبونه ارسلوه لي
لجين:ابشر
في سياره ابو سطام نزل سطام وقال:اي شي تبونه ارسلوه لي ولا احد ينزل من السياره
ابو سطام :ان شاءالله الحين ترسله ريتال
ريتال:ابشر
وبالمثل في السيارات الثانيه اخذو اللي يبونه وعبو بنزين ومشو لطريق المزرعه في سياره بهاج كان مشغل شيله ومهدي الصوت عشان الجد والجده ولجين نايمين ماكان احد صاحي الا بهاج ونجد بهاج اللي كان يحارب النوم ونجد اللي تهوجس ماتدري عن احد ولا تدري عن اللي يناظر فيها من المرايه كان يناظر بنجد ويناظر بالطريق بعد ساعه ساعات وصلو الكل على الساعه 3:00 نزلو وجلسو كلهم بالمجلس الكبير قامو الحريم بيسوون الغداء قام بهاج معهم وقال:ياربع ارتاحو الغداء انا بجيبه ارتاحو
الجده:ياولدي خلنا نسويه مافيه تعب
بهاج:والله اني انا اجيبه انتم اجلسو ماقصرتم جعل ربي يحفظكم ويطول لنا باعماركم
الكل:امين وياك
مشى واخذ مفتاحه وطلع من المجلس ركب سيارته وحرك بعد 10دقايق قالت الجده:الله يحفظه ماقصر جعل ربي يطول بعمره
ابو سطام:ذا واجب عليه وغصبن عنه
الجد:مافي شي غصب حتى العيال ذول واجب عليهم لاكن هو اللي مانام والطريق كله يسوقه وماهو مقصر ومابغى يخلي الحريم يقومون يطبخون هذا لانه رجال وماهو بقصور ب الثانين
ابوسطام:ماغير يبي يتصنع قدامكم ولا ماعنده سالفه ولدي واخبره
الجد:اقصر الشر ياتركي والعن الشيطان اللي فيك جاينن ننبسط والولد ماجاء معنا الا عشان رضاي ولا هو مب جاي
ابوسطام:يصير خير
ابو رابح:ياتركي اقصر الشر خل الولد بحاله زي ماحنا جايين ننبسط حتى هو جاي ينبسط معنا
ابوسطام:ايه ايه فكونا من طاريه جعله مايعو''
قاطعه محمد من صرخ بعلو صوته يقول:يبهههه خلاص  تراه انسان عنده مشاعر لاتخليه يحس ان ابوه مات وهو حي خلاص يابوي
ابتسم بهاج:مايحتاج يسكت سمعت كل شي لاكن ولا واحد كلامه يهز فيني شعره وانا ماقول شي لان ابي ارضي ربي ماهمني احد كثر ابوي وجدي وجدتي وامي واخواني وعماني وحريمهم وعيالهم ماهمني غير رضاكم انا ادري انكم ماتبوني لاكن ماهمني بعتبر نفسي ماسمعت وهذا غداكم بالعافيه بروح عندي شغل وارجع اكلو بالعافيه عليكم
الجد:ياولدي تعال اكل معنا لاتسوي كذا عشان ابوك لاتحرم نفسك
بهاج بهدوء غير معتاد على الجميع كانو يشوفون فيه بهاج الحاد والعصبي واللي الكل يخاف منه تقدم وسلم على راس جده وقال  :لبى كبدك ياجد اكلت قبل اجي والحين خويي ينتظرني استودعناك الله
الجد:بحفظ الرحمن
صد بهاج وطلع مع الباب ركب سيارته وحرك مسرع وهو وده يبتعد عن الجميع وده يكون لحاله اول مره يكذب على جده وهو كان يعتبره الاب له والجد وسنده ب الحياه مشى بسيارته ووقف عند كوفي اخذ قهوته ومشى يكمل طريقه الين ماوصل للبر فرش فراشه وجلس عليه منسدح يتأمل السماء والنجوم والقمر اما بالمخيم الجد:اه ياحر كبدي ماتوقعت ولدي كذا ياخي اتق الله في ولدك ذا ضنى ضنى انت ماجربت شعور الفقد ياخي احمد ربك غيرك يتمنونه
ابو سطام:يبه ذا نصاب يكذب عليكم يبيك توقف معه وتستعطفه بقلعته مايرجع
هايف بحده:استغفررر ربك ووجع ان شاءالله احمد ربك انك جالس تبلع بفلوسه وماقال شي والله انه مرات يوم ارقد عنده اشوفه بالصاله جالس يهوجس او يكلم مسلط ويشكي له منكم اشوفه يكلم مسلط ودموعه تنزل صار يحسب نفسه ان هو اساس المشاكل وانه مو ولدكم اتق الله في ولدك (ولاتحسبون الله غافلا عما يعمل الظالمون)
ابوهايف:هايف احترم عمك
هايف:لا لا يبه هو يعامل الكل بحنيه وطيبه قلبه الا بهاج يوم يجي يعيشه بجحيم الين بهاج مايقوم عنهم ويطلع اشترا لكم مزرعه وحجز مخيم عشان ايش عشان تنبسطون واخرتها تسوون فيه كذا حسبي الله ونعم الوكيل فيك ياليتك مب ابوه ياليته مايعرفك ويعيش حياته زي الناس
ابو سطام:هه بهاج ماينطق عن حالنا وبذات انا ياكرهني وتقول كذا بالله منو بيصدقك
هايف:اها تبيها كذا طيب اخذ جواله وفتحه ودق على مسلط
مسلط:ارحب امرني
هايف:البقى سلوط بس اسألك بهاج وينه
مسلط:اه مادري عنه حاولت اعرف لاكن مختفي دقيت سبعين مره ومارد غير بالمكالمه الاولى تدري وش قال اول مره بهاج بحياته يقول كذا دايم يفضفض لي لاكن قال يامسلط لاتدق الله يرحم والديك فكوني شركم ابعدو عني فكوني وهو قبل مايروح مكذب علي يقول بروح ل سلمان دقيت على سلمان قال لي ماجاني دقيت عليه مايرد بلغنا ويارب نحصله بخير اهخخ صوته واضح انه يبكي
هايف:اهخ شكرا ماقصرتو وبنحصله باذن الله
قفل مسلط وصرخ هايف يقول:استانست استانست الحين وانت حارم ولدك من السعاده مادري كيف تقدر تنام انت انت شيطان ولا ايش تكلمممم
ابو هايف:وقص يقص لسانك ياهايف وجع كيف تكلم عمك كذا كيف
هايف:ماغلطت بكلمه وحده ويستاهل اكثر
الجد بهدوء قال:هايف ومطلق ومحمد وسلطان ونياف ماترجعون البيت او المخيم او المزرعه الا وبهاج معكم
دق جوال الجد وكان بهاج رد وقال:بهاج وينك وينك ياولدي وين رحت
بهاج بغصه:مارحت محل مابي اخوفكم رحت المستشفى والحين راجع مع الطريق
الجد:جعل ربي يحفظك انتبه ل الطريق
بهاج:سم وامر وش اقدر اقول غيرها
بعد مرور نص ساعه دخل بهاج وسلم على الجد وقال:اسف
الجد:ليه ياولدي احنا اللي اسفين انت ماسويت شي
بهاج:اسف لاني كذبت اسف
الجد:مسامحك ياولدي جعل ربي يحفظك
قام بهاج ومشى ووقف عند ابوه ونزل بهدوء سلم على راسه ويده ورجع يسلم على الباقين الين ماوصل عند امه نزل يسلم عليها وقالت ليه ياولدي المستشفى وش فيك جعله بضلوعي عنك
بهاج:استغفري يامي لتس طوله العمر مافيني شي بس يوم كنت بمسك واحد اطلق علي ورحت اشوف لاكنها خفيفه كشر ب الم يوم مسكت امه يده اللي كانت فيها الاصابه بكتفه اليمنى
قالت:ليه ليه مصر تكذب وتقول انها خفيفه ومافيك شي
بهاج:لاني صادق ي ام سطام مافيني شي
ام سطام:الله يحفظك ياولدي ويسعدك
بهاج:امين ومسك يدين امه يسلم عليها وقال :جعلها يدين ماتمسها النار
وقف ومشى بيسلم على هايف يوم حضن هايف بقوه انفك الجرح وانتشر الدم واغمى على بهاج بين يدين هايف صرخ محمد وقال:بهاججججج
فز هايف وناظر ببهاج اللي طاح من يدينه على الارض
مغمى عليه ركض سطام وشاله يودونه المستشفى وصلو ونزلو كلهم ودخلو بهاج للعمليات صار معه نزيف حاد ووثفو الكل عند الغرفه ولاول مره ابو سطام تنزل دموعه على ولده خاف انه يفقده بدون مايسامحه بهاج بعد مرور ساعتين طويله عليهم طلع الدكتوروقال:بهاج بخير بس ناقص دم لانه نزف كثير واذا ماحصلنا يتسبب بوفاته  فصيلت دمه (B)قامت نجد وقالت:اقدر اتبرع نفس فصيلت دمي
الدكتور:تقدرين اذا تعديتي السن القانوني
نجد:متعديته
الدكتور: بكلم لتس الممرضه تاخذتس معها وتتبرعين بالدم وترجعين ل اهلتس
نجد:تمام مشى الدكتور وراح
عبدالعزيز:خير ان شاءالله يانجد طقتها ميانه معع الدكتور لو قلتي لنا احنا نقوله
جت الممرضه وقالت :وين نجد اشرت نجد لها وراحو تبرعت بالدم ورجعت عند اهلها بعد مرور اربع ساعات طله الدكتور وقال :الحمدالله على سلامته ويبي واحد اسمه تركي يقدر يتفضل معي يدخل له قام ابو سطام ب استغراب ودخل مع الدكتور قام بهاج بصعوبه من شدت الالم من كتفه وقال:ارحب يادهر قلبي ورجعانه
تقدم ابو سطام وحضن بهاج لي اول مره من يوم ماولد بهاج ماكان يمسكه بس يمسك سطام ومحمد لانه ماكان يبي بهاج كان متهاوش مع ام بهاج بسبب الوحام ومن ذيك الليله كره بهاج لان كانت تطرده وماتبيه عندها  بكى بهاج بحضن ابوه وقال:ابوي انا احلم صدق اضربني تكفى مو راضي اصدق ضحك ابو سطام وضربه قال بهاج:اه اخيرااااا مافي احد اكثر من سعادتي اليوم دخل مسلط وهو خايف عليه يعتبر بهاج اخوه الكبير وعضيده وسنده قال بهاج:اررحب ياشاعر قلبي السماء ترحب والارض ترحب ملاين مرحبا يدهر قلبي ورجعانه
مسلط:من يرحب يبقى ياعضيدي
بهاج:سلوط تكفى
مسلط:ابشر بسعدك
بهاج:قل لنا شعر
مسلط:من عيوني كم عندي بهاج انا
بهاج:واحد اكيد
سلمان:يبوي دز انت وثقتك الخايسه ذي
رعد:غار غار ولد ركان غار من البهجي
سلمان:تخيلو بس اغار من بهاج
بهاج:حقيقي ماتغار يعني
سلمان:لا وععع
بهاج:سلوط قلبي تعال
تقدم مسلط وحضنه صد سلمان وانفجر يضحك بهاج بعلو صوته الجد وعمانه وعماته وبناتهم كانو يناظرون فيهم وبصداقتهم وكيف من يوم جو الضحكه مافارقت وجه بهاج نرجع عندهم
بهاج:سلوم ورعود تعالو تعالو
رعد:شدعوه من قال غرنا عادي كملو
ضحك بهاج وعدل جلسته بيقوم فزو له الاثنين وحضنهم كلهم الثلاثه بعد بهاج وقال:يلا سلوط قل
مسلط تنحنح وقال:
ماعاد ادري وشلوني من الفقد والالام قعدت اتجنب سطوه الوقت وعناده يالايام وش باقي تخبين يالايام عسى باقي من ديره الوصل نشاده
بهاج:صحح لسانك يالشيخ
رعد:صح لسانك ياسلوط
سلمان:صح لسانك ياشاعر قلوبنا
مسلط:صح بدنكم
بهاج:اسمعو طيب
مسلط:غرد يالامير
تنحنح وقال:
مابيني وبينك مشاريه وعتاب شف دربك اللي جيت منه تدله ماراح تغلبني لو الحب غلاب من حظرتك عشان قلبي تذله كنت القريب وكلهم اغراب حتى القمر لاغاب شفتك محله رح واعتبرني واحد اذنب وتاب من بثوب تلبسه ثم تمله
مسلط:اوهههه بهجه قلبي شاعر صح لسانك
سلمان:اما اللي تكلم مسلط صح مب ببهاج مستحيل بهاج يكون شاعر وانا لا بس صح لسانك
رعد:احنا وش مسوين عشان يكون زي بهاج صديقنا واخونا ياربي لك الحمد والمنه واهه يحظنا بس صح لسانك يبهجه قلوبنا جعل من جابوك للجنه
بهاج رفع نظره ل اهله وابتسم وقال:صح بدنكم بس تكفى رعد انتم بذات طلعوني عارف جدي بيزعل بس اعرف اراضيه تكفون والله كتمه
الجد:بهاج ووجع يوجع عدوك بتنثبر بالمستشفى
بهاج:لا تكفى والله بموتت عليكم ها قلت لكم
جاء ابو سطام وقال :قم انقلع يلا قدامنا سجلت لك خروج
بهاج:حيييي ابوي ياناس
ابتسم ابو سطام ووقف بهاج وقال:والله العظيم اني بروحح مع مسلط وسلمان ورعد وبجلس اسبوعين عندهم قلت لكم وحلفت
لف الجد بصدمه وضربه بعصاته كشر بهاج بالم وجلس على السرير وجلس مع مسلط وقال:بهاج بهاج تعور صح امانه قل تعورك صح
بهاج حس ان جده بدا يأنبه ضميره وقال:لا دز امها وابعدو عني مشو الكل ومابقى الا الاربعه اللي اي واحد يشوفهم بيقول اخوان من كثر حنيتهم على بعض وصداقتهم وابدا مو من نوع اصدقاء السوء ناس قلوبهم صافيه وبيضاء
جلس بهاج وقال:اههه كتفي بغيت اموت عصا جدي كان حجر
ضحك مسلط وقال:مايعورك ها يالكلب
بهاج:وربي شفته حاس بالندم وقلت لك كذا
مسلط:يالبيه يبهجتي
سلمان ورعد مع بعض:خيررر حتى حنا بهجتنا
مسلط:الله يزعجكم الولد بيهج منكم
بهاج:شكلي بستخير واعود عند امي على الاقل تبلعني مو زيكم
رعد:ايههه ماهمك غير بطنك يالمشفوح'''''
(تسريع الاحداث)
بعد مرور شهر كامل مابقي الا يومين ويطلعون من المخيم خلص وقتهم اللي كان بهاج حاجز شهر واربع ايام
دخلو المخيم الاربعه اللي كانو جنب بعض ويسولفون بعد ماوقفو برا المخيم نزلو ودخلو كانو بهاج ومسلط يضحكون بهستيري من كثر الموقف اللي حصل لهم اما رعد وسلمان اللي كانو يمشون بهدوء كاتمين الضحكه احترام ل اهل بهاج اما مسلط وبهاج اللي مانتبهو ل احد كانو يحسبون الكل جوا الباقين اللي كانو يناظرون مسلط وبهاج بصدمه واول مره يشوفون بهاج يضحك كذا بهاج اللي انتبه وكتم الضحكه ونطق بحده وبصوت عالي وهو يخز بناظرته مسلط عشان يسكت:السلام عليكم
مسلط اللي انتبه وسكت
وردو السلام وكانو الحريم بيقومون يدخلون جوا لاكن بهاج اللي قال:لا خليكم بنروح ل الاسطبل حنا وانتم اللي بيجي يجي
هايف:انا بجي لاكن نسوي سباق من هينا ل الاسطبل
بهاج ومسلط ورعد وسلمان ناظرو ببعض وقالو مع بعض: تممم مين بيسوي معنا
هايف:انا
عبدالعزيز:انا بعد
العيال خلاص انتم واحنا بنمشي وراكم
بهاج:اوهو يالرعد وسلوط وسلوم انتبهو لايفزون علينا
رعد ومسلط وسلمان :ابشر بنا يالبهجه رفعو ثيابهم ووقفو جنب بعض وقال
سطام بصوت عالي:استعدادد واحد اثنين ثلاثه انطلقووو
راحوو يركضون باسرع شي عندهم واللي كان اهلهم يناظرون فيهم كانو متقدمين رباعي الفلس بهاج ورعد ومسلط وسلمان تقدمو عبدالعزيز وهايف عليهم بس مسلط وبهاج ركضوو باقوى شي الين ماوصلو لخط النهائي وفازو بهاج اللي ركض وحضن مسلط وهو يضحك
كانو بهاج الاول ومسلط الثاني رعد الثالث الرابع سلمان والخامس عبدالعزيز والسادس هايف
مسلط:فزناااااااا رباعي الفلس زيي دائما ماخذيننن المراكز حييييي عيونكم
بهاج:حييي ذا الرؤس
رعد وسلمان :كفوو
بهاج:استعد
وقفو كلهم وضربو تحيه له قال بضحكه:استريحو يالشيوخ
مسلط:صدق نفسه ترا ماحنا بالمركز
ضحك بهاج وحضنه جاو رعد وسلمان وحضنوهم وقعدو يلعبون الاربعه قال بهاج بصوت عالي :يالايهممممم
صهل الخيل بعلو صوته وجاء يركض متجه ل بهاج اللي فز وركب عليه وكل واحد اخذ الخيل حقه وبدو يلعبون بالخيول والكل يناظر فيهم قال مسلط:يابهيج تتحدا
بهاج:ابشر بي يلا مستحيل تفوز
مسلط:قدها ياولد تركي
بهاج:وقدود بعد ياخضير
رعد بصوته الحاد قال :واحد اثنين ثلاثه انطلقوو يالشيوخ بدو يركضون وكان مسلط يمشي بالخيل بهدؤه كان هاذي عادته اول شي يمشي بهدؤ بعدين يسرع
وكان بهاج يركض باقصى سرعته مسلط بعد ماشاف بهاج يقرب من الفوز وقف فوق الادهم وصار يركض باقصى سرعته الين ماتعدى بهاج وهو يقول:لاتحدى ولد عيد يابهاج بدا يركض بسرعه جنونيه بالخيل حقه لما شاف بهاج يسرع بخطوات الخيل حقه وتعدى الخط ورفع نفسه بالحصان وصهل الحصان بعلو صوته وصفر رعد معلن فوز الادهم ومسلط وصل بهاج عنده ووقف وقال بصوت عالي :منت بهين ياولد عيد
ضحك مسلط ونزل من الخيل وبدا يمشي يرجعه لمكانه وبالفعل بهاج سوا نفسه والعيال اللي مانو يلعبون بالخيول حقتهم ووقفو سلمان ورعد عند بهاج ومسلط قال رعد:اكرمكم الله انا بمشي
سلمان ومسلط:بنمشي معك
بهاج:علي الطلاق ماتمشون الين ماتعشون
رعد:تزوج اول شي انت عشان تطلق يابوي دز امها تونا ماكلين دجاج تبينا ناكل لحم بعد
بهاج:والله العظيم ماتمشون اصلا كل شي جاهز بس تعشو وامشو تكفون لاتروحون بدون ماتاكلون
رعد:وانا ولد ابوي ليه تحلف ياخي امي تحراني بالحفر
بهاج: والله ان تقعد واذا على خالتي هات انا اكلمها
رعد:خلاص تم الله المستعان صاحب ونشبه بعد
ضحكو العيال ودخلو المجلس بعد ثلاث ساعات تعشو وخلصو وراحو رباعي الفلس والكل اتجه لغرفته عشان ينام والجد اللي قفل الانوار وانسدح ينام بالحوش هو والشيبان والعيال الكل نامو بامان وهدؤ وراحه'''''

اتمنى البارت عجبكم
لاتنسون النجمه ✨️❤️