unicode
"အာ့...မင်းဘက်က ဒီ့ထက်ပိုပြီး နူးညံ့ပေးလို့မရဘူးလား ရိပေါ်"
ဖြူဖွေးဖွေးလက်ဖျံပေါ်ကို ထိုးစိုက်ထားတဲ့အစွယ်နှစ်ချောင်း။ စီးကျလာတဲ့သွေးတွေကိုလည်း အလွတ်မပေးသလို စီးဆင်းနေတဲ့သွေးတွေကိုလည်း အငမ်းမရသောက်သုံးနေတဲ့ ရိပေါ်ကို ရှောင်ကျန့် မျက်မှောင်ကျုံ့ပြီးပြောလိုက်သည်။ ရိပေါ်က သူ့ကို မျက်လုံးလှန်ကြည့်လာပြီး ခေါင်းခါပြတယ်။
"စိတ်ပျက်စရာ ဗန်ပိုင်းယားကောင်"
ရိပေါ်က ရှောင်ကျန့်ပြောရင် ဘာဆိုဘာမှနားမထောင်တတ်ဘူး။ သူ့စိတ်ထဲရှိတာပဲ လုပ်ချသွားပြီး နောက်တော့မှ ပြန်မျက်နှာချိုသွေးတတ်တဲ့ လူဂျစ်။
ရှောင်ကျန့်သက်ပြင်းချလိုက်ပြီး နာကျင်နေတဲ့ လက်နေရာကိုအာရုံမစိုက်မိအောင်လို့ ရိပေါ်ဆံပင်တွေဆို တမွှေးချင်းထိုင်နုတ်နေလိုက်သည်။ ဆံပင်တစ်မွေး အနုတ်ခံရတိုင်း ရိပေါ်က ရှောင်ကျန့်ကို သူ့ရဲ့နီရဲနေတဲ့မျက်လုံးတွေနဲ့ ရန်လိုနေတဲ့သားကောင်တစ်ကောင်လို့ မျက်ခွံလှန်ကြည့်တတ်သည်။
ဒါပေမယ့် ဘာမှတော့ပြန်မလုပ်ဘူး။ ရိပေါ်လို ဗန်ပိုင်းယားတွေက ဒဏ်ရာရရင်တောင်ပြန်ကုစားနိုင်တဲ့ အစွမ်းရှိထားတာမို့ ဆံပင်မွေးနုတ်ခံရတာလောက်က သူစိတ်ပူသင့်တဲ့ ကိစ္စထဲပါမနေဘူးလေ။
ကြမ်းပြင်ပေါ်မှာ အစုလိုက်အပြုံလိုက် ဖြစ်နေတဲ့ ဆံပင်မွေးတွေကို ငုံ့ကြည့်ပြီး ရှောင်ကျန့် ချောင်းဟန့်လိုက်တယ်။ ထိုအခါမှ ရိပေါ်က သူ့လက်ကိုပြန်လွှတ်ပေးပြီး ပြောင်နေပြီဖြစ်တဲ့ ငယ်ထိပ်အမွေးတွေနေရာကို လက်နဲ့စမ်းလိုက်သည်။ ပြောင်နေတာမှ ဆံသဆရာတွေတောင် လက်ဖျားခါသွားရမယ့် အတိုင်းပဲ။
"မင်းက ဘာအလုပ်မှမလုပ်ဘဲ ဆံပင်မွေးနုတ်တဲ့ အလုပ်ပဲ လုပ်ရင်တောင် ချမ်းသာနိုင်မယ့်အလားအလာကောင်းကို ပိုင်ထားတာပဲ"
နှုတ်ခမ်းထောင့်မှာ ကပ်တင်နေတဲ့ သွေးတွေကိုလျှာနဲ့ သပ်ရင်း ရိပေါ်ပြောလိုက်သည်။ ရှောင်ကျန့်တစ်ယောက် ရိပေါ်ပြောတာကိုကြားတဲ့အခါ ပုခုံးတွန့်ပြလိုက်ပြီး လုပ်ပြုံးကြီးနဲ့ ပြန်ပြောလာတယ်။
YOU ARE READING
The Annoying Vampire and Me
Vampireyizhan_ Yibo as a Vampire... Xiao Zhan as a Prey <3 ငိုရတာတွေမပါပါဘူး ပေါ့ပေါ့ပါးပါး အချစ်ဇာတ်လမ်း အတိုလေးပါပဲ Hope you like .
