She's Pretty (2022)

Chapter 27

"Ang gwapo ni Jayson nung teenage life nya noh?"

Napalingon kaming dalawa kay Tita Anne. Natahimik ako, dahil base sa mukha ni Yorish. Mukhang ito na yung hinahanap nyang kasagutan. Napahawak nalang sya sa kanyang sentido.

"Tita, pwede po bang mag cr?"

"Sure!"

Binasa ko ng laway ang aking labi. At pilit silang nginingitian. Gusto kong tanungin si Yorish about sa nakita nya. Dahil kahit ako ay nakasaksi, pero nalimutan din.

May biglang tumawag sa cellphone ni Tita, kaya nagpaalam sya sa amin na sasagutin nya lang ito. Iniwan naman nya kaming dalawa ni Karl.

"Mayroon bang problema kay Yorish? Bigla nalang kasi umiba 'yung timpla nya" basag ni Karl sa katahimikan, dahil hindi ako nakakibo.

"You know naman na kaaway nya parin kuya mo" I replied. Napatango naman sya. Hindi pa lumalabas ng cr si Yorish.

"Ay oo nga...Sana matagal pa umuwi si Kuya. Para naman magtagal kayo rito" sabi nya. Napatango nalang ako.

"Malawak ba itong bahay nyo?" Tanong ko sa kanya.

Napahawak naman sya sa batok at napangiti na ewan. Hindi ko alam kung nahihiya sya.

"Hoy ano kaba? Hindi naman gaano kalaki"

Nanliit ang mata ko. Hindi ko pa naman cinocompliment.

Niyaya nya akong silipin ang pasikot-sikot nilang bahay. Gusto ko pa sana syang konyatan, dahil ang lawak pala ng bahay nila. Napakayaman ng mommy nya. Biruin mo she raised her two child habang nagtatrabaho ng marangya.

Sa dami ng paintings sa isang room. Mapagkakamalan mo talagang nasa museum. Even the contrast of this house. The chandeliers are big and expensive.

"Kulang nalang gawin nyo na itong museum" sabi ko sa kanya, habang namamangha sa iba pang paintings.

"Mahilig si mommy sa mga paintings. Meron syang alaala d'yan, pero hindi nya pa sa akin sinasabi"

Napatingin ako sa kanya. Base sa mga sinasabi nya, ay para talagang mahalaga sa mommy nya ito. Kahit masungit iyon ay sobrang bait din naman palng tinatago. Huwag mo lang saktan ang mga anak nya. Kahit sino naman eh.

"I thought it was my dad. Pero sinabi nya hindi. She's special daw eh. It means babae sya"

Napatango ako sa kanya. Nangunot ang noo ko, dahil gusto ko rin malaman, pero ayaw ko naman mangialam.

"Siguro mahilig sa paintings yung babaeng tinutukoy nya"

"Yes. At sya ang nag-painting nitong lahat, kaya iniingatan ni mommy"

Napakurap ako sa dami nito. Ang nostalgic nya din tignan at nasisiguro kong maraming deep meaning ito.

"So impressive" napalakpak ako sa kanya. Gusto ko rin matuto mag-painting!

Napalingon ako sa may double door. Nakita kong nakahalukipkip si Yorish habang nakasandal. Totoo ngang kanina pa sya wala sa mood. Nilapitan ko nalang para hindi naman  nakasimangot.

"Bakit antagal mo sa CR?" Tanong ko.

"Sumakit kasi ulo ko" Lumingon muna sya sa likod, bago nya ako hinatak. "Kahit nakita ko na yung picture ni Jayson. Ayaw ko parin sya panghinalaan. Parang...Ayaw kong mang-akusa"

Napayuko nalang sya, dahil nadidismaya sya sa kanyang sarili. Napahawak ako sa balikat nya.

"Maldita sa'kin si Tita noong nag-away kami ni Karl. Ayaw ko naman dagdagan pa lalo na kung mali hinala natin. Nasisigurado akong hindi na nila ako tatanggapin"