(وتظله من الشمس في ظل الجفون)

بارت《 9 》

اليوم الثاني ببيت الجد الساعه ٩:٣٥كان الجد عياله وعيالهم جالسين بالحوش يسولفون ويلعبون قال
ابوسطام:يبه انت غاصب بهاج على الزواج
الجد:ايه ولدك عنيد مايسمع الكلام
ابوسطام:بس مايصير ي ابوي بيكرها يحسبها هي قايله لك وهي مالها ذنب
الجد:اول الزواج ذا بس وبعدين يتعودون
هايف: امي تقول لكم الفطور جاهز تبونه برا او جوا
الجد:برا ازين حطوه برا
هايف:ابشر
سطام:انا بروح اشوف البل وعبدالعزيز ومحمد معي
الجد:عطنا من حليب جذابه
سطام:بس ياجدي بهاج قال لاحد يلمسها غير العامل اللي حطه لها لان ترفس مابتخلي احد يمسكها غير بهاج حتى العامل مايقرب منها الا اذا ربطها
الجد:وانا وش علي من بهاج جيبو لنا حليب
سطام:ابشر بس ابي رعد معنا لان الناقه تعرفه وبتخليه يلمسها
رعد:ابشر
بعد ساعه افطرو وجلسو يسولفون والعيال يلعبون بلوت
بالغرفه عند البنات كانو يلعبون
قالت نجد:بنات شرايكم نرقص
لجين:تممم
ريتال:يلا حطوو شيله
نجد:وش شيله مانبي موب عيال حنا
اديم:مانبي نبي نسوي حلا ونروح نجلس مع عماتي وجدتي
رنا:صح نبي نجلس معهم
الين:انا مع رنا واديم
امل:وانا بعد
اشواق:وانا بعد معهم
ريتال:بجلس مع نجد ولجين
نجد:اصلا مابنطول بنجيكم بعد شوي
البنات:طيب
نزلو اديم ورنا للمطبخ والبنات الباقي عند الجده وعماتهم
ونجد ولجين يرقصون وريتال تصورهم
بعد ربع ساعه نزلو
وجلسو جنب بعض
قالت ام سطام:لجين يابنتي خالتك بشاير بتجي هينا ومعها بناتها
لجين:ماما مابي نور تجيي
ام سطام:وش نسوي يابنتي اكيد بتجي مع امها
نجد اللي تهوجس وماتدري عن احد قالت الجده:نجد نجد نجوده
ضربتها لجين بكتفها وفزت وقالت: خيرر ليه تضربين
لجين:جدتي تناديك
نجد:هلا جده
الجده:وش فيتس يابنتي
نجد:مافيني شي بخير ماعليتس
ام سطام:ياعمه اختي وبناتها بيجون هينا وبهاج التغت المداهمه حقته صارت بعد سنه واليوم معود ل الحفر
الجده:ايه زين وبنتك متى بتجي
ام سطام:رزان قالت بتجي الثلاثاء
الجده:الله يحيها تو ماتنور الحفر
نجد اللي سمعت ان بهاج بيجي ونور بعد بتجي ونور تحب بهاج ماتدري ليه حست بالغيره ف قلبها قامت وجت بتروح قالت الجده:وين بتروحين يابنتي من جلستي وانتي تفكرين
نجد:تعبانه شوي ب ارتاح
الجده:تمام اجل
طلعت نجد وهي تحس بالدوخه ماكملت نص الدرج الا وهي طايحه
الحريم فزو وطلعو من المجلس بعد ماسمعو شي طاح ناظرو بنجد اللي طايحه جنب الدرج وراسها كله دم صرخت لجين بكل صوتها وام نجد راحت تركض لها دخل هايف على صرخت لجين وقال:وجع اقصري حستس
شاف نجد بين يدين امه وراح يركض شال نجد وقال:عطوني عباتها جابت الين عبايه نجد ولبستها وراح هايف يركض قال عزوز افتح السياره بسرعهه اخلص
فتح باب السياره وحط نجد وركب هو وعزوز ومشى يسوق بسرعه وصل المستشفى وهو مايدري كيف وصلو نزل نجد وجو الممرضين اخذوها ل الطوارئ
بعد شوي طلعت الدكتوره لين وقالت: الحمدلله نجد مافيها شي وتقدر تطلع بس يدها اليسار ملتويه وجرح براسها بس م يأثر عليها
هايف:مشكور ماقصرتي ي دكتوره لين
دكتوره لين:ذا واجبنا بس تقدر تروح تعبي ورقه الخروج
عبدالعزيز جاء وقال:يلا سجلت لها خروج
دكتوره لين:فالها العافيه مشت وراحت ل مكتبها وهايف وعبدالعزيز خرجو نجد وعودو للبيت والكل جلس حول نجد بس نجد قالت ل عبدالعزيز يوديها للغرفه تبي ترتاح وماتبي عندها احد
اخذها عبدالعزيز ل الغرفه وقفلت الباب وانسدحت قال عبدالعزيز يمه نجد نايمه بسبب المخدر حق المستشفى لااحد يروح لها
ام هايف:ابشر ياولدي
عبدالعزيز:خل الين تجيني
الين:هلا
عبدالعزيز:تعالي خذي الادويه حقت نجد
الين:ابشر
اخذت الادويه ورجعت عطتها امها وطلع معع دخول بهاج ورزان صرخت لجين وقال بهاج :وجعععع لجين يابهيمه اقصري حستس لا اقصره لك
لجين:وجع يوجعك يابهيج وبعدين ماصرخت عشانك عشان رزان وراك
لف بهاج وشاف رزان تسلم على جده وعمانه وجت بتدخل شافت بهاج وحضنته وقال:البهيمه الثانيه جات اررحبييي
رزان:البهيمه انت ومن يرحب يبقى ياخضير
دخلت وسلمت عليهم وجلست وبهاج طلع فوق ودخل غرفته واستغرب من المكيف ليه شغال ماهتم وراح انسدح بالسرير بدون مايحس ب نجد
بعد ساعه قامت نجد وانصدمت من اللي نايم جنبها وقامت بهدؤ بدلت ملابسها ونزلت للمجلس وقالت ام سطام: ياهلا بحرم بهاج ناظرتها نجد وابتسمت وسلمت على الكل وجلست جنب رزان يسولفون بعد شوي قامت وقامت رزان معها وجلسو بالمطبخ قالت نجد: يمه رزان تخيلي قمت من النوم لقيت اخوتس نايم جنبي ومو داري عن شي وانا الغبيه نايمه بغرفته واحسبها غرفه عمتي
رزان: اوهه حركات المعاريس نايمين مع بعض
نجد:وجععع كلي تراب هو جاء ونام عندي
رزان:غرفته
نجد:انا بعد ماجيت من المستشفى عزوز حطني مالي ذنب بشي
رزان: امم صدقتك تعالي نقومه امي تقول صحي بهاج يطلع ل جدي كانو يسولفون ونور تسمعهم ومايته غيره من نجد لانها خذت بهاج وهي تحبه طلعت ل غرفه بهاج وجلست جنبه وحاولت تقرب منه لاكن بهاج تحرك ودخلو نجد ورزان وشافو نور عنده وقالت رزان:وجع يانور وش جابتس عند بهاج
نور:حبيبي جيت اشوفه
رزان:يابنت الكلببب انقلعي برا
فز بهاج من نومه وشاف نور وصد وقال:وجععع ان شاءالله يوجعتس انتي وياها مالقيتو الا عندي تتهاوشون وانتي ياوجه البهيمه وش جابتس غرفتي وجالسه فوق سريري بعد قومي
نور:بهاجي اشتقت لك
بهاج:نور اطلعي ولا اكلم لتس اخوتس فيصل
نجد اللي دموعها نزلت وطلعت وصفقت الباب وراها بقوه قالت رزان: الله ياخذك يانور نجدد لحقتها وقام بهاج سحب نور من كتفها وطلعها برا وقفل الباب بدل ولبس تيشيرت ازرق وبنطلون اسود ومسوي وعاصب راسه ب شماغ لونه اسود ونزل وهو يدندن قال:ياولد طريق
ام سطام:تعال سلم على خالتك وبناتها كشر بهاج يوم تذكر نور وطلع وهو مغمض عيونه يركض وصفق ب عبدالعزيز وطاح عبدالعزيز وهو واقف وجلس يضحك :هههههههههههههههههههههههه قلت لك لاتجي قدامي لي ساعه اقول طريق
عبدالعزيز:اه كسرت ظهري يابهيمه انت جدار ولا انسان
بهاج:ههههههههه قم غسل ثوبك بس كله عصير البنات والحريم اللي كانو يناظرون فيهم كشر بهاج يوم شاف هايف جاي ومعصب
قال: كملت جاك البهيمه الثاني
هايف:كل تراب مقوميني عشانك وانت تضحك هينا مع الحمار ذا
عبدالعزيز:الحمار انت طيحني على ظهري في احد يركض وعيونه مغمضه
بهاج:انا
هايف: وجعع شفيك اول جبنا نجد من المستشفى مب ناقص اوديك انت بعد
بهاج:ها مستشفى ليه
عبدالعزيز:طاحت من فوق الدرج بس م صار لها شي
بهاج:عادي اشوفها
هايف:عادي تراك زوجها
بهاج:وينها
هايف:مادري نادها
بهاج:يانجد
ام سطام:مو هينا لا هي ولا اختك رزان
بهاج:اك
راح ل النياق وشاف نجد تبكي لحالها تقدم وجلس جنبها وقال بهدؤ:نجد حنا وش قلنا ماقلنا لاتبكين
نجد:بهاج نور ليه كانت معك بالغرفه
بهاج:مادري والله كنت نايم ولا ادري عنها وانتي تعرفين نومي ثقيل لو نار جنبي ماحسيت بها
نجد:ابعد عني انقلع ل نور
بهاج:نجد خير وش ذا الحركات
نجد:كيفي انقلع من وجهي
بهاج:ماني بمنقلع واحترمي نفستس واقصري الشر احسن لتس
نجد:ذا من اولها كيف اذا تزوجنا ياخي ابعد عني اكرهكك
بهاج:البيت لاتخرجين منه تفهمين الحين انتي زوجتي وزواج ماراح اسوي بتجين وتقعدين ببيت جدي من بكرا انتي ابوتس واخوانتس الحين مالهم شغل فيتس انا المسؤول عنتس
نجد:بهاج لا تكفى الا الزواج تكفى ابي اسوي
بهاج:مافيه زواج
نجد حضنته وقالت:بهاج تكفى تكفى ابي اسويه واذا تبيني اعيش ببيت جدي حطه اليوم اللي تبيه بس ابي اسوي زواج
بهاج اللي استغرب من حركتها وقال:ليه ملزمه تسوين عرس
نجد:عشان اقهر نور زي ماقهرتني الحيوانه بنت الكلب
بهاج:بسالتس سوال وجاوبي بصراحه بدون كذب واذا جاوبتي اسويلتس عرس
نجد:تمم
بهاج:انتي قبل كنتي تحبيني بس تشوفيني نفسيه وعصبي والحين غرتي من نور علي صح
نجد بتوتر قالت:اءء ايه كنت احبك بس لجين قالت انك تحب نور وتكرهني وبعدين شفتك نفسيه وعصبي ويوم ملكنا شفتها وانت ونايم تحضنك وغرت صح
بهاج:طيب تدرين اني كنت احبتس بس قلت ابخطبك يوم يجي عمري ٢٩ بس جدي الحين غصبني عليتس
نجد:يعني الحين كلنا نحب بعض بس انت ماتبي احد يدري صح
بهاج اللي مسك خدودها وقال:صح ياحلوه يازين حرم بهاج الذكيه
بهاج:نجد ترا شفتك يوم ترقصين
نجد:ها وين شفتني
بهاج:ريتال مصورتس وارسلتها لي بلغلط
نجد:طيب وش تبي
بهاج:ولا شي بس انا قررت واشتريت لي بيت لي ولتس ملك
نجد:ليه مابنعيش ببيت جدي
بهاج:لا ماتبين بيت لتس لحالك نبعد عن الكل وعشان اذا نور حضنتني
نجد:بس بس اسكت الا ابيي بيت
ضحك بهاج وقال:تبين تركبين الايهم
نجد:ايوا تكفى
بهاج:لاتقولين تكفى بطلعه لتس واطلع الخيول الباقيه والعبو فيها انتي والبنات
نجد:تممم ياحلوو زوجي ضحك بهاج وقال:حلوو من يومي ماشاءالله كل البنات يبوني
نجد:وعع يالثقه
ضحك بهاج وقال:افا يعني زوجتس مب حلو
نجد:الا ويدنن بعد
بهاج: افا تراني مب بزر
نجد:خلاص صجيت اذني ب افا ذي ابي تسوي عرس لي
بهاج:هههههههه خلاص من عيوني كم عندي نجد انا ضربته نجد ببطنه وقالت:وحده ولاتحلم تتزوج او تشوف غيرها تفهم
بهاج:اه بطني خلاص ماراح اسوي لتس عرس
نجد:بهاجج
بهاج:عيونه
نجد:ورع
بهاج:ورعه مب كانك فليتيها
نجد:لا جالسه مع زوجي
بهاج:ايه صح
نجد:بهيج بتسوي صح
بهاج:خلاص تممم بسوي لتس نجد شافت نور ونزلت راسها وعيونها فيها دموع رفع راسها بهاج وقال:حرم بهاج ماتنزل راسها تفهمين وبعدين قلت لتس دموعع لا مابيك تبكين على كل شي
نجد:تمام باست خده وقالت رح طلع لي الايهم
بهاج:ابشري
راح وطلع الخيول كلها ورفع نجد وحطها فوق الايهم ونجد نادت البنات وكل وحده ركبت الخيل حقها الا رزان اللي مامعها خيل وجلست على جوالها جاء بهاج وجلس جنبها قال:رزاني ليه ماتلعبين معهم
رزان:مابي وبعدين مافيه خيل
بهاج:اجيب لتس حق مسلط الادهم
رزان:لا حق الولد يمكن مايبي احد ياخذه وبعدين لاتهتم لي رح عند الرجال انا مب لازم تمام
بهاج:دقايق لاتروحين
رزان:تمام
راح بهاج وقال:مسلط تعال
مسلط:ابشر
جاه مسلط وقال بهاج:عادي اخذ الادهم اعطيه رزان
مسلط:مو لازم تستاذن يابهيج عادي خذه اللي تبيه
بهاج:يابعد اهلي ياسلوط
راح بهاج وطلع الادهم ووقف قدام رزان وقال:قومي العبي معهم يلا
رزان:بهاج قلت لك مابي وبعدين ماعرفله
بهاج:لو ماتعرفين بتلعبين
رزان:اوف بهاج ياخي قلت لك مابي
بهاج:رزاننن قومي والعبي مع البنات
رزان:تمام قامت وركبت فوق الخيل وقالت بهاج تعال نتسابق انا وانت
بهاج:توك تقولين ماعرفله ومابيه
رزان:اخلص تتسابق او لا
بهاج:ايه دقيقه
راح بهاج وجاب خيل الرعد وركب فوقه وقال رزان تعاليي هناك بعيد عنهم قالت رزان:تمامم دقيقه
وقفو البنات وجلسو يناظرون فيهم واما عمانهم وعماتهم والجد والجده يناظرون فيهم بعد تلثمت رزان ومو باين الا عيونها وقالت:بهاج منو الحكم
بهاج:مسلط خلك حكم
مسلط:تم يلا واحد اثنين ثلاثه راحو بهاج ورزان بهاج يركض بالخيل ورزان نفس الشي تعدت رزان بهاج وقربت من الجدار الصغير صرخ بهاج وقال:رزانننننن انتبهي في جدار قدامتس رفعت رزان الخيل وانقزت من فوق الجدار بالخيل ووصلت لخط النهايه وفازت رفعت الادهم وصهل بعلو صوته اما بهاج اللي كان مصدوم من رزان اللي نقزت من فوق الخيل ووقفت قدام بهاج وقالت:لاتحدى بنت تركي ضربها بهاج بجبهتها وانفكت لثمتها وشافها مسلط اللي صد وغطت وجها بيدها وقالت:بهاجج ياحمار سوت لثمتها وناظرت بهاج بحده ولفت راحت ل امها وجلست قالت:ماما ابي مويا عطتها ام سطام مويا واخذتها وقامت وصلت عند بهاج ورمتها عليه اللي للحين واقف بمكانه من الصدمه اللي جاته ورجعت عند امها وجاء بهاج وقال كيف نقزتي من فوقه لو انا كان شفتيني جنب الجدار كلي دم
ضحكت رزان وقالت:انا متدربه على نياق ماتبيني افوز ب خيل لو انك منتبه لي كان عرفت رح شف شنطتي كلها جوائز
جاء سطام وقال:حييي اختي اللي بغت تموت قبل شوي رمت عليه المويا اللي بيد بهاج وقالت اتحداك اذا سويت زيي اعطيك اللي تبيه
سطام:تبيني اموت خليني عند ابوي احسن
رزان قالت:بهاج بنام بغرفتك قبل اذان المغرب قومني
بهاج:تمام
كانو الكل منصدمين للحين وماقالو شي قالت رزان:ايش فيه وش فيكم تناظرون كذا ترا مامت للحين ضحك بهاج وقال:مالومهم بغت تجين جلطه قبل شوي ياويل حالي صدق
ضحكت رزان ورمت مفتاح سيارتها على جبهته وفز بهاج من الضربه وقال:وجع ذا مفتاح ولا حجر
رزان: اذكر الله يابهيمه
بهاج:يعني انتي رميتيه
رزان:ايه انا عندك شي
بهاج:اي بالله عندي بقوم اصفقك قام بهاج وركض وراها قالت رزان:بنت ابوي والله ماتمسكني وراحت تركض باسرع شي وتوزت (تخبت او اندست) ورا ابوها وقالت:يبه انا فوجهك من الجني ذا
بهاج:يعني اذا جيتي ورا ابوي مابضربك
رزان:ماتقدر
بهاج: خلاص اجل غرفتي ماتدخلينها فزت رزان وضربت كتفه وراحت تركض ودخلت بيت الجد بهاج قال:اخو محمد تضرب مرا ثانيه وراح يركض وراها والكل يضحك عليهم دخلت رزان غرفه بهاج وقفلت الباب وشغلت المكيف وانسدحت على السرير وبهاج يدق الباب ونزل وراح عند الدريشه ورما حجر وطق بالدريشه وفتحت رزان وقالت:خل محمد ينفعك شف تعزويت به ومنسدح على رجل امي وبعدين انت وين رباعي الفلس حقك ورا ماتنقلع معهم اختك توها جايه من المطار ابي انام دز امها
بهاج:يالراديو افتحي باب غرفتي ل اكسره فوق راسك
رزان:كانك ولد تركي اكسره عشان جدي يكسر عصاته فوق راسك ذا الدائري تقول كفر سياره ضحك الكل على ذبتها وهي قفلت الشباك وجلس بهاج بقهر جنب امه وضرب راس محمد وقال محمد:وجعععع يابهيمه راسي بعد مرور ساعات قام بهاج وطلع يصحي رزان ومسلط معه كان يحسب رزان قبل ماتفك بتحط شي على وجها دق الباب وقامت وفكت الباب وكانت حتى وهي نايمه حلوه صد مسلط وهي قفلت الباب بقوه بوجيهم لدرجه فزو من مكانهم وقال بهاج:وجععع بدلت ملابسها ولبست عبايتها وسوت لثمتها ونزلت ونزلو بعدها بهاج ومسلط
قال محمد:صحت الدنيا صحت الحياه صحيت انا اررررحبي مليونن ابتسمت وقالت: السلام عليكم ردو السلام وهي مشت وباست راسه وجلست جنبه وقالت:من يرحب يبقى وسكتت شوي وبعدين قالت:بهاج وين مفتاح سيارتي اللي رميته عليك
بهاج: ومعترفه بعد يبه ترا بقتلها ضحكت رزان وقالت اخلص جيبه بس
بهاج:لا ماعندنا بنات يسوقون
رزان:يبه شف بهاج خله يجيبه
ابو سطام:بهاج عطها المفتاح حقها
بهاج:ابشر عطاها المفتاح وقالت:يبه ترا بروح ل المول ابي اغراض ونجد ولجين واديم بيجون معي
ابو سطام:والبنات الباقين
البنات:مانبي ياعمي
ابو سطام:اجل خلاص روحو
بهاج:لا ماتروحون
رزان:غصبن عنك انت ووجهك المربع
بهاج:دقيقه الحين انا وش سويت ليه تذبين علي
رزان:ارجع ل نفسك وتاكد تمام وغمزت له اما عند مسلط اللي ذاب من الغمزه لانه كان جنب بهاج وشافها حطت نقابها وركبت سيارتها وقعدت تستنى لجين ونجد واديم جو وركبو معها قالت:اخيرا مشت ووصلو المول واشترو كل شي يبونه ونجد اشترت كل شي لعرسها ولكل شي من المهر اللي ارسله لها بهاج على حسابها وخلصو كل شي بعد خمسه ساعات دق بهاج على رزان وقال لها يرجعون البيت لان بيحطون العشا اخذو مشروباتهم من دانكن وركبو السياره ورجعو ل بيت الجد ونزلو اشرت نجد بيدها ل عزوز وجاها قال: هلا
نجد:عزوز اغراضي كثير بالسياره ابي انزلها ببيتنا
عزوز:ابشري قال ل رزان تجي جت وقالت:هلا عزوز قال:رزان عادي تودين سيارتك عند بيتنا بنزل اغراض نجد
رزان:ابشر
ركبت السياره ووقفتها عند بيت عمها عبدالله ونزلو كل الاغراض ورجعو ل بيت الجد كانت كل البيوت جنب بعض رجعو وجلسو تعشو وبعد ماجلسو اشر بهاج ل نجد انه بيقوم ويبيها تلحقه وسوت بيدها كذا👍يعني تمام قام وراح لغرفته وبعد ١٠ دقايق قامت نجد بعد ماقالت ل امها انها بتروح الحمام
ودخلت بيت الجد وراحت تركض لغرفه بهاج دخلت وقالت:بهاج وينك
قال:هينا ياعيونه شافته جالس بالارض على جواله وجت جلست جنبه وقالت:لبيه
بهاج:لباك اسمعي زواجنا الاسبوع الجاي
نجد:بهاج بدريي
بهاج: ياروحه مو بدري انا ابيتس ببيتي عندي جهزتي كل شي صح
نجد:اي جاهزه
بهاج:اجل الزواج الجمعه
نجد:تمام قربت منه وانسدحت بحضنه قالت تعبت كله منك
بهاج:وانا شدخلني
نجد:مادري وبعدين خالتك متى بتروح غثيثه هي وبناتها
بهاج ضحك وقال:للحين غيرانه من نور
نجد:ايوا تقهر
بهاج:بتنامين بحضني
نجد:لا
بهاج:ترا نور بتنام هينا يمكن تجي وتحضن
نجد:خلاص سد حلقك بنام بس بقول ل امي
بهاج:تمم
دقت على امها وقالت لها انها بتنام عند رزان ووافقت وبهاج قال ل الجد ان بيخلي زواجه الجمعه وافق الجد وقال لهم بعدين قال:خلاص يلا نوم كل واحد ل فراشه
الكل ابشر فوق ب غرفه بهاج نجد اللي نايمه جنبه وهو قاعد يسوي شغله خلص بعد ماطلب من دوامه شهرين اجازه وعطوه انسدح وحط يده على خصر نجد وقربها منه ونام
والكل نام ببيت الجد الساعه ٢ نجد كانت صاحيه وبهاج نايم شافت الباب ينفتح وغمضت عيونها تمثل النوم وفتحت عيونها بشويش شافت نور تقرب من بهاج وتحضنه نجد اللي انقهرت وشدت شعرها وقام بهاج من صرخت نور وقال:انتي وش تسوين هينا
نور:بهاجي شف ذي المجنونه سحبتها نجد وفكت الباب ودفتها برا وقفلته وجلست على الكنب تبكي جاء بهاج وجلس جنبها وقال: نجد وش فيتس ليه تبكين
نجد: انقلعع عني عجبك اللي سوته
بهاج:لا انا احبتس انتي مو هي افهمي قومي تعالي قامت وانسدحت على السرير وانسدح على الكنب ونامت على السرير وهو بعدها على طول بعد ماقفل الباب ونامو''''''

اتمنى البارت عجبكم لاتنسون النجمه 🤍