(وتظله من الشمس في ظل الجفون)

بارت《 8 》

من بكرا الصباح كان بهاج يسوي الفطور والكل جالس بالجلسه الكبيره قام بهاج وجلس يكلم مسلط ورعد بالجوال وهم على الطريق جايين ل المخيم دخلو وفز بهاج ووقف عندهم وهو يضحك طقه مسلط بشويش وقال:انت متى بتهجد ها
بهاج:اذا التعب بيجيني منكم فدا عادي امشو امشو مسوي لكم كبده
مسلط:مفطرين
بهاج:اعقب انا وش قايل لكم ها
مسلط:والله انقلع كل مع اهلك واحنا بننتظرك عند الاسطبل
بهاج بزعل:انقلع من وجهي
سلمان حضن بهاج وقال:يابهيج انت مع اهلك افطرو وحنا بنحتريك عند الاسطبل
بهاج:بس انا قلت لكم اني مسوي فطور لكم تعالو افطرو معي رحتو فطرتو وخليتوني
رعد:خلاص وعد المره الجايه رح افطر
بهاج:ماباه
مسلط: ابك دامك ماتباه علامك علاه رح اكل وتعال
بهاج:مابي امشو هايف افطرو ماعليكم مني
مسلط:والله انك تعقب انقلع اكل ولا والله ي بهاج اننا نرجع محلنا
بهاج بصوت عالي:مابغى بكيفي انقلعو من وجهي وراح يمشي وهو زعلان من مسلط ركض مسلط وحضنه وباس راسه وقال:خلاص اسف اسف والله ماكان قصدي بس اني ابيك تاكل عشان تاخذ ادويتك تكفى يابهاج
بهاج:ابعد عني
مسلط: تزعل مني يابهيج خلاص يعني ماتبيني ارجع شقتي وترا بعود الجنوب عند جدتي صح ان اهلي توفو بس عندي جدتي بروح عندها وماعاد تشوف وجهي تبيها كذا صح خلاص اجلس انت ورعد وسلمان انا بمشي والله يوفقك صد مسلط وراح بيمشي ل الجنوب وقف عند باب سيارته يوم جاء بهاج يركض فتح الباب وجاء بيركب الا ويسحبه بهاج وحضنه وهو يقول والله ماتروح والله اموت نفسي مسلط تكفى الا انت ورعد وسلمان انا من بعدكم ماعرف شي تكفى مسلط اللي شاف دموع بهاج ومسك كتف بهاج بهدؤ وقال:بهاج يابعد اهلي ليه تزعل ها عشان قلت لك اكل انا اقول لك اكل عشان تاخذ علاجك وقايل لك بتغدى معك لاكن مو كذا انت تعرف ان ولا انا اقدر اعيش بدونكم انت من يوم ابوي وامي توفو وانا ماعرف الا انتم الثلاث وجدتي ف عشان كذا ماقصدي شي بس جدتي بالمستشفى بعود الجنوب واجيكم بعد ماتطمن على جدتي
بهاج:بروح معك
مسلط:لا خلك عند اهلك انت خير شر تعبان ماراح تمسك خط من هينا ل الجنوب بالسياره عود ل اهلك انا اروح ل جدتي واعود
بهاج:والله العظيم ان اروح او تبقى معي مسلط اللي تنهد وقال:طيب انا جاهز باقي انت
بهاج:جاهز بس نتغدى مسلط اللي ماكان له نفس للفطور ولا ل الغداء
رعد:ي بهاج ترا سلوط مافطر ولا بيتغدى من الصبح وهو يهوجس ويفكر بجدته
طقه بهاج وقال:وتقول افطرت يالكلب ها
مسلط:مالي نفس يابهاج امش خل نمشي او بمشي والحقوني انتم سحبه بهاج وجلس بهاج وجلسه بجنبه وقال:ورع اجلس ولا تتحرك تفهم ولا والله ل اكلم لك ابوي
راح ووقف عند امه وقال يمه ابي فطور قالت ام سطام :بالمطبخ راح يركض ودخل وصدم ببنت ومن لمحها صد وقال:طريق
نجد:دقيقه
راحت ووقفت ورا الباب دخل بهاج وسوا شاهي وحط الفطور بصحن وراح يمشي وجلس جنب مسلط وحطه وقال يلا كل ولا ماني بماكل وانتم تعالو افطرو رعد وسلمان اللي كانو جالسين على جوالاتهم وقالو:افطرنا بس مسلط اللي ماكل مد يده وصب شاهي لهم وعطاهم ومسك الخبز ومده ل مسلط مسلط اللي اخذه بدون نفس وقرب بهاج الصحن منه وقال بحده:تبي احد ياكلك ي مسلط
مسلط:سد حلقك جالس اكل
بهاج ضحك وجلس ياكل خلصو وقام بهاج وعطا الصحن لجين وقال لها تجهز اغراضه عصب راسه بالغتره وجلس يسولف معهم والعيال جو وجلسو معهم بعد ساعتين حطو الغداء وتغدو وقام مسلط وقال:اكرمكم الله
وطلع وطلعو بعده بهاج ورعد وسلمان والكل جالس يناظر فيهم من يوم مادخلو الا يوم ماخرجو كانت ام سطام تشوف حنيه مسلط وتشوف كيف خايف على بهاج ويخلي بهاج ياخذ علاجه اول باول وهي تدري لو بهاج لحاله ماكان اهتم للعلاج اخذ شنطته من لجين وركب مكان السواق وجلس مسلط بالمعاون وركبو رعد وسلمان ورا وحركو بعد مرور الزمن وصلو الجنوب ودخلو المستشفى عم مسلط شاف مسلط وقال:انت وش جايبك ها مسلط اللي ماهتم لكلامه ومشى ل الدكتور بيتعداه لاكن عمه مسكه وكان بيضربه لو يد بهاج ماوقفته قال بهاج :يدك ماتنمد عشان ماكسرها مسلط اللي وقف قدام الدكتور وساله وقال ان حالتها مستقره ولاكن بالعنايه ماحد يقدر يدخل لها بالمخيم كانو يجهزون بيرجعون ل الباطن
الجد:يلا بنمشي اخلصو علينا
نجد:جدي
الجد: سمي يابنتي
نجد:لا ولاشي بس بجلس معك
الجد:تعالي تعالي
جت نجد وجلست جنبه وجلسو يسولفون الجد قال:نجد يابنتي شرايك ببهاج
نجد:صح مافيه شي بس نفسيه يعصب على كل شي
الجد:هو كذا يابنتي طيب لو مثلا جاء يوم وتقدم لك بتوافقين
نجد:لا مستحيل ماحبه
الجد:الحب يجي بعد الزواج عادي يابنتي زي انا وجدتك وامك وابوك زوجناهم غصب وشوفي الحين
نجد:لا انا مابي بهاج ولا ابي اتزوج
الجد:بس يابنتي الحين مو على كيف احد انتي كبرتي وصار لازم تكونين ببيت زوجك اذا تبين من برا واحد يجي يتقدم لتس ولا من العائله
نجد:من العائله اكيد ابي اكون مع البنات
الجد:طيب خذي بهاج والله انه حليل بس مايمون مع احد تشوفينه الحين مع اخوياه
نجد:جدي وش ببالك ليه فتحت موضوع الزواج
الجد:ابي اشوفكم متزوجين قبل اموت وابيك مع بهاج
نجد:بس ياجدي مابي انا بس بوافق عشانك واذا وافقت هو مابيوافق
يابنتي ماعليك من بهاج انا اكلمه واذا ماوافق اغصبه عادي
نجد:لا مانبي بالغصب بيكرهني يحسب انا قايله لك
الجد:ماعليك منه لو يسوي لك شي تعالي قولي لي واصلا بتعيشون عندي بجناحه مابسمح له يطلع
نجد:ابشر
الجد:بخليه يخطبك ويملك عليتس يوم الجمعه
نجد:جدييي اليوم السبت مافي غير ثمانيه ايام
الجد:عادي يابنتي جاء عببدالعزيز وقال:جدي خلصنا والكل مشو الا حنا بهاج بيجي بكرا يسلم المخيم وياخذ اغراضه مابقى الا اغراضه دق جوال الجد وكان بهاج ورد :هلا ياولدي بغيت شي
بهاج:اهلين ايه ابي عزوز اذا عندك مشيتو او لا
الجد: كلهم مشو الا انا وجدتك وعبدالعزيز
بهاج:اجل خل عزوز يروح ل صاحب المخيم ويمدده نبي اسبوع زياده لان مسلط بيجيب جدته ل بيشه يبيها تغير جو وكلم الاهل يرجعون
الجد:ابشر ابشر
قفل وكلم على الكل ورجعو ونزلو اغراضهم وقال ابو سطام: وش السالفه ليه مدد المخيم
الجد: يبي يغير جو مسلط هو وجدته والمشكله ان مسلط قايل له لا بس ذا الولد عنيد يبيها تجلس مع اهلنا بس ماعليه كلها اسبوع
ابو هايف:الله يوفقه ويسعده
الجد:امين امين صلحو الغداء تراهم بالطريق قام هايف وقال:عمي عادي تجي شوي بكلمك
ابو سطام:ابشر
قامو وخرج برا وتقدم هايف وباس راس عمه وقال:عمي والله اني اسف ماكان قصدي اصرخ عليك ذاك اليوم بس ماقدرت اتحكم بعصبيتي والله اني نادم تكفى سامحني حضنه ابو سطام وقال:عادي ياولدي معك حق ووالله اني مسامحك انت اللي خليتني احس على ولدي واحبه الله يوفقك ويسعدك وانا ابوك مابيننا اي شي تبيه تم والله
هايف:مابي شي غير رضاكم
دخلو وجلسو بعد ساعه من السواليف قال الجد: تركي وعبدالله تعالو ابي اكلمكم
ابو هايف:سم
ابو سطام:ابشر
دخلو للمجلس وقال الجد:اسمعو بدون مقاطعه انا ابي ازوج بهاج من نجد ونجد تدري ووافقت لاكن باقي بهاج وانا اعرف انه مابيوافق بس بقول له انا انتم عليكم تجهزون وبس
ابو هايف:كيف نجد تدري وموافقه من متى ذا
الجد يوم مشيتو جت جلست عندي وقلت لها انا ابي ازوجك اول شي رفضت وكانت رافضه بس قلت لها تستخير واذا حست بالراحه توافق وقالت ابشر وبعدين جت وقالت كوافقه وقلت لها اذا وافق بهاج بنسوي خطبه وملكه مع بعض يوم الجمعه
ابو هايف:انا اذا نجد موافقه موافق بس اهم شي ماتكون مغصوبه على الزواج بس مو كان بدري الجمعه
الجد:لالا مو بدري ولا شي انا ابي الملكه الجمعه والزواج بعد شهر قبل رمضان
ابو هايف:اجل الله يوفقهم
الجد:وش قلت ياتركي
ابو سطام:شورك وهدايه الله
الجد:اجل يوم يجي بهاج اكلمه
وقفو وطلعو برا المجلس وجلسو وجلسو يسولفون ودخلت سياره بهاج وبعده مسلط ونزلو سلمو وجلسو ودخلت الجده بعد ماجتها لجين ودخلو مع بعض والكل يسولف ويضحك حطو الغداء وتغدؤ مابقى شي على صلاه العصر قال الجد:بهاج
بهاج:لبيه
الجد:تعال عطني ادويتي بالمجلس الحين اجيك
بهاج:ابشر
قام وراح يجيب مويا وجلس يطلع ادويه الجد دخل الجد وجلس جنبه واخذ ادويته وقال:بهاج متى ودك تزوج
بهاج ب استغراب قال:ليه مو الحين تو عمري ٢٤
الجد:لو اقول لك تزوج نجد تتزوج
بهاج:نجد مين
الجد:بنت عمك
بهاج:جدي ليه تبيني اتزوجها
الجد:ابي اشوفك عريس واذا وافقت الملكه الجمعه
بهاج:لا مابي اتزوج ولا ابي نجد مابي اتزوج واذا على اذا وافقت ماراح املك الجمعه بدري
الجد:بهاج وافق بالطيب احسن لك
بهاج:ماني بورع انا تزوجوني على كيفكم مابي اتزوج خلاص فكوني ماتبوني اعيش معكم خلاص بترك لكم كل شي واعيش لحالي اذا انا مضيق عليكم ل هالكثر
الجد:بس انا ماقصدي كذا ماقلت انك مضيق علي بس ابي اشوفك معرس
بهاج:مابي اعرس انا ماجاء عمري ٢٥ عشان اعرس
الجد:مايهم العمر الحين انت جاهز ليه ماتتزوج
بهاج:مابي
الجد:غصبن عنك يابهاج غصب قلت لك وافق بالطيب وماتبي لاكن اذا ماتزوجت نجد والله ماتشوف امك بحياتك واننا ل نتبرى منك
بهاج اللي نزلت دموعه وقال:ياخي انتم وش تبون تبون موتي قولو جعلني اموت بالساعه ذي ليه تحبون تشوفوني متدمر ليه وش سويت لكم وش سويت عشان الله جابني عندكم الحمدلله ماقلنا شي لاكن مابي اتزوج ليه تغصبوني ليه ياخي ارحمو من ف الارض يرحمكم من ف السماء
الجد:بتتزوج والملكه الجمعه والزواج بعدها ب اسبوعين وقلت اللي عندي خرج بهاج وهو معصب وفك الباب حق المخيم بيطلع لحقه مسلط يركض ووقفه وقال:بجي معك وبسوق انا
بهاج: امش
مشو ووقفو عند البر وجلسو ومسلط جلس يسوي شاهي وبهاج يفضفض له بهاج:مسلط تخيل بيزوجوني مغصوب ياخي انا وش مسوي بحياتي اهخخ قايل لهم مابي اتزوج الا اذا عمري جاء ٢٩ والحين بيزوجوني غصب ومتشاورين وموافقين ومخلين الملكه الجمعه وانا اخر من يدري مابغى اتزوج ياخي ابي اعيش اسبوع بس بسلام اسبوع بسعاده لاكن ويني وين السعاده اه احس جوتي نار مسلط اللي كان مكلم هايف اللي كانو الكل جالسين جنبه والكل يسمع لان حاط سبيكر وبهاج كان يتكلم ومو منتبه
بهاج:ياخي اتمنى اني اموت صرت ادعي اموت اليوم قبل بكرا ليه انا الوحيد اللي ماشاف السعاده من يوم وهو صغير اهخخ ياربب
مسلط:بهاج مايصير كذا مايصلح وانا اخوك تمني الموت لو انك تعبت من الحياه مايجوز حرام
بهاج:الله لايذوق احد الحياه اللي انا فيها لو اني مت بالحادث اللي سويته ولا انقذني الكايد والله احسن انا ليه اعيش وماحد يبيني تخيل اني مضيق عليهم عيشتهم حتى جدي اللي كنت اعتبره بمحل ابوي طلع يكرهني ويحاول يزوجني عشان ماعيش عندهم ويبعدني تخيل يهددني ب امي يقول يبي يحرمني منها اذا ماوافقت
اه اه والله ماحد يلومني اذا تمنيت الموت
مسلط:الله يعين
بهاج:ابك صرت اشك اني مو ولدهم والله انهم حسسوني انهم ماخذيني من الشارع ومربيني حسبي الله بس انا مادري وش الذنب اللي مسويه عشان ربي مايذوقني طعم السعاده
مسلط اللي ناسي جواله واتصال هايف اللي الكل يسمعون سواليفهم
مسلط:والله ماشفنا منك الا كل خير والذنوب ماعندك ذنوب وانت محافظ على الصلاه وماتكذب ومرضي امك وابوك وكل يوم تاخذ كراتين مويا تحطها بالمسجد وتاخذ اكل ومويا ولبن وتوزع على العمال اللي بالشارع تذكر يوم مره اخذت اغراض حاسبت عليها ب خمس الاف وعطيتها العائله هذيك ومشتري بيت ملك عشان يعيشون فيه ولا اخذت منهم ريال انت كل يوم تاخذ اجر مو ذنب انت كل اسبوع تشتري لهم ملابس واكل واغراض للبيت وتعطيهم كل شهر الف وخمس ميه انت سبب سعاده ذي العائله يابهاج يوم رحت معك عندهم كانت الام قاعده تدعي لك والابو نفس الشي وكلهم يدعون لك
بهاج:والله يوم اشوف دحوم يضحك انه يسوى الدنيا عندي ومافيها احسهم اخوني ريم اللي تجي تركض عندي يوم اجيب لها العاب ويوم اوديهم المدرسه كل يوم اتاخر عن دوامي عشانهم والله ان يوم اشوفهم يضحكون اني ابتسم بدون شعور احسهم اخوني اللي ماجابوهم اهلي ريم ودحوم كل ماخذتهم للملاهي او المول انهم يجون يتعلقون برقبتي ويضحكون ويلعبون تخبر سيارتي ذيك اللي قلت اني بعتها عطيتها ابوهم وشغلته عندي بشركه العطور حقتي اللي ماحد يدري عنها الا انت ورعد وسلوم لاكن والله اني يوم العب معهم ذول الاثنين ونروح ل اي مكان يبونه اهخخ بس ودي اروح عند دحوم العب معه سوني وتجي ريم لي وتقول لي بهاج لعبتي انكسرت تعرف تصلحها ونروح سوا انا وهي ودحوم اجيب لهم العاب جديده اه ابيهممم الحيننن
مسلط:ابي العب مع دحوم بتحداه بالسوني
بهاج:علي الحرام ان يفوز عليك فاز علي انا
مسلط:اهخخ يطيب قلبك يابهاج كانك عوض لهم امش نروح لهم
بهاج اللي فز وضحك قال:تمممم
مسلط:وش فيك تضحك
بهاج:ابي اسوي مقلب ب ريم امش بسوي يعني يدي مكسوره اشوف تبكي علي ولا لا
مسلط:ابك عمرها خمس سنوات اكيد بتبكي ماغير بتخرعها
بهاج:امش بس ركبو السياره ومشى بهاج وجوال مسلط الاتصال للحين مانتبه له وكان هايف فاتح الخط والكل يسمعونهم ووقف بهاج عند البيت قال مسلط:بهاج انت مشتري بيت جديد
بهاج:ايه ذاك البيت ماعجبني واشتريت لهم ذا وخليتهم ياختارون التاثيث بنفسهم
مسلط:ابك انت تشرب فلوس مشتري فله
بهاج:اهم شي ينبسطون تعال الحين يفتح لك دحوميي
دق الباب وجاء يركض دحوم وفتح الباب وقال: بهاجججج هيييي بهاج جانا ضحك بهاج ونزل له وحضنه وقال:جيتك يابعد اهل بهاج وين ريم
دحوم:نايمه عند المسبح كانت تلعب ونامت من كثر ماتعبت بهاج:تعال تعال نسوي فيها مقلب ان يدي مكسوره
دحوم:لا اختي بتبكي
بهاج:يازين اللي يدافع عن اخته بس مقلب بسيط
دحوم:تم بس اذا بكت ياويلك مني
ضحك بهاج وراح ل ريم وجلس جنبها ودحوم اللي حضن مسلط وسحبه معه عند بهاج ريم اللي بهاج رش عليها مويا وصحت وقالت:بهاجججج
بهاج:يالبيههه صحت الدنيا
جت بتحضنه بس انتبهت ل يده ودمعت وقالت:بهاج وش ذا من ايش ليه بهاج:يدي انكسرت كله من مسلط
مسلط:كذابببب
ضحك بهاج وحضنها وقال:مقلب فيك ياحلوه ليه بكيتي علي وانا ماقرب لك بس اجيكم والعبكم
ريم:انت مثل دحوم يعني اخوي الثاني
بهاج:وييي بكلها يناس ياحظيي كان بكون اخوتس
ريم ضحكت وقالت:بهاج ترا اعرف انك جايب شي لاكن والله لو غالي ل اضربك بعقال بابا
بهاج:افا ماجبت شي غالي لاتخافين بس اسكريم وبطاطس وعصير لك ول دحومي
ريم:وانت ماراح تاكل معنا زي كل مره
بهاج:وانا اخوتس اكلت
مسلط:ريومم ترا بهاج كان يبكي شهقت ريم ولفت على بهاج بهاج: كذابب مابكيت
ريم:بهاج انت تبكي انت المفروض بس تضحك ماتبكي
بهاج:مسلط طقني ريم وهي تمثل العصبيه قامت بتطق مسلط لاكن بهاج شالها ورفعها فوق وقال:امزح معتس وبعدين منو معلمك التعصيبه ذي هههههههه
ريم: انت يوم عصبت قبل على حق البقاله هههه كنت معصب وشوي وتطق حق البقاله لو مو بابا مسك
بهاج:صح وين بابا سعد
ريم:المفروض الحين يجي من دوامه بس ماجاء
سعد: جيت وانا ابوتس حياكم الله
بهاج بابتسامه:الله يحيك
سعد:وش هالساعه المباركه اللي خلتك تجينا
بهاج:والله الشوق جابني ضحك سعد وكمل بهاج عادي يجون معي دحوم وريم بوديهم للحديقه
سعد:تقهوى طيب
بهاج:متقهوي ماعليك انت ريح ولاتشيل هم
سعد:مو لازم تستاذن ياولدي بحسبت اخوانك ومامعي خوف عليهم وهم معك تقدم بهاج وسلم على راسه وقال:الله يطول بعمرك ويحفظك
سعد:امين وياك
رن جوال مسلط وانتبه ان هايف كان داق عليه وقفل على طول ورد على جدته وقال لها شوي ويجون
بعد مرور الزمن بهاج رجع ريم ودحوم لبيتهم وعودو للمخيم بعد ما سعد قال له يوافق يمكن خيره له وقال له تزوج الحين لو عشان خاطرهم بعدين طلقها واقتنع ووصلو ونزل سلم على راس جده وهمس ب اذنه انه موافق وصد وجلس جنب مسلط وجلس يطقطق بجواله يكلم رعد وسلمان وضحك اما نجد اللي حست بقلبها زي النار يوم شافته يضحك وهو على جواله ويرسل تحسبه يكلم بنت قال الجد:بهاج انت عندك شركه ناظره بهاج ب استغراب وصدمه وقال بعدم استيعاب:ها كيف عرفتو
لف على مسلط ومسلط قال:والله ماقلت ل احد
الجد:انا عرفت ماحد قال لي
بهاج ناظره بهدؤ وقال:اي عندي ليه
الجد:ولا شي بس اسال دق سعد على مسلط وقال له لان بهاج ماردعليه وقال مسلط:بهاج ريم بالمستشفى قوم قال بهاج:تكذب صح توني رادهم البيت مسرع تعبت
مسلط:ابك واقسم بالله تو سعد داق علي يقول غرقت بالمسبح يقول ادق على بهاج مايرد فز يركض هو ومسلط وركب سيارته وحرك مسرع من عندهم
نياف:الله واكبر وهذا مايعرفها قام يركض كذا حتى حذيانه نساها كيف لو اخته صدق
هايف:اسكت انت
الجده:الله يقومها بالسلامه
الكل:امين
عند بهاج اللي وصلو ونزل وشاف سعد واقف مبتسم مع الدكتور وقال: وش فيها
سعد:الحمدلله صحت قبل شوي
تنهد بهاج براحه وقرب سعد يحضنه وقال:انا اسف من التوتر دقيت عليك حتى مامداك ترتاح
بهاج:مابيننا بحسبه اختي
دخل عندهها الغرفه وحضنها بقوه وقال:ريم ليه تخوفيني عليك
ريم:انت ليه جيت مو قلت بتروح عن امك ليه رجعت بالطريق
بهاج:كل شي يهون لعيونتس لو ارجع من المريخ
جبتلك هديه كبيره دخل مسلط معه ورد ودب كبير لونه وردي وعروسه لعبه
ريم:الله بهاج مره حلو شكراا مره
بهاج:المحل كله يفداتس يعيون بهاج انا الحين بروح عند امي وانتبهي لنفسك ولدحوم وخلي ماما تقفل الباب حق المسبح طيب
ريم:طيب
خرج بهاج ومسلط معه ومشو بعد مرور الوقت وصلو ونزلو وجلسو بهدؤ وبهاج باله مع ريم وقال بهمس لمسلط خلك هينا بدق على سعد واجي
مسلط: طمني
بهاج: ابشر كانو يسولفون وبهاج دق تطمن وعود عند مسلط قال الجد: مين ريم يابهاج
استغرب بهاج من سواله وقال: لهدرجه بس للأسف مو نفس اللي ببالك اختي اللي ماجابتها امي وعمرها خمس سنوات وسعد ابوها واخوها عبدالرحمن خلاص
الجد:منين تعرفهم انت
بهاج:مو تحقيق خلاص في خصوصيه
ابو سطام بحده:بهاج
بهاج:ابشر
الجد:ترا ملكت بهاج الجمعه من بنت عمه نجد كشر بهاج وصد وناظر بالجد وقال:ترا يوم السبت عندي مداهمه اربع شهور
الجد:اجل نخلي الزواج مع الملكه
بهاج:لا الزواج بعد مارجع زواجي وانا اللي احدده
ابو سطام:بهاج
بهاج:قلت اللي عندي تبون تسونه يوم اجي سووه ماتبون تسونه ابركها من ساعه ولجين جهزي اغراضي هذا الكلام اللي عندي
بعد مرور الايام يوم الجمعه
لقاء بهاج&ونجد
بعد صلاه الجمعه رجعو للمخيم وجلسو يسولفون ويتقهون بهاج اللي كان يهوجس ومايدري عن احد لو احد يكلمه مانتبه له كان يهوجس بزواجه اليوم بملك عليها واذا تزوجت وربي ماعتبرها زوجتي مابي اشوف وجها تعيش ببيت جدي لاكن انا مابعيش معها بتكون على ذمتي الين ماطلقها زي ماقال سعد
الجد:بهاج بهاج بهاجج
فز بهاج بخرعه وقال: سم
الجد:كلمت الشيخ
بهاج:ايوا بيجي المغرب
الجد: طيب
مع مرور الوقت بعد صلاه المغرب الكل بالمجلس قال الشيخ:العريس يجي على يميني وابو البنت يتفضل على يساري قام بهاج وجلس يمين الشيخ وبالفعل ابو هايف جلس يسار الشيخ قال الشيخ:وين الشهود قال ابو سطام: انا وسطام
ابو رابح: انا وابوي بدأ
الشيخ يلقى خطبه النكاح:
إن الحمدلله نحمده ونستعينه ونستغفره ونعوذ ب الله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له،وأشهد أن لا إله إلا الله وحده لاشريك له وأشهد أن محمد عبده ورسوله