بعد ماصلت الفجر نامت عند العيال كانو نايمين كلهم
بغرفه بهاج دخل الجد وقال الجد:ي بهاج قوم قوم ياولدي الصلاه صل الفجر وارجع ارقد قبل ماتروح المسجد قوم السرابيت اللي رقود بالمشب بهاج قام وقال
بهاج:ابشر
الجد:بشرك الله بالجنه ياولدي
بهاج:امين وياكم
طلع الجد ونزل يروح للمسجد بهاج قام ودخل الحمام(يكرم القارئ) توضى ونزل يقوم العيال
بهاج بحده:ياعيال قومو الصلاه قومو معكم خمس دقايق والله لو ماقمتو لوريكم النوم ذا لطلعه من عيونكم
هايف:ياخضير فكنااا نبي نرقد للحين ماذن
بهاج:هايف اقسم بالله انت واللي معكك ذول لو ماقمتو ياويلكم
عبدالعزيز:ابشر قمت طلع يتوضى ورجع عند بهاج
قال بهاج بصوت عالي :كفوو عزيزز انت بتنام معي بغرفتي وخل هالسرابيت يروحون مع جدي لان قال اختار واحد يقعد معاك وبقول له عزيز فزو العيال من مكانهم
هايف:بهيج تكفى انا قمت مابي اروح للبل
محمد:وانا بعد مابي اروح جدي يوقفني الين ماتنكسر رجلي من عصاته ضحك بهاج هو وعزيز بهاج:قومو قومو المسجد يصير خير شوي قامو كلهم وتوضو وطلعو للمسجد يلحقون بهاج وعزيز بهاج دخل المسجد وتوجه جنب جده وابوه وعمانه دخل عزيز بعده وجلس جنبه جوو العيال واذن الموذن وقامو يصلون خلصو صلاه وطلعو للبيت دخلو البيت وجلسو بالصاله بهاج بعد ماسلم وجلس
محمد:بهاج اصب لك قهوه
بهاج:اي صب له وجلس يشرب القهوه ويهوجس مب داري عن احد قام ووقف يناظر الين ماشاف عبدالعزيز
بهاج:عزيز تعال معي
الجد:وين يابهاج
بهاج:بطلع ل غرفتي اريح وانزل
الجد:طيب قام عزيز وطلعو هو وبهاج والعيال منقهرين
سطام:اهخخخ ياحظ عزيز بس بيريح واحنا جدي بيرسلنا للبل والغنم والمزرعه والسوق
الجد:يلا ياعيال كل واحد على شغله وبكرا بنطلع للمزرعه بنسوي عزيمه ل بهاج
الكل:ابشر
(تسريعع الاحداث)
من بكرا بعد صلاه العشاء بالمزرعه عشان عزومت رابح اللي مسويها الجد عشان رجعته بعد ٧ سنين والكل فرحان ماغير البنات اللي كانو مايدرون الله وين حاطهم وبهاج بدوامه اللي الكل يستناه وبعد ساعه بهاج رجع لبيت جده وراح يركض بدل ملابسه واخذ العود الازرق وتعطر ولبس شماغه ونزل وقال بحده :طريقققق
انخرعو البنات من صوته وفزت لجين بتقفل الباب وقالت:يابهاج روح مافي احد نزل بهاج وكان رايح ولجين فتحت الباب وجلست والبنات شافو بهاج
اشواق: ذا بهاج ماشاءالله يجنن بس يخرع الصدق
اديم بضحك:ياحبي لتس ياشواق على نيتس لاكن ماشفتي بهاج للحين هههههه
اشواق:يمه وش فيه
ريتال:الكل يخاف منه مادري ليه
نجد:وربيي يخرعع امانه كم طوله ذا
لجين:طوله ١٨٩
نجد:ياراسي صدق
ساره:مشيته وصوته وكل شي له هيبته
امل:بناتت سمعتت ان رابحح بيجي اخيرا بشوففف رنا
اديم:الله اخويييي بيجي من لندنن
لجين:ايههه صح وجدي مسوي العزيمه له
اديم:احح اخوي بيجي وانا اخر من يعلم لعنبوتس يامطلق ماقال لي وانا اشوفه اليوم الضحكه ماتفارق وجهه عشان خضير بيجي
البنات طاحوو ضحك على اديم وهي معصبه يكون شكلها يضحك وماتعرف تعصب عند الرجال كانو الضيوف واصلين وعيال خالد كلهم واقفين
قال بهاج بصوته الجهوري اللي يرعد بين الناس :اررررحبوووو يالررجالل ارحبوو ي ال قايد
هادي: الله يبقيك ومعليك زود ياولد تركي
بهاج:اقلطوو حياكم الله البنات اللي كانو يناظرون بالرجال من الباب وشافو بهاج
قالت اشواق:اهخخخ يجننن لجين وريتال ذا اخوكم
لجين وريتال مع بعض:ياحلوو اخوانا بس
بهاج اللي لف وشاف نجد ولجين واقفين عند الباب وراح لهم ودق الباب بقوه ودخل وجع يوجعتس انتي وياها وش عندتس عند الباب ماتشوفون الرجال البنات اللي فزو يركضون مابقى الا لجين وريتال
بهاج اللي كان بيهاوشهم بس انصدم من حضنوه الثنتين وبكوو بادلهم ومسكهم قال :افا وانا ولد تركي وش فيكم عساني للموت اذا انا اللي منزل دموعكم ضربته لجين وقالت:وجععع بهاج فال الله ولا فالك
ضحك بهاج وحضنهم وقال :اللي تبونه اليوم تم وبيجي لتس انتي وياها
ريتال :اوهههه اجل كل يوم بجي عندك ابكي
بهاج:احمدو ربكم بس المهم لو اشزفتس انتي وياها عند الباب لاكسر رجولكم وماتنفع معي ذا الدموع بس هالمره بسامحتس انتي وهي لاكن لو انعادت اذبحكم
لجين:يالبيههه وبعدين كنا نناظر فيتس ياخي انت اخونا ولا نحلم
بهاج ضحك وقال:ايهه اخوتس جعلني قبلتس
ريتال قالت:اشوف سحبتو علي وعع
بهاج سحبها وحضنها وقال:واههه ياعرب فديت اختي اللي تغار المهم انا بروح لرجال لو اشوفكم ياويلكم سمعتو
باسوو راسه كلهم وقالو :ابشر
بهاج:بشركم ربي بجناته
ادخلوو
طلع ودخل عند الرجال واخد الدله من مطلق اللي كان معيي ياخذها بهاج ويبي يجلسه لاكن بهاج اخذها وجلس مطلق وبدا يقهوي الرجال وجلس بعد ماقهواهم قام الرجال وقال يابهاج ماودك تتزوج
بهاج: لا مشكور ياعم مابي الحين
ابو سطام:اذا يبي بنات الناس واجد لاكن للحينه صغير
الجد وهو عارف ان الرجال يبي يزوج بهاج بنته
وقام بهاج بعد ماشاف جده يناطر فيه وطلع برا يد*خن وشاف لجين ونجد وراح لهم
لجين:اررحب هلا باخوي
بهاج: انا وش قلت لتس يالجين ماقلت لتس لاتطلعين المكان كله عيال
لجين الا بس جوا طفش ماغير يخطبون لنا انا والهبله ذي وطلعنا
بهاج:اها خلاص ادخلو انا برجع قبل جدي يفجر براسي
لجين:ههههه مايطاوعهه قلبه
بهاج بحده :ادخلي لا اصنتس بذا الصحن على راستس خويتس دخلت اول وانا عاجبتس السوالف على الباب
لجين:يمه بهيج وش فيتس توك تهرج معي ارتفعت حرارتس
بهاج :لجين اذلفي من وجهي الا راسي مصدعع
لجين دخلت جوا وعود بهاج ل الرجال بيدخل وشاف رابح اللي توه وصل وقال بصوت عالي ارررررحب يارابح ارحب مليونننن
رابح:البقى يادهر قلبي ورجعانه سلمو على بعض "سلام رجال"ودخلو المجلس والكل فز يسلم على رابح اللي يرد عليهم باختصار –البقى – وعليكم السلام – جعلك تسلم وجلس جنب محمد ومطلق قام بهاج يصب قهوه وجلس وقال :اخو محمد ياعيال دخت
محمد:احتزممم يالعضيد
بهاج:كفوو رح خذ الدله وعبها وتعال قهويهم ماعاد يمديني انا
محمد:ابشر بسعدتس يابهجه القلب
ابتسم بهاج وقال :اذلف جبها
ضحك مطلق وقال:افا مافي كلمه زينه ماقالها لك واخرتها اذلف
بهاج:ابك اذلف انت عضيدي مايزعل خل عنك بس
بعد ساعتين قام بهاج وقال :حياكم الله على عشاكم يارجال
اما عند البنات من يوم دخلت رنا ومعها احمد الصغير فزو كلهم وراحو يسلمون عليها سلمت ودخلت سلمت على الحريم وجلست جنب لجين ونجد وريتال واديم قالت
نجد: حمودي تعال
احمد:نعم ياعمه
نجد:ورا مارحت مع الرجال احمد:لا انا اخاف من خالو بهاج يثوف ماحبه (يخوف)
لجين بمزح:لعنبو بليسك ي احمد خواته فيه ترا نكلمه لك
احمد:اح ماما ثوفي خاله لثين بتنادي خالو بهاج وانا اخاف منه
رنا:ياعيون ماما مايقدر يسوي لك شي روح له وقل له انا قوي مثلك ومثل بابا وبيلعب معك بهاج اخوي مايسوي شي هو يحبك وبيلعب معك ماعليك رح
لجين:انا بقول له عليتس ي احمد اخليه يعصب عليك ويضربك احمد والدموع فعينه بكى وراح عند امه وانخرعت رنا من انه يبكي وقالت :يمه حمودي وش فيك
احمد وهو يبكي :م اما ثو في خاله لثين بتنادي خالو بهاج يضربني
رنا:الله ياخذتس يالجين استغفرالله خرعتي احمد من بهاج الزفت دق الباب وبهاج بصوته بحده قال:طريققق
بعدو البنات وقالت رنا :ادخل
بهاج اللي دخل ودخلو معه محمد وسلطان ومطلق وسطام نزلو الصحون وعودو بيطلعون قال بهاج :رنا اطلعي لي وجيبي احمد بسرعه
رنا:ابشر
احمد:لا ماما مابي اروح يثوف مابيه
رنا:حمودي خلاص قل له زي ماقلت لك وبيلعب معك ويوديك البقاله
احمد بفرحه:هييي يعني بروح البقاله
نجد:واههه يدنن ذا الصعنون
احمد:عمه نجد انا ثبير مو ثصغير لاتقولين عني ثعنون
لجين:واهه يثبير روح لبهيج قبل مايوديتس البقاله لاتتاخر
احمد راح يركض لبهاج اللي واقف برا ومسكه بهاج وحضنه وقال بحده :حموديي البطلل كيفه احمد بكى من صوته ودف بهاج يبي ينزل وقال بهاج:اعقب وانا خالك ماتبي تروح معي تخاف مني ياحمود
احمد مسح دموعه وقال:خالو بهاج انا ماخاف انا بطل زيك وزي بابا
بهاج :حيي حموديي ياناس البطل حقي
قال حمد:خالو ابي اثير زيك بالثرطه واروح معك قال بهاج:استعددد ياحمودد
احمد اللي سوا زي الشرطه
قال له بهاج :استرحح يالبطل حيي عينك ياولد رابح
رابح اللي سمعه وقال بصوت عالي :احتززمممم يابهاج
ضحك بهاج وجت رنا وسلمت على راسه وحضنها بهاج وقال:افا ياخت بهاج ماتدقين ولا تسالين عنا من يوم اخذتس رابح غمز لها وشغلتس عنا
ضربه احمد وقال:خالو بهاج مو على بابا ترا لما اثير كبير واثتغل بالثرطه احطك بالثجن ضحك بهاج وشاله وقال:وعع ابوك مو حلو انا احلا
احمد:الا بابا حلو واحلا منك
رابح اللي جاء وحضن رنا من ورا وقال:عز ياحمود قلبي كفوو ياولدي رنا اللي ضحكت ورابح باس خدها وقال:اهيم الضحكه انا
بهاج اللي صد وقال:وجععع الله يقرفك انت وياها ماتستحون على وجيهكم على الاقل اصبرو لين اروحح بهاج بيروح بس مسكه محمد من رجله وقال:خالو بهاج ماما تقول بتوديني البقاله
بهاج:ابشر بسعدتس ياحمود بعد مايروحون الضيوف نروح انا وانت وبعدين تروح معي ل الدوام حقي طيب
احمد:هييي بروحح للثرطه مع خالوو
رابح:على كيف منو ياحمود
بهاج:على كيفي شتبي انت ملقوف
رنا:حموديي رح وجب للكل طفر بخالو تمام
احمد:ماما بثتري كل البقاله بهاج :اوريتس ي رنا انتي والبهيمه اللي معتس ذا عضه احمد بخده بقوه وكشر بهاج ب الم وقال:وجععع يامسلم فكنا ماعادني بسب ابوك فكنا
رابح:كفوو حي عين حموديي ياناس البنات اللي كانو يناظرون فيهم ومايتين ضحك على بهاج يوم عضه احمد بقوه نجد اللي كانت تتامل بهاج يوم عقد حواجبه ويوم يضحك قالت بنفسها واهههه يالبيه فارس الاحلام راحو بهاج واحمد ورابح ل الرجال ورنا عودت للبنات تعشو وخلصو وجاء بهاج بيدخل وقال بحده:ياولد طريقق وحموديي اخلص بمشي اذا ماجيت بروح
احمد:خالوو انا ثاهز معك
بهاج:ببدل واجيك راح يركض لغرفته بدل ملابسه ولبس ملابس الدوام وحط الكاب على راسه وحط من عطره ونزل ل الصاله واحمد جاه يركض وشاله بهاج وراح يسلم على جدته وعماته وخالته قالت
الجده:ياولدي وش تبي ب احمد انت عندك دوام خله هني عندنا يلعب مع الوراعين
بهاج:جعل ربي يطول بعمرتس ياجده هو يبي يروح معي عادي اخليه عند الرعد الين ماخلص شغلي واعود واليوم مافيه غير تكريم ومانبي غير دعواتكم مع السلامه البنات اللي كانو كل وحده جالسه عند امها وكانو الحريم والرجال متجمعين بالصاله والساعه ٩
قال بهاج:باذن الله الساعه ١٠ واحنا عندكم
ام سطام:بحفظ الرحمن ياولدي
بهاج:مع السلامه
وطلع هو واحمد وركب سيارته وحط احمد ورا وحط له الحزام ومشى بعد ١٠ دقايق وقف عند المحطه ونزل البقاله واشترا ل احمد كل شي يبيه وعود السياره وعطى احمد اغراضه ومشى للمركز وصل ونزل هو واحمد ودخل المركز الكل دق له تحيه وقال:استرحح
تقدم رعد وقال: يابهاج عند مقر التكريم الكل هناك
بهاج:تمام يلا حمودي تعال
وراحو عند مقر التكريم وجلسو على الكراسي قال المدير:العميد بهاج بن تركي ال قاضي والعميد رعد بن محمد ال مقبل ينتقلون الى للواء بهاج ورعد اللي وقفو وراحو له وسلمو عليه "سلام رجال"
وكرمو الباقين بعد مرور ساعه خلص بهاج شغله واخذ احمد ورجع لبيت الجد اللي ماحد قام منهم الكل موجودين دخل احمد بحماس وجلس بحضن بهاج وقال الجد خالد:ياولدي وش صرت
بهاج:لواء ياجدي
الجد خالد:مبروك ياولدي وعقبال فريق اول
بهاج:ان شاءالله
احمد:جدي جدي اقلد لكم خالو بهاج والمدير يوم ثرموه
الجد:تعال ياحمودي قلده يوم كرموه يلا وقف احمد يقلد بهاج ويتنحنح يحد صوته وقال:العميد بهاج بن تركي ال قاضي والعميد رعد بن محمد ال مقبل ينتقلون الى لواء وقام يقلد بهاج جدوو ثوف خالو يوم قام يثلم عليه يمثي وكل الناث يطالعون فيه يمشي زي بهاج بينهم بهاج اللي ناظر فيه وبعد فنجاله وقام يضحك وشال احمد فوق ورماه بالهواء واحمد يضحك قال:انا امشي كذا ياخضير هاه طيب قلد لي رعد كيف يمشي طيب
احمد:ثيب ثوفو ثوفو عمو رعد بهاج اللي جالس يصوره ل رعد وقال له رعد انه بيجي لان اخو الجد خالد اخو جد رعد وفيه قرابه بينهم وبيوتهم جنب بعض دخل رعد وقال السلام عليكم ردو السلام وسلم عليهم وجلس جنب بهاج قال الجد:كيف حالك يالرعد وكيف اهلتس عساهم طيبين
رعد:الحمدالله ياجد كلنا بخير كيف حالكم انتم بشرونا عنكم
ردو وقام بهاج وفز معه الرعد وقال:اجلس اجلس مو انت اللي تقوم واصلا متقهوي اجلس لاتسوي نفسك سنع البنات والعيال اللي ماسكين الضحكه على بهاج اللي قال :دز امها ياشيخ اصلا اللي يقوم بيصب لك غلطان ياخضير وانتم اضحكو لاتكتمونها مسك جواله ومفتاحه وطلع وقام رعد وراه ووقفه وقال:افا بهجه القلب يزعل
بهاج:دز امها
رعد:اسف وجاء بسلم فوق راسه وبعد بهاج وقال:اعقب يالرعد ضحك رعد وحضنه وقال بهاج:فيه احد يزعل من الرعد الكل كانو يناظرونهم ويتاملون كيف صداقتهم مع بعض
بعد مرور الوقت قال
الجد:خلاص ياعيال قومو رقدو عشان بكرا نمشي للمزرعه""""
اتمنى البارت عجبكم لاتنسون النجمه🩶
BẠN ĐANG ĐỌC
(وتظله من الشمس في ظل الجفون)
Tiểu Thuyết Lịch Sửالكاتبه: ريتال اول روايه لي (وتظله من الشمس في ظل الجفون)
