Unicode
နောက်ဆုံးတော့ ပိုင်ခန့်ကိုပါ အတူလိုက်ခဲ့ပေးမယ်ဆိုသော သဘောတူညီချက်နှင့် လက်စွပ်ကိုတော့ မရောင်းပေးဖြစ်တော့ပါ။ ပိုင်ခန့်ကိုက သောကြာနေ့တစ်ရက်သာ အလုပ်နားတာမို့၊ အလုပ်နားတဲ့ရက်နဲ့၊ ကျန်တဲ့ရက်တွေမှာတော့ အလုပ်ကပြန်လာတဲ့အချိန်တွေ လိုက်ခဲ့ပေးမယ်ဟု ပြောထားလိုက်သည်။ ဘယ်လိုပဲ ဖြစ်ဖြစ် ဗညားထွဋ်ခေါင်အား တစ်ယောက်တည်း လွှတ်လိုက်ဖို့လည်း အဆင်မပြေလောက်၍ ဖြစ်သည်။
"အခန်းက လေးလွှာမှာ ... မင်း အောက်မှာနေခဲ့မှာလား"
"ငါ လိုက်ခဲ့ပါမယ်"
အလုံ ဗဟိုအမျိုးသမီးဆေးရုံရှေ့က ကွန်ဒိုဖြစ်သည်။ ဗညားထွဋ်ခေါင်ကတော့ သူ့အခန်းက လေးလွှာမှာဟု အသေအချာကို ပြောနေ၏။
"ဘယ်အခန်းကို သွားချင်လို့လဲဗျ"
"လေးလွှာပါ၊ 406 .."
"ကဒ်လေး တစ်ချက်လောက်ပြပေးပါ"
Security က လုံခြုံရေးကဒ် တောင်းနေတာ ထင်သည်။
ဗညားထွဋ်ခေါင်က စိတ်ရှုပ်သွားသလို ခေါင်းတစ်ချက်ခါရမ်းကာ Security အား ကြည့်ရင်း -
"အဲ့ဒါ ကျွန်တော့် အခန်းပါ"
"406 က နိုင်ငံခြားသားတွေ ပိုင်တာပါ၊ ပြီးတော့ အခုကလည်း ပိတ်ထားတဲ့အခန်းဖြစ်နေတော့လေ၊ ဒီက ညီလေးက ပိုင်ရှင်အသစ်ဆိုရင် ကဒ်လေးပြပေးဖို့ လိုပါတယ်"
"ဘာ ..."
သိပ်အဆင်မပြေတော့တဲ့ အခြေအနေကြောင့် ဗညားထွဋ်ခေါင်အား အနားကပ်ကာ ခပ်တိုးတိုး သတိပေးရသည်။
"တစ်ခုခုမှားနေတယ်ထင်တယ်"
"ဘာမှ မမှားဘူး၊ အဲ့ဒါ ငါ့အခန်း၊ ဘာလို့ ပိတ်ထားတဲ့အခန်း ဖြစ်ရမှာလဲ"
ခပ်တိုးတိုးနဲ့ တစ်ယောက်တစ်ခွန်းပြောနေသော သူတို့နှစ်ယောက်အား Security က နားမလည်တဲ့ပုံစံနဲ့ ကြည့်နေ၏။
"လာပါ ... အခု အရင်ပြန်ရအောင်၊ ပြီးမှ ဆက်စဉ်းစားတာပေါ့"
ဗညားထွဋ်ခေါင် သိပ်တော့ကျေနပ်ပုံမရပေမယ့် လက်ရှိအခြေအနေကိုတော့ သူလည်း သဘောပေါက်ပုံရပါသည်။ ပြန်လိုက်လာသည်။
YOU ARE READING
Magic Hides My Man
Romanceကျေးဇူးပြုပြီး ငါ့လက်ကို မလွှတ်လိုက်ပါနဲ့ ဒီကမ္ဘာကြီးတစ်ခုလုံးမှာ မင်းတစ်ယောက်ကိုပဲ ငါသိတာ ...။
