بَسـم الله الـرحمـٰن الـرحيـم ...
لسان حال نديـم
گُمت أتخَيلك ترجَع وأحاچيك
وأسولِفلك الصاير مِن عِفتني
عَلى ياهيَ أعِذرَك ؟ صارَن هواي
بَس حچاية أگلك " ضَيعتني .
______________________________
خُزامـى : من ثاني يوم بلشت أجهز وچانن آمنـة و جمانة وياي بـ كل خطوة وماعافني أبد ، حاولت أجهز على راحتي بس كل ما يتصل أنس بية يگلي أستعجلي كُلشي كامل الغرفة جبتها وطابق كامل بس ألنة ، مر على خطوبتنة شهرين وأنا چنت أجهز بـ هاي الفترة و أماطل لحد ما يوم خابرني .
أنس : خُزامـى خلص هذا هوة كلشي جاهز من يمي أنتِ عندچ أسبوع تجهزين كُلشي علمود نحدد موعد الزواج .
خُزامـى : غير أفتهم ليش مستعجل ، ترا بعدنة صار شهرين من أنخطبنة شسالفة .
تأفأف وجاوبني بـ صياح
أنس : گلت تكملين كلشي هذا الأسبوع علمود نزوج ما أگعد أعيد الحچي كلساع أنا .
تعجبت من ردة فعلة ، الموضوع ما يستعدي أنو يصيح بـ وجهي ، تچفيت الشر
خُزامـى : خلص هذا هوة ، راح أخلص بـ هذا الأسبوع وأخابرك ونتفق .
سدة من عندي ، وأنا صفنت وفكرت بـ أستعجالة ، وهسة يصيح علية وهوة صارلة كم يوم متغير علية يحاچيني بدون نفس ، وتذكرت كلام أبو وأمة ياترى شنو الموضوع ؟.
توكلت على الله وحاولت ما أفكر ، طلعت من غرفتي علمود أروح لـ آمنـة أحاچيها ، وأنا طالعة صادفت نديـم توا صاعد يريد يروح لـ غرفتة ، ضل يباوعلي أنا نزلت راسي ومشيت حتى أروح أستوقفني صوتة .
نديـم : شلونة أنس وياج ، خوما مضوجچ ؟.
ألتفتت علية وحطيت عيني بـ عينة وجاوبتة
خُزامـى : لا الحمدلله زين وياي وكُلشي تمام ، لا ينشغل بالك .
نزل راسة ثواني و رفعة وگال بـ ثبات
نديـم : لا شلون ما ينشغل بالي أنتِ بنت عمي ومن واجبي أفكر بيچ وأخاف عليچ .
أبتسمت بـ أمتنان
خُزامـى : تسلم ما تقصر ، يلا عن أذنك .
عفتة ورحت لـ آمنـة ، دخلت و لگيتها صافنة .. الله يستر من صفناتها ، گعدت يمها وهية ولا حاسة حد ما گرصتها هية طفرت .
آمنـة : گبر حتى گبر شمالچ شلعتي زندي ، شتردين يمتى دخلتي يمتى گعدتي ما حسيت بيچ !.
هزيت أيدي وجاوبتها
خُزامـى : تهي بهي ، طبعاً وين تحسين بيها أذا أنتِ طاگتها صفنة شعدچ ولچ خاف عاشگة أعترفي .
آمنـة : باع حضي ، أنا شكول مال حب وعشگ أمداني ، بس أكو حسبة بالي جاي أفكر بيها .
خُزامـى : خير شكو أنتِ مو راحة تخوفين أحچي لا تضمين علية .
آمنـة : مالچ علاقة لا تدخلين مو بـ كلشي حاطة روحچ ، ألتهي بـ طلي مالتچ .
كفختها على راسها
خُزامـى : ما أسمحلچ لا تحچين على خطيبي و زوجي وأبو بيتي .
VOUS LISEZ
خفايا الاقدار
Mystère / Thriller اوهمني بـ أسم الحـب ، رجل مـكار ، كثير المكر ، خداع وعـدنـي بـ جعلي اميرته المدللـة ، ألى أن وقعـت بـ حبه .. ضنناً منـي أنـه اختياري الصائب ، أسـتُغفلت بـ أسـم الـحب ، و وقعـت بـ الفخ أكتشفت أموراً ، كنت أجهلهـا أمـوراً جعلت نار الأنتقام تضيء...
