سلطان: ابيك انتي
ناظرته بصدمه من صراحته و جرائته
لفت بترجع للمخيم مسكها من يدها ولفها له و قال: انتظري ما خلصت كلامي
سحبت يدها بقوه ووقفت تنتظره يكمل
سلطان: ابيك انتي حلالي ابي اتقدم لك بس ابي الموافقة منك انتي قبل كل شيء
أليس: ليش انا؟
سلطان: لانك انتي الوحيده اللي لعبتي بموزين ذا القلب انتي الوحيده اللي فكرت فيك وانا بعز شغلي لان انتي الوحيده اللي ابيها
رجفة يدها من زاد المطر و اشتد البرد عليها
نزل فروته من عليه بعد ما شاف رجفتها
حطها على كتفها وكمل: لان انتي الوحيده اللي حبيتها ، باجيك بعد اسبوع بالمستشفى واخذ الرد
لف عكس اتجاهها مشت متجهه للمخيم وهي ترجف ما تعرف هي ترجف من ايش بالضبط من البرد ولا من كلامه و صراحته معاها
__
«عند الشباب»
تلفت إبراهيم يدور سلطان ونطق: شفتوا سلطان؟
عبدالعزيز: ما دخل معانا
مهند: شفته رايح ورا المخيمات
هز راسه وطلع يشوفه ، ناظرهم عبدالعزيز وقال: الحين انتو كلكم عسكر؟
ناصر: لا مننا بس ثلاث
-
طلع يشوفه وين و شافه جاي قرب منه ونطق: وين رحت بالبرد ذا؟
سلطان: راحت امشي شوي
لف إبراهيم على مخيم البنات و شافه فاضي نطق بغضب: وذولا لسى ما رجعوا !
لف سلطان على المكان اللي يناظره إبراهيم و عرف انه يقصد البنات كان بقول الا رجعوا بس استوعبت انه شافها لحالها ونطق بحده: كلمهم يرجعون
طلع إبراهيم جواله يتصل على أليس تكلم من ردت: ترجعون الان أليس سامعه
نطقت وهي ترجف: انا رجعت بس البنات رفضوا
عقد حواجبه من سمع صوتها ونطق بقلق: شفيك انتي؟
أليس: ما فيني شيء بس برد
إبراهيم: متاكده؟
أليس: اي بس كلم ريناد خلهم يرجعون
إبراهيم: طيب طيب
قفل منها ودق على طول على ريناد ردت عليه: هلا
إبراهيم بحده: ارجعوا
ريناد: يوه إبراهيم الجو تو ضبط
إبراهيم بغصب: ريناد تستهبلين! احنا شابين نار و جوا المخيم تجمدنا كيف انتو؟
زفرة بضيق وقالت: طيب جايين
قفلت منه و نطقت: يلا قوموا بنرجع
وقفوا وهم ينظفون ملابسهم من التراب
__
«بيت بدر»
كانوا لسى جالسين برا دخلوا اخوانهم و بقوا هم بس ناظروا رتيل اللي نطقت "الله شوفوا"
ورد: مين ذي؟
رتيل: وحده تعرفت عليها جديده بالجامعة شوفوا طلعتهم خيال
أثير: ماشاءالله واضح كثير
رتيل: اي هم و صحباتهم
ورد: اف اعشق البنات لازم نتعرف عليهم
رتيل: تمام يوم الاحد بقول لها نتقابل كلنا
__
«المخيم ، عند البنات»
دخلوا و شهقت هيام من منظر أليس اللي كانت ترجف ووجهها احمر نطقت: شفيها؟
قربت سديم منها وحطت يدها على جبين أليس وشهقت بخفه وقالت: حرارتها مرتفعة
ريناد: وش نسوي؟ نقول ليوسف و إبراهيم ؟
جود: لا لا تخوفونهم عطوها خافض حرارة اول
إيلاف: احد معاه؟
هزوا رؤسهم بلا ونطقت ريناد: لازم نقول لهم
نطقت بتعب: ما يحتاج شوي وتنزل
ناظرتها سديم وقالت: وشو اللي ما يحتاج بروح انا اقول لهم
وقفت عند مخيمهم و اشرت ليوسف يجي
وقف عندنا ونطق بابتسامة: امري؟
ناظرتها بقلق ونطقت: أليس تعبانه
اختفت الابتسامة ونطق: شفيها؟
سديم: حرارتها مرتفعة مره و ما احد معاه خافض حرارة
يوسف: ثواني بشوف العيال
دخل عندهم ونطق باستعجال: احد معاه خافض حرارة ؟
زفر بضيق من قالوا لا نطق إبراهيم: لمين ؟
تنهد يوسف: أليس
وقف إبراهيم ونطق: شفيها؟
يوسف: حرارتها مرتفعة
إبراهيم: قول لهم يطلعون بدخل لها
هز راسه يوسف وراح لسديم يقول لها
-
دخلت عليهم ونطقت: تعالوا اخوانها بيدخلون
طلعوا البنات و ارسلت ريناد لهم يجون دخلوا
إبراهيم: شفيك يابوي انتي؟
ابتسمت له وقالت: ما فيني شيء بس ارتفعت حرارتي
يوسف: كم مره قلت لك البسي فروتك؟
ضحكت بخفه: كثر بس ما سمعت كلامك
طلع إبراهيم جواله من جاته رساله و شافها من سلطان "لقيت بسيارتي خافض حرارة تعال اخذها"
لف على يوسف ونطق: سلطان لقى خافض روح جيبها منه
توتر من جاب طاريه وهي تحس ان اللي فيها بسبب كلامه مو من البرد
دخل فيصل عليهم ونطق: اوه سلامتك حبيبتي
ابتسمت له ولف فيصل من ضربه إبراهيم وقال: لا تحتك!
ضحك فيصل بذهول: بنت اخوي ترا
إبراهيم: اختي ترا
ضحكت من كلامهم هي وريناد دخل يوسف ونطق:
ضحكت من كلامهم هي وريناد دخل يوسف ونطق: استغليتوا غيابي و قربتوا منها
إبراهيم بسخرية: ليش قبل خايفين منك؟
يوسف: يمكن
تنهد فيصل بحُب: اول مره اشوف شخص حتى وهو تعبان حلو
ابتسمت له أليس ونطق يوسف: اكيد لانها تشبهني
ناظره فيصل بنص عين: بسم الله عليها منك
إبراهيم: اي والله
شهق بخفه ونطق: شوفيهم يسبوني!
ضحكت وقالت: لا عاد الا يوسف ما أرضى عليه
رفع حاجبه باستفزاز ونطق: شفتوا
__
«عند البنات»
جود: حسيت انها بتتعب من شفت لبسها
سديم بغضب: قلت لها الف مره البسي فروتك وهي رافضه
هيام: مره معنده الله يصلحها
إيلاف: يوه العناد يمشي بدمها
سديم: بيجي يوم بذبحها هي و عنادها ذا
ضحكت ريم وقالت: يمه سديم تخوفين!
ضحكت سديم: نرفزتني انا اعرفها مستحيل تتحمل البرد ذا ولا معاها مطر
ألين: انا خايفه من ردة فعل عمي
ضحكت ساره بعلو صوتها ونطقت: شدخلك تخافين؟
ألين: مدري والله
__
«عند سلطان»
تنهد بضيق يحس انه هو السبب باللي فيها
هو خلاها توقف بالبر و المطر عشان تسمع كلامه بس هو كان مستانس انه صارحها بس خربت وناسته من سمع انها تعبت لف من طلع إبراهيم
وقف وراح لها ونطق: تبون نمشي؟
هز راسه إبراهيم ونطق: لا لا ما يحتاج نزلت حرارتها
دخلوا عند الشباب وجلسوا رفع حاجبه من سمع فهد يسأل عنها ناظره بحده ولف
__
«عند البنات»
ريم: تبين نسوي لي شيء حار تشربينه؟
أليس: لا ياروحي ما يحتاج
سديم: الا يحتاج بنسوي شاي و بتشربين سمعتي؟
هزت راسها ووقفت سديم تسوي لهم شاي
إيلاف: الحمدلله المطر وقف كنت خايفه ما يوقف و ما نقدر نرجع
شهقت ترف: يمه لو صار
سديم: الشاي خلص تعالو هنا عند النار
وقفت وحطت فروته على اكتافها استنشقت ريحة عطره تنهد وجلست معاهم عند النار اخذت كوب من يد سديم ونطقت: سولفوا لا تسكتون
ريناد: اه يابنات ماشفتو كيف اخوانها و فيصل يتهاوشون عليها غرت
هيام: اعترفي ايش مسويه لهم؟
نطقت بضحكه: الحب من الله ما سويت لهم شيء
وقفت وقالت بطلع برا شوي
سديم: ما تتوبين ؟
أليس: شوي عليّ فروه ومعاي شاي لا تخافين
-
طلعت تمشي انتبه لها وقف يروح لها مشى وراها بدون ما تنتبه له لين ما بعدو عن اناظر اللي بالمخيم نطق بهمس: اسف
لف بخوف من سمعت صوته شافته واقف وراها ومبتسم نطقت بهمس: على وشو؟
سلطان: اللي صار لك
ناظرته باستغراب وكانه تقول " وش دخلك "
كمل: انا اللي خليتك توقفين بالبرد والمطر عشان تسمعين كلامي
نطقت بخفوت: لا مو انت السبب انا مالبست زين
ابتسم من انتبه لفروته عليها انتبهت ان يناظر فروته صدت بخجل ، انتبه على احمرار ملامحها ضحك بخفه ونطق: خليها معاك مالي داعي البسها من بعدك
لفت بتكمل مشي مسك يدها ونطق: ارجعي برد وانتي تعبانه
هزت راسها وهو طلع خاتمه من اصبعه و حطه بكفها ونطق: اذا موافقه حطيه على مكتبك بعد يومين امره اخذ الرد لاني صرت م اضمن نفسي
__
«الفجر ، المخيمات»
يوسف: يلا يابنات اخرتونا ورانا دوامت
طلعت ريناد ونطقت: اصبر ثواني بس
طلعوا أليس وسديم و ركبوا سيارة يوسف
جو بعدهم إيلاف و ريناد و مشوا كلهم متجهين لـبيوتهم
__
«بعد الظهر ، المركز»
دخل هو جسّار سوا ودخلوا مكتبه جلس سلطان ونطق: لازم نحدد موقعه
جسّار: ما قدرنا الرقم اللي ارسلنا منه
قاطعه دخول فهيد المستعجل: معليش طال عمرك
بس ارسل من جديد
وقف سلطان ونطق: نفس الرقم ؟
فهيد: لا طال عمرك رقم غريب
سحب جسّار الجوال وهو يشوف محتوى الرسال "جايكم قريب ما يحتاج تدورون عليّ "
سلطان بحده: ذا كيف عرف اننا ندور عليه؟
جسّار: ذا اللي محيرني
فهيد: واضح له جاسوس هنا
__
«بيت احمد»
«بيت احمد»
نزلت جوالها بعد ما ارسلت لمديرها انها ما تقدر تجي انسدحت على سريرها هي ما نامت الا ٦ ساعات بعد يوم متعب جدًا ناظرت الباب من انفتح ودخلت امها معاها اكل ونطقت: قال لي إبراهيم انك تعبتي
عضت شفتها من شافت ملامح امها اللي واضح انها معصبة منها نطقت: تعب بسيط
نوره بحده: تعب بسيط! الحين انا مو قلت لك البسي زين ؟
أليس: قلتي
نوره: اكلي اكلي الحين بعدين نتفاهم
__
«بيت خالد»
دخل البيت وهو معصب ضرب الباب بقوه و طلع لفوق بدون ما يلتفت لاحد نطقت هيام بخوف: شفيه بسم الله ؟
تنهدت هيا وقالت: اكيد من الشغل
دخل غرفته رمى ثوبه على الارض و دخل ياخذ شاور يخفف من عصبيته طلع بعد ما خلص قرب من التسريحة اللي عليها عطوراته فتح اول درج شاف اسوارتها بين ساعاته مسكها يتأملها التفت من طق الباب رجعها بالدرج و سحب له ساعه و قفله
دخلت امه وهي معاها ثوب له ونطقت: عسى ما شر ياامي؟
اقترب منها وهو يقبّل رأسها ونطق: ما شر من الشغل
طلعت وهي تشوفه يعلق ثوبه
__
«بيت سعد»
دخلت عليها امها ونطقت: بشري موافقة ولا لا؟
نطقت بخجل: موافقة
ضحكت امها وقربت وهي تقبّل رأسها: الله يتمم ياعيوني
ابتسمت لـ امها و اخذت شنطتها وطلعت
سطّام: على وين؟
إيلاف: طالعه عندي شغل تبي شيء؟
سطّام: لا سلامتك
هزت راسها و طلعت
__
«بيت بدر»
بدر: السلام عليكم
الكل: وعليكم السلام
راكان: اخيرًا شفناك يابدر
ناظره ابوه بذهول ونطق: استح على وجهك وشو بدر
ضحك راكان: نمزح معاك شوي عادي
دخلت رتيل ونطقت: اوه بدوري موجود
ابتسم لها و فتح ذراعه وهو يقول: تعالي تعالي
دخلت بحضنه وهي تشوف نظرات راكان المصدوم فعليًا نطق بصدمة: توك مهاوشني عشاني قلت بدر
وذي قالت بدوري و ما قلت لها شيء ولا بعد تضحك لها!
بدر: تقارن نفسك فيها؟ ذي عيوني لو تبيها اعطيها وانا اضحك
ابتسمت وهي تقبّل خده و ترفع حاجبها
لـ راكان باستفزاز
__
«بيت احمد»
دخل البيت وهو تعبان من الشغل ابتسم من شاف امه نطق: مساء الخير
نوره: مساء النور
جلس جنبها ونطقت بابتسامة: جهز نفسك بكرا بتروح تخطب
ابتسم وقال: وافقت ؟
هزت راسه ونطق: طيب بكلم ابوي و نروح لهم بكرا
نوره: اي زين
-
دخل غرفته ورمى نفسه على السرير وتنهد بحُب
اخيرًا راح تكون زوجته هو أخفى الحُب ذا اربع سنوات من يوم شافها بزواج ناصر وهو مُعرم فيها
لف من دخلت أليس وهي مبتسمه: نقدر نقول مبروك ؟
ابتسم لها ونطق: قولي
قربت منه وهي تحضنه بعد م جلس ونطقت: مبروك ياعيوني انت
ابتسم لها وهو يقبّل خدها ونطق: يبارك بعمرك
__
«المغرب ، بيت سعد»
«المغرب ، بيت سعد»
دخل سطّام وهو معاه القهوه نزلها على الطاولة ولف من سمع صوت السيارات طلع مع ابوه
نزلوا من السياره هو و ابوه و اخوه و عمامه
جلسوا و بدا سطّام يصب القهوة عليهم
نزل احمد فنجاله الثالث ونطق: والله يابو سطّام انا بدخل بالموضوع على طول احنا جايين اليوم نطلب يد بنتك لولدنا إبراهيم و ما راح نلقى بنت نفسها
نطق سعد بابتسامة: والله ونعم بـ إبراهيم واذا عليّ انا موافق بس ناخذ رائي البنت ونرد عليكم
احمد: احنا مستعجلين شوي لو تاخذ رائي البنت وخير البر عاجلة
وقف سعد ومعاه سطّام متجهين لـ إيلاف
__
«بيت محمد»
جلست ريم ونطقت: طفش
مهره: بسم الله عليك توكم امس راجعين من المخيم امداك تطفشين ؟
ريم: امي من صحيت وانا مقابله الجدران
مهره: طيب ايش تبيني اسوي؟
ريم: خلينا نطلع انا وانتي أي مكان تكفين امي وافقي
تنهدت مهره: قومي جهزي طيب
ابتسمت بوناسه وقربت وهي تقبّل راس امها
__
«بيت سعد»
دخل المجلس هو و سطّام نطق فهد: بشرنا؟
ابتسم ونطق: موافقة
ابتسم احمد: اجل الحريم يتفقون على الملكه
سعد: ان شاءالله
احمد: يلا عاد نستأذنكم احنا
سعد: لا والله ما تروحون لين تتعشون
احمد: لا والله بنمشي
سعد: يابن الحلال العشاء جهزته والله ما تروحون
تنهد احمد وهز راسه
__
«بيت إبراهيم»
وقفت من دخلوا البنات عليها نطقوا: مرحبا
ريناد: اهلين كيفكم
الكل: بخير الحمدلله
لفت على أليس ونطقت: كيفك اليوم؟
أليس: تمام الحمدلله
جلسوا البنات ونطقت ألين: ليت إيلاف معانا
ابتسمت أليس وقالت: لو تعرفون ليش رفضت تجي
قربت منها ألين بفضول ونطقت: ليش؟
أليس: خمنوا؟
ريناد: يوه أليس ياشينك طلعت النذالة الحين
ضحكت بعلو صوتها ونطقت: جايينها خطاب اليوم
شهقت سديم وقالت: و ما قالت الا لك خيانه
هزت راسها بلا ونطقت: نو نو لان اخوي هو اللي خاطبها ولا هي ما قالت لي
شهقت ريناد وقالت: إبراهيم ؟
هزت راسها أليس ونطقت ساره: الله احسهم لايقين سوا
أليس:
أليس: مره حلوين
ضحكت سديم ونطقت: ترا تمدح بس عشان اخوها
أليس بضحكة: حرام عليك
ريناد: انا قررت قرار
لفوا عليها ونطقت: باشتغل بالشركة
أليس بفرحة: جد؟
ريناد: اي ان شاءالله و كلمة فيصل
سديم: مبروك ياعيوني
ابتسمت لها ولفت على جود اللي واضح تتألم نطقت: شفيك؟
جود: بطني يالمني
ساره: اكلم ناصر؟
جود: لا لا الم طبيعي
أليس: انتي بالشهر كم؟
جود: توني قبل يومين دخلت الرابع
__
«بيت بدر»
ورد: شرايكم تطلع ؟
رتيل: وين؟
ورد: مدري بس أي مكان
أثير: فيه مطعم جديد مدحته لي صاحبتي نروح له؟
رتيل: تمام وحده منكم تكمل السواق
ورد: بنروح بسيارتي
رتيل: تعرفين تسوقين بالليل؟
ورد: شقصدك؟
رتيل: والله مدري بس ابوي مو مانع انك تسوقين الليل
أثير: لا ما عليك قبل كم طلعت الليل
رتيل: حلو يلا قوموا جهزوا
__
«بيت إبراهيم»
دخل عليهم فيصل وهم يسولفون وقف عند باب الصاله وهو صاد ونطق: اوه الشعب عندنا فيه احد ولا ادخل
ريناد: لا لا جود موجوده انتظر دقيقه
فيصل: طيب
أليس: تعال
دخل عليهم وجلس جنب أليس وهو يدخلها
بحضنه نطق: كيفها حبيبتي ؟
أليس: تمام
ريناد: اي شصار ؟
فيصل: خطبنا و عطونا الموافقة و تعشينا وجينا
ألين: بس؟
فيصل: اي
سديم: قول لنا زين
وقف ونطق: معليش مصدع بروح انام
«الصباح ، المركز»
نطق وهو يطق القلم على الطاولة: حددتوا مكانه؟
جسّار: اي
سلطان: وينه؟
جسّار: باستراحة ببداية الرياض
سلطان: كم شخص معاه؟
جسّار: ٥ اشخاص من غيره
هز راسه ووقف جسّار يطلع
__
«بيت احمد»
جلس وهو يسمع مكالمة امه و عمته ناظر امه من قفلت ونطق: وش صار؟
نوره: حددنا يوم الملكه
إبراهيم: متى؟
نوره: بداية الشهر الجاي يعني بعد عشر ايام
إبراهيم: حلو
نوره: من اليوم ما احد منكم ياخذ السواق
إبراهيم: ليش؟
نوره: ببدا اجهز للملكة و احتاجه
إبراهيم: بتجهزين من اليوم! يمه ملكه ترا مو زواج
نوره: وش عرفك انت الحين خلك بشغلك احسن
أليس: مساء الخير
الكل: مساء النور
نوره: ترا حددنا يوم الملكه بعد عشر ايام
إبراهيم: يمه انتظري لين تجلس طيب
تأففت ونطفت: إبراهيم قوم انقلع لدوامك
ضحك بخفه وهو يقوم نطق: مع السلامه
أليس: طيب متى نبدا نجهز؟
نوره: من اليوم عشان يمدي نخلص
أليس: لا يمه خليه بكرا تعبانه اليوم
نوره: تمام بس بكرا ترجعين من الدوام و نطلع تسمعين
هزت راسها و طلعت لغرفتها
__
«بيت راشد»
نزلت ألين من فوق و جلست عندهم
فهد: شفيك منفسه ؟
ألين: اسكت راسي يوجعني
سديم: بسم الله عليك اكلي مسكن
ألين: تو اكلت
حصه: لا تقولين اكلتيها بدون ما تاكلين
ناظرتها و عضّت شفتها ونطقت: يمه والله مالي نفس
حصه: بس مو زين يايمه لو تاكلين شيء خفيف
هزت راسها ألين وهي تسمع محاضرات امها عن الاكل
__
«بيت سعد»
دخلت عليها امها ونطقت: متى رجعتي ؟
إيلاف: قبل شوي
جلست فايزه ونطقت: حددنا يوم الملكه
إيلاف: متى؟
فايزه: بعد عشر ايام
شهقت بخفه ونطفت: يمه ما يمدي اجهز!
فايزه: الا يمدك ان شاءالله
إيلاف: كيف يمدي وانا حتى فستان ما طلعت
فايزه: ابدي جهزي من الحين و البنات معاك بتخلصين بدري ان شاءالله
تأففت بضيق وطلعت امها
__
«الصباح ، بيت خالد»
طلع من الحمام بعد ما خذا شاور سحب السجادة وبدا يصلي الفجر خلص صلاته سحب ثوبه ولبسه
تذكر ان اليوم بياخذ ردها تنهد هو ما يبي يروح وهي موجوده هو يعرف انها تطلع بعد صلاة الظهر الحل الوحيد انه يروح المركز لين ما ينتهي دوامها و يروح ياخذ الرد سحب جوالاته وطلع
مساء الخير ، لا تنسون النجمة و الكومنت⭐️🩷
