عدل جلسته بذهول ونطق: عيدي عيدي
ضحكت بخجل من صدمته وسكتت، ابتسم بهدوء
من عرف انها خجلت ، نطقت بهمس: تصبح على خير
قفلت قبل تسمع رده ، عضّت شفتها بخجل
ابتسمت من ليلتهم الجميلة
__
«الصباح ، الجامعة»
دخلت الكفتيريا وهي تدورهم مشت لهم من شافتهم جالسين بالزاوية قربت منهم ونطقت: صباح الخير
الكل: صباح النور
جلست معاهم ، ضحكت من شافت ريم مكشره
وهي تسمع هواش هيام ، نطقت ريم بملل: هيام خلاص فهمت والله بس اسكتي
نطقت تغير الموضوع: نطلع نتغدا شوي؟
رتيل: ما عندي مشكلة
ساره: خلاص نخلص و نطلع سوا كلنا
__
«المستشفى»
كانت واقفه عند الشباك تتأمل الشارع اللي قدامها
وهي تنتظر قهوتها تجي سمعت صوت الباب ونطقت بدون لا تلف: تعالي
عقدت حاجبها من حست بيد تلتف حول خصرها
لفت راسها و شافته بوجهها و بيده قهوتها ، انحنى وهو يقبّل خدها ونطق: كيفها حبيبة سلطان؟
صدت بخجل ونطقت بهمس: بخير
ابتسم لخجلها وهو يمد لها كوب قهوتها ، اخذته من يده وهي تشرب منها
جلست على الأريكة الموجودة بمكتبها نزلت كوبها
من شربت نصه اخذ الكوب وهو يشرب منه و من نفس المكان اللي شربت منه ، صدت عنه وهي تضحك من تصرفاته ونطقت: ما عندك دوام؟
هز راسه ونطق: عندي بس قلبي جابني لين هنا
ناظرها وهي تشوف الساعه كم ونطق باستغراب: عندك شيء؟
هزت راسها ونطقت: عندي موعد
سلطان: موعد ايش؟
أليس: بالمستشفى
سلطان: هنا!
أليس: لا مستشفى ثاني
سلطان باستغراب: تروحين للمرضى بمستشفى ثاني؟
أليس: لا انا رايحه اراجع هناك
قرب منها ونطق: ليش شفيك؟
أليس: ما فيني شيء بس كشف على اسناني
هز راسه و نطق: تمام انا طالع تبين شيء؟
أليس: سلامتك
__
«بيت إبراهيم»
فيصل: ليش ما تطلعين معاي ؟
ريناد: توي صحيت تبي اطلع الحين مستحيل؟
فيصل: بسم الله عليك صاحيه لك ساعتين وشو توي صحيت
ريناد: فيصل روح وانا شوي اجي
فيصل: اذا جات ٩ ما جيتي ياويلك مني
رمقته بنظره و طلعت لغرفتها
__
«المركز»
دخل مكتبه و عقد حاجبه من دخلوا فهيد و جسّار
نطق: شفيكم صاير شيء ؟
فهيد بتوتر: جات رساله جديده
سلطان: ايش قال ذي المره؟
فهيد ناظر جسّار يبيه يتكلم نطق جسّار بهدوء: يهدد
سلطان: بمين؟
جسّار: ما حدد بس كان قاصدك بالتهديد يعني اهلك
رفع حاجبه بغضب ونطق: ذا يبي الحرب معاي انا
يبشر بها
__
« عند أليس »
طلعت من المستشفى وهي تكلم ريناد اللي تعاتبها انها ما قالت لها عن الخطبة نطق: والله صار كل شيء فجأة
ريناد: حتى ولو
أليس: ايش يرضيك الحين؟
ريناد: تجين تنقذيني من الشركة
ضحكت بعّلو صوتها ونطقت: من عيوني بس بعدها بنزلك البيت
نطقت بملل: ليش؟
أليس بتعب: والله تعبانه بنام
__
«شركة آلـ إبراهيم»
دخلت الشركة و اتجهت لمكتب ابوها دقت الباب ودخلت ، ابتسم من شافها ونطق: ياهلا بحبيبة ابوها
ابتسمت و نزلت شنطتها على مكتبه ونطقت: ابي اطلب طلب
ضحك ونطق: يعني مو جايه عشاني اطلبي اطلبي
أليس: ابي اطلع ريناد
احمد: يابنتي خليها تكمل يوم واحد بس بالشركة
أليس: بابا امانه ابيها ضروري
تنهد و قال: خلاص طلعيها
ابتسمت و قربت وهي تقبّل خده ، مدت يدها وهي تاخذ شنطتها وتطلع
__
«بيت خالد»
دخلت هيام و شافت امها جالسه بالصالة قربت: مساء الخير
هيا: مساء النور ، غريبه طولتي اليوم!
هيام: طلعنا نتغدا انا و البنات
هزت راسها بفهم وهي تشرب من فنجالها ، ناظرت امها ونطقت: ما فيه احد غيرك؟
هيا: اخوك موجود بس من جاء وهو معصب و قال لا احد يجيني
-
"غرفة سلطان"
طلع من الحمام وهو ماخذ شاور يهديه شوي
زفر بغضب من تذكر الرساله اللي جاته قبل ما يطلع من المركز " سمعت انك خطبت " هو يعرف مين صاحب الرساله ، عضّ شفته من فهم الرساله وانه يهدد فيها سحب جواله وهو يرسل لها " اذا صاحيه باتصل"
اتصل من فتحت الرساله ولا ردت ، ردت على مكالمته وهي ساكته ، تنهد بضيق ونطقت بعد صمت: فيك شيء!
سلطان: لا
أليس: احسك مو على بعضك
ابتسم من حست بضيقته ونطق: من الشغل
أليس: متاكد؟
سلطان: اي ، ابي اكلمك بموضوع
أليس: ايش !
سلطان: من اليوم انتبهي لنفسك إي شخص غريب
تشوفينه يلاحقك اتصلي عليّ او على اخوانك تمام؟
أليس بقلق: ليش ايش صاير سلطان؟
سلطان: مو صاير شيء ياروح سلطان بس انتبهي
سكت من حست انه ما يبي يقول لها
نطق يغير الموضوع: تفطرين معاي بكرا؟
أليس: وين؟
سلطان: المكان اللي تبينه
أليس: تمام
سلطان: فيه مكان معين تبين تروحين له؟
أليس: لا شوف انت مكان و ارسل لي
سلطان: ابشري ياروح سلطان ، تبين شيء ؟
أليس: سلامتك
__
«بيت سعد»
دخلت عليها امها وجلست تناظر فستان بنتها ونطقت: خلصتي من كل شيء ترا ما بقى الا يومين
إيلاف: اي خلصت
فايزه: جهزي اغراضك من الحين عشان ما تنسين شيء
إيلاف: جهزتها و بكرا بنروح ننام بالفندق اللي فيه القاعه
فايزه: مين معاك؟
إيلاف: كلنا
هزت راسها بفهم و طلعت تتركها تنام
__
«بيت فهد»
نزلت جود شافتهم جالسين بالصالة ونطقت: صباح الخير
الكل: صباح النور
جلست معاهم ونطقت فاطمة: شفيك يمه ما أفطرتي اليوم
جود: مو مشتهيه
فاطمة: لازم تاكلين انتي الحين تاكلين عن روحين
تنهدت و نطقت: والله ما اشتهي
فاطمة: ما عليه تحملي ، عرفتي جنسه؟
هزت راسها ونطقت: اي
فاطمة: وشو؟
جود بابتسامة: بنت
ابتسمت فاطمة: ماشاءالله الله يقومك بالسلامة انتي وهي
ابتسمت لها ونطقت بهمس: امين
__
«بيت احمد»
طلعت من الحمام بعد ما اخذت شاور اخذت جوالها شافته مرسل لوكيشن نزلت جوالها
جلست على التسريحة تحط ميك اب و تسوي شعرها ، وقفت من خلصت ولبست فتحت دولابها
تطلع لها عبايتها لبستها وأخذت شنطتها و طلعت
_
نزلت تحت شافتهم موجودين قربت منهم ونطقت: صباح الخير
الكل: صباح النور
ناظرتها نوره ونطقت: طالعه؟
أليس: اي
يوسف: مو كانه بدري على دوامك!
أليس: بطلع افطر برا و بعدها بروح الدوام
__
«المطعم»
وقفت سيارتها وهي تناظر المطعم اللي اول مره تزوره قفلت سيارتها و دخلت شافته جالس على طاولة بعيدة عن الطاولات الموجودة و قدامه ورد على الطاوله قربت منه ونطقت بهمس: صباح الخير
رفع راسه من سمع همسها شافها واقفه عنده ابتسم لها ونطق: صباح النور
جلست وهي تنزل نظارتها على الطاوله ابتسمت من ابتسامته نطق: ايش تبي تاكل روح سلطان
اتسعت ابتسامتها من الاسم اللي من امس يقوله لها
أليس: ما اعرف
سلطان: على ذوقي؟
__
بيت لاول مره نزوره «بيت غازي»
وقفت بصدمه و نطقت: ايش؟
الجازي: اللي سمعتيه يمه
جواهر بغضب: يمه شلون خطب! وانا طيب؟
الجازي: والله مدري تو خالتك كلمتني و قالت لي
جواهر: مستحيل اخليه انا رفضت كل من خطبني عشانه بالاخير يتزوج و يخليني!
نطقت اختها وهي تبرد اظافيرها ببرود: انتي اللي صدقتي كلام خالتي و انتو صغار و كان من باب المزح بس
جواهر: ليالي! تستهبلين انتي المفروض توقفين معاي
ليالي: انا مع الحق ، كلنا نعرف انه ما يبيك الا انتي
جواهر: ليالي اكرمينا بسكوتك
__
«المطعم»
وقفت اكل من شافت نظراته عليها ، عضّت شفتها
بخجل شتت نظراتها عنه ، ابتسم ونزل راسه يخليها تاكل براحتها ، رفع راسه من وقفت ونطقت: بغسل يدي
سلطان: ما افطرتي زين
ابتسمت ونطقت: الحمدلله شبعت
وقفت و دخلت الحمام تغسل يدها و تعدل روجها
طلعت و ناظرت طاولتهم باستغراب من شافت بنت
واقفه عنده قربت منهم و رفعت حاجبها
لفت من شافت نظراته لخلفها ، عضّ شفته من شاف نظراتها
جلست على كرسيها وهي تحاول تسيطر أعصابها
رفعت راسها من نطقت البنت: ما عرفتني
سلطان: خطيبتي أليس ، بنت خالتي جواهر
أليس: اهلين
ابتسمت جواهر و لفت لـ سلطان متجاهلة أليس
جواهر: متى تزورنا بالبيت امي تنتظرك ترا
سلطان: ان شاءالله قريب
وقف متجه للحمام ،لفت على أليس ونطقت: متعودة تطلعين معاه؟
رفعت حاجبها بذهول ونطقت: ما فهمت!
جواهر: مدري احسك طالعه معاه من قبل الخطبه
أليس: لا اول طلعه لنا
جواهر: تصدقين عاد ما توقعت سلطان يتزوج
أليس: ليش شفيه؟
جواهر: ما فيه شيء بس قبل كان خاطبني بس مدري شصار فـ توقعنا انه ما يبي يتزوج بس طلع فيه شيء ثاني
عقدت حاجبها بضيق من فهمت كلامها وقفت وهي تاخذ شنطتها و الورد و طلعت من المطعم قبل يجي
رجع للطاولة شافها مو موجوده لف لجواهر ونطق: وين أليس ؟
جواهر: طلعت
سلطان باستغراب: ليش؟
جواهر: ما اعرف
اخذ اغراضه من على الطاوله و دفع و طلع وهو يتصل عليها تنهد من ما ردت عليه و ارسل لها "اذا وصلتي ارسلي اي" تأفف بضيق من عرف ان جواهر قالت لها شيء ، مشى متجهه للمركز
-
عضّت شفتها بغضب لفت من دق جوالها و شافت انه هو صدّت عنه ما تبي ترد عليه وهي معصبة
وقفت عند المستشفى و نزلت ، دخلت مكتبها
جلست على الكرسي وهي تتنهد بضيق من تذكرت كلامها دقت على خلود ونطقت: دخلي المريض
__
«المركز»
دخل المركز و اتجه لمكتبه جلس وهو يشوفها فتحت رسالته ولا ردت عض شفته من غضبها
دخل عليه جسّار و معاها يوسف نطق: شفيكم صاير شيء؟
يوسف: مو صاير شيء
جسّار: غريب اليوم تأخرت
سلطان: كان عندي شغل خلصته و جيت
لف على يوسف ونطق: شصار عليهم ؟
يوسف: للحين بالسجن كل نحقق معاهم بس ما احد يتكلم
سلطان: حاولت تعرف شيء عن عمار؟
يوسف: لا
__
«العصر , المستشفى»
رفعت رأسها من دخلت خلود عليها ونطقت: خلصت المواعيد
تنهدت و هز رأسها بفهم ، وقفت وهي تلبس عبايتها
اخذت شنطتها و طلعت من المستشفى ، انتبهت له واقف عند سيارته يدخن ، مشت وهي متجاهلته
وقفت عند سيارتها وهي تطلع المفتاح من شنطتها
-
انتبه لها لما وقفت عند سيارتها ، رمى سيقارته وهو يدعس عليها برجله ، قرب منها عضّ شفته من شافها متجاهلته و كانه مذنب قرب منها و مسك يدها قبل تركب سيارتها ، لفت عليها و سحبت يدها ، سكرت باب السياره ولفت عليه وهي تكتف يدها بزعل ، عضّ شفته من زعلها ونطق: شفيك ما تردين على اتصالاتي ؟
رفعت حاجبها بذهول ونطقت: يعني ما تعرف؟
صدّ عنها ونطق: ما اذكر اني سويت شيء يزعلك!
أليس: يكفي انك ما قلت لي عنها
سلطان باستغراب: مين هي؟
ضحكت بخفه ونطقت: و تسوي نفسك ما تعرف
تنهد و مسك يدها ونطق: امشي معاي نتفاهم
هزت راسها بلا: نتفاهم هنا
سلطان: تشوفين ذا مكان نتفاهم فيه !
أليس: روح بسيارتك وانا بسيارتي
اخذ منها المفتاح وهو يقفل سيارتها ونطق: لا معاي
مسك يدها وهو يمشي متجه لـ سيارته ، فتح لها الباب ركبت وسكره ومشى متجه لـ بابه
سلطان: وين تبين نروح؟
أليس: ما اعرف
عضّ شفته وهو يلف للطريق ، صدت عنه وهي تتأمل الشارع
_
عقدت حاجبها من وقف عند إسطبل خيول
نزلت ونزل معاها ، عقدت حاجبها من نطق للعمال: اليوم أجازه تقدرون تطلعون
لف لها و شافها مستغربة وسكت مشى يدخل جوا عند الخيول و مشت معاه وقفت عنده ونطق: شفيك؟
عضّت شفتها ونطقت: بنت خالتك
عقد حاجبه ونطق: شفيها ؟
أليس: تقول انك كانت بتخطبها بس انا دخلت بينكم
سلطان بذهول: و صدقتي؟
صدت عنه ونطق بهدوء: لو ابيها ما كان جيتك
انا ابيك انتي و بس فهمتي
أليس: بس هي تحبك
ابتسم بخفه وقال: بس انا احبك انتي
صدت عنه بخجل و أبتسم من شاف خجلها ونطق: تصافينا!
ابتسمت له و مسك يدها وهو يمشي ونطق: تعالي بوريك شيء
مشت معاه وهي مبتسمه ، عقدت حاجبها من شافت الورد المزروع بجميع الألوان ناظرت فيها من قال: اول ما عرفت انك تحبينه زرعته هنا
أليس: لك؟
ناظرها ونطق: الاسطبل ؟
هزت راسها ونطق: لي و ما احد يعرف عنه الا انتي
قرب من الورد وهو يقطف ورده حمراء وهو يحطها خلف اذنها ، عضّت شفتها بخجل مشت تشوف الورد ، ابتسم من شافها رضت عليه مشى خلفها
سلطان: عجبك المكان؟
أليس: مره حلو
همس بصوت مو مسموع لها: مو احلى منك والله
لفت عليه ونطقت: قلت شيء؟
هز راسه بلا ونطق: تبين قهوه؟
ابتسمت بخفه ونطقت: ما اقول لا بس موجود هنا؟
هز راسه و مشى متجه للغرفه الموجودة فيه الإله
سوا لهم قهوه و طلع لها ، ابتسم من شافها واقفه بين الورد ، مد لها كوبها اخذته من يده و لفت عليه: ليش ما احد يعرف عنه؟
سلطان: لو يعرفون بيكونون هنا كل يوم
أليس: و اذا ؟
سلطان: ما احب
عقدت حاجبها ونطقت: طيب انت قلت لي الحين
سلطان: انتي غير
ابتسمت ونطقت: بس والله حرام ما يعرفون عنه
سلطان: خليه مكان لي انا وانتي
شربت من قهوتها ونطقت: الوقت تأخر لازم ارجع
وانا عندي شغل
سلطان: شغل ايش؟
أليس: بكرا ملكة إبراهيم و بطلع للفندق اليوم
لازم اجهز اغراضي من الحين
سلطان: طيب يلا نمشي
هزت راسها و مشوا طالعين من الاسطبل
صباح الخير ، لا تنسون النجمة و الكومنت⭐️🤍
