بـِسم الله الـرحمٰن الرحيـم .
تُعـرف غَـلاتك لـو بَعـد .. مَحتـاج أبَينـها أكـثر
يَمـكن أذا گتـلي شَكثـر تَهـواني .. راح أتحيـر
الليـل أعـد مَحبتـك .. بَـس بـاچر تـزود أكثـر
يـا فَكـة عيـون الگلـب .. يـاميـزتي البيـها أنغـر
مَـو رايـدك وأتنفسـك .. لا يـا نَفـس شـي أكبـر ...
أيَهـاب المـالكـي
__________________________
غمضت عيوني بـ قوة ، فتحت عيوني ونطقت بـ حُـب ، وصـدق ، ومشاعـر ، نطقـت بـ شيء كُـل جوارحي تشهـد علـية نطقـت وعيـوني تشـع بـ الحُـب والهيـام : نديـم أنا أحبـك .
عيوني متعلگة على وجهة ، فتح عيونة على وسعهن ، مصدوم ، مُتعجب ، مامتوقع راح يجي يوم وأگولها وأحبـة ، بقى دقايق صافن بـ وجهي بدون أي ردة فعل مايدري شيسوي ، تقربت كم خطوة وكررت : أي نديـم أنا أحبـك ، أنتَ الوحيد ألي فعلاً تستحق الحُب وتستحق تسكن گلبي ، گلبي نُبض ألك من اليوم ألي وگفت وياي وگتلي ما تعوفني وراح تبقى مساندني .
أنا مو بس أحبـك ، لا أنا هايمة بيك وعاشقتك ، خُزامتـك تحبـك يا نديـم ، أنتَ حبيبي وصديقي وسندي وكُل حياتييي ، وگفت وياي وأنا كاسرة گلبك وماهتميت وساعدتني ، أگولها وأنا واثقة ومتأكدة من مشاعري ، أگولها بـ كُل صُدق ، أنتَ الحُب الحقيقي .
طول ما أنا أحچي هوة بس صافن علية وبؤبؤ عينة يتنقل على وجهي ، لمعن عيونة بـ الدموع وگال بـ خفوت : أنتِ شنو جاي تحچي خُزامـى ؟ الله عليچ أنتِ صُدگ تحبيني ها صُدگ !!!!!.
نزلت دمعة من عيني وهمست : أي صُدگ نديـم صُدگ ، أنا أحبـك هوااايييي كُلش هواييي .
نديـم : ولچ أنا چنت أحلم بـ اليوم ألي تگولينها ألي وتبادليني المشاعر والحُب الكبير تجاهچ ، وأخيراً أجة هذا اليوم وحبيتيني ، ما مصدگ والله مامصدگ .
مسح جبينة أخذ نفس وأردف : خُزامـى ، تزوجيني ؟.
فتحت عيوني مذهولة من طلبة ، أبتسمت ونزلن دموع الفرح ، گلبي ينبض بـ قوة ، عرض علية الزواج !!! ، نزلت راسي وأنا أتنفس سريع وماادري شنو أحچي : نديـم ، تريد تزوجني ؟؟.
نديـم : أنتِ حلمي خُزامـى ، حلمي من الطفولة كُل ما چنت أشوفچ أگول بـ داخلي أنُ أنتِ تصيرين ألي ماتصيرين لـ غيري ، بس للأسف رحتي من أيدي ، بس رحتي من أيدي مرة ما أسمح يتكرر هذا الشيء مرة ثانية ، أخذچ يعني أخذچ ، نتزوج ونكمل العمر سوا ، موافقة لو لا ؟.
يباوعلي بـ خوف ومنتظر مني كلمة ، أبتسمت وهمست : أكيد موافقة ، ما ممكن أرفض ، أنا هم ما أريد أخسرك مرة ثانية ، خلص أريد أعيش ويا شخص صُدگ يستاهلني وأحبة ويحبني وأكون ويا عائلة .
الضحكة ترست وجهة ، وأحسة طاير من الفرحة ، فرحتة فرحتني : بس ها خلي أخلص عدة وأفتح الموضوع ويا أهلك أحسن هسة ماتُرهم .
YOU ARE READING
خفايا الاقدار
Mystery / Thriller اوهمني بـ أسم الحـب ، رجل مـكار ، كثير المكر ، خداع وعـدنـي بـ جعلي اميرته المدللـة ، ألى أن وقعـت بـ حبه .. ضنناً منـي أنـه اختياري الصائب ، أسـتُغفلت بـ أسـم الـحب ، و وقعـت بـ الفخ أكتشفت أموراً ، كنت أجهلهـا أمـوراً جعلت نار الأنتقام تضيء...
