ماسامح النسخ او الاقتباس
في الديره تحديدآ "الباطن" كان معروف باهل الديره بطيبتهم ونقاء قلوبهم
طلعت من البيت بعد م امها قالت لها جدها يبغاها راحت وهي كالعاده تمر دكان عمها تاخذ شاهي لها ولجدها وصلت عند دكان جده
نجد:السلام عليكم
الجد خالد:وعليكم السلام ياهلا ببنتي تعالي يابوك تعالي جت نجد وجلست جنب جدها وقعدت تسولف مع جدها بعد ماخلصو قامت بتروح بيتهم كانت طالعه الا ويجي واحد يركض دخل الدكان وصفق فيها وطاحت طرحتها وناضر فيها وبعدين صد
بهاج:اسف
نجد:عادي ماصار شي وراحت بيتهم وراح بهاج يركض للجد خالد بهاج:السلام عليكم
الجد خالد:وعليكم السلام تعال ياولدي
بهاج:جدي مين ذي اللي كانت تسولف معك
الجد خالد:ياولدي ذي نجد بنت عمك عبدالله ليه في شي
بهاج:لالا بس اسال جيت اعطيك المفتاح حق المزرعه بس وانا بروح دوامي مع السلامه
الجد خالد:استودعناك الله ياولدي بحفظ الرحمن طلع من عند جده وركب سيارته متوجه للمركز
عند نجد دخلت البيت وهي مروقه وجلست عند امها وابوها بالصاله
ابو هايف:يانجد
نجد:سم يبه
ابو هايف:يابنتي سوي قهوه وكلمي اخوانك وتعالو
نجد:ابشر يبه
راحت تسوي القهوه وخلصت تركتها بالمطبخ وراحت تنادي اخوانها دقت باب غرفه اخوانها هايف وعبدالعزيز نجد:هايف هايف عزوز وينكم ابوي يانديكم
هايف:لبيه نجوده ادخلي دخلت نجد وشافت عبدالعزيز نايم وراحت تصحيه نجد:عزوز عزوز قم يلا ابوي يناديك
عزوز:همم دقيقه ابي انام
نجد: عزوز قم ابوي يبيك يلا نجد شافت عبدالعزيز ماقام اخذت الماء وكبته فوق عبدالعزيز قام عبدالعزيز مفجوع
عبدالعزيز: نجددددددد ياحيوانه وش سويتي نجد وهي تضحك عليه
نجد:هههههههههههههههه قوم يلا ابوي يبيك
عبدالعزيز :طيب يلا قمت قام ودخل الحمام(يكرم القارئ)توضى وصلى ونزل ل ابوه وشاف اخوه واخواته جالسين ودخل
عبدالعزيز:السلام عليكم
الكل:وعليكم السلام
نجد:عزوز تبي قهوه
عبدالعزيز:اي صبت له نجد وجلسو يسولفون
نروح عند مكان ثاني بيت محسن تحديدآ المطبخ
اديم تسوي العشاء وهي مروقه وامها تسوي سلطه دخل مطلق عليهم
مطلق: صبحهم بتلرضا والسرور سلم على راس امه وباس راس امه واخته ودخل بعده سلطان وباس راس امه واخته
سلطان :اوهه ريحت العشاء تجيبك من اخر الشارع يسلم ايديكم يالبيه
مطلق:اي انت ماهمك غير بطنك بس تاكل ضربه سلطان على كتفه
سلطان:وجعع قول ماشاءالله يالخايس
اديم:هههههه كلكم جاين عشان العشاء مب عشاننا انا وامي
مطلق:يالكذابه انا جاي عشانكم واصلا بروح بيت جدي جدي تبيني اذا استواء العشاء اتصلوو علي لاتخلصونه لان عارف سلطان مشفوح ياكله كله
سلطان:مطلق وربي ماخلي لك يالخايس وش مسويلك انا
نروح عند بيت محمد تحديدآ الصاله الكل مجتمع فيها على القهوه والشاهي مو ناقص بينهم الا بهاج اللي بدوامه
لجين:اهخ ياربي بكرا الثلاثاء وعلي اختبار كيمياء
ريتال:ياربيي انا علي انجليزي اخس ماده بالعالم
لجين :لا حرام عليك الانجليزي سهل ويجنن
ريتال:وععع اكره ماده
محمد:اصصص يارجه انتي وياها لو قمت لكم صفقتكم
سطام:يبه كلم جدي نبي بكرا نروح المزرعه
ابو سطام:ان شاءالله ياولدي بكلمه اليوم
لجين وريتال:يسسسس بنروح المزرعههه واخيرا
ابو سطام:خلاص الحين نوم كل واحد يروح غرفته وانت ياسطام كلم اخوتس قل له ياخذ اجازه من دوامه
سطام:ان شاءالله يبه راح سطام ودق على بهاج
بهاج :هلا سطام
سطام :هلابك بس ابوي يقول لك خذ اجازه من دوامك لان بكرا بنروح المزرعه
بهاج :ان شاءالله بكلم الفريق اليوم واقول له
سطام:طيب خلاص ابوي يقول ارقدو عشان نقوم بدري وانت اذا جيت ارقد عندنا مو تروح تنام ببيت جدي هينا بيتك مو ببيت جدي
بهاج:لا بنام ببيت جدي اصلا جدي قايل لي انام عندهم وانا واعده وجدتي بعد تبيني انام عندهم
سطام:طيب دز امها يلا بنام
بهاج :دز امها انت عندي مداهمه مع السلامه
سطام:مع السلامه بحفظ الرحمن انتبه لنفسك وانا اخوك
رجع بهاج من دوامه ودخل بيت جده ودخل غرفته وبدل ونام ونامو الكل
انتهى البارت اتمنى يكون عجبكم لاتنسون النجمه 🤍
YOU ARE READING
(وتظله من الشمس في ظل الجفون)
Historical Fictionالكاتبه: ريتال اول روايه لي (وتظله من الشمس في ظل الجفون)
