بَسم الله الرحمٰن الرحيم ...
طرف ثالث تدخل وأنتهت ويـاك
خربها وتباها وحگة يتباها
هاي الرادها وهاي التمناها
وحگ رب العباد وعزتة ودينة
خايف منك أول ما تلاگينا .
حسين السلطاني
__________________________
خُزامـى : ثاني يوم صدمني أنس وگلي أنو راح يدز عماتة حتى يخطبوني وأمة ملتهية بـ زوجها وسفراتها ما فارغتلة .
رحت رأساً گلت لـ آمنـة وما حچت غير كلمة وحدة : الله يساعد گلبك يا بعد عيني .
چنت أدري تقصد منو ، بس أنا أذا أنطيتة أمل معناتها راح أدمرة لأن مُستحيل أسعدة وأنا گلبي يم واحد غيرة .. صار العصر وأجو عماتة ولبست بدلة عادية وما خليت مكياج هواي حبيت أكون طبيعية نزلت وشفتهم مرتبات وحتى لبسهن حلو مابيهن شيء .
گعدن شوية سولفن ويا عمة ، وعمة گلتلهن نسأل عليكم ونشوف رأي البنية وعمها ونردلكم خبر ان شاء الله .. راحن وأنا صعدت لـ غرفتي ثواني وأتصل علية أنس جاوبتة وأنا فرحانة أنو راح أخذ الي أحبة والي يحبني حچينة شوي وصار المغرب نزلت جوا شفت آمنـة وجهة أصفر .
خُزامـى : آمنـة شبيچ ليش هيچ وجهچ مخطوف صار شيء !.
گامت تبچي وجاوبتني
آمنـة : نديـم صعد ضغطة وأخذة أبوي للـ المستشفى .
أنخمش گلبي وسألتها : ليش ليش هيچ صار ويا أكو سبب ؟.
باوعتلي وعيونها مدمعة
آمنـة : سمع بـ خطبتچ و راد يموت ، ليش هيچ خُزامـى ليش مو أخوي يموت عليچ .
گالت هيج وعافتني ، ضليت واگفة بـ مكاني ومصدومة ، حرت بـ أمري والله هذا الشيء مو بيدي يعني أنا شنو ذنبي ما أحب نديـم ما أگدر أزوجة وأضلمة وياي ، گلبي وعقلي يم واحد غيرة وما أتخيل حياتي ويا أحد غير أنس شسوي ؟!.
نزلت جوا گعدت يمهم ننتظرهم يجون من المستشفى ، ورا شوي أجوا وشفت نديـم وجهة أصفر والكانونة بـ أيدة وساندينة عمو و رحيم ، گعدوا على القنفة وضل يباوعلي بـ عيونة الذبلانة ألي مليانة أنكسار ، خذلان ، عتاب هواي كلش هواي ، هسة يلا فهمت نضرات عيونة الي چان يباوعلي بيها ، چان يباوعلي بـ كل حب وكل هيام چان يتأملني وكأنوا أميرة گاعدة گدامة ، فهمت كل شيء بس بعد فوات الأوان ، بعد ما كُلشي أنتهى .
صعدت لـ غرفتي ما گدرت أضل بعد وأنا أشوف نضراتة ألي تذبحني من جوا ، ماتحملت أشوفة هيج مكسور .. حتى أنس خابرني مارديت علية ضليت أبچي علية ومنة ، ليش ما گلي أنو هوة يحبني ليش وصلنة لـ هاي المرحلة ، نمت وأنا اشهگ وما أعرف شنو أسوي .
گعدت الصبح و گوا رحت للدوام ، وصلت وسولفت كلشي لـ جمانة .
خُزامـى : جمانة والله أنا گلبي مكسور علية ، بس مو بيدي فهميني أنا أحب أنس شلون أروح أزوج نديـم ما أگدر .
YOU ARE READING
خفايا الاقدار
Mystery / Thriller اوهمني بـ أسم الحـب ، رجل مـكار ، كثير المكر ، خداع وعـدنـي بـ جعلي اميرته المدللـة ، ألى أن وقعـت بـ حبه .. ضنناً منـي أنـه اختياري الصائب ، أسـتُغفلت بـ أسـم الـحب ، و وقعـت بـ الفخ أكتشفت أموراً ، كنت أجهلهـا أمـوراً جعلت نار الأنتقام تضيء...
