-UNICODE-
ချစ်ခြင်းမေတ္တာတွေ ပြိုင်ပွဲဝင်ကြတဲ့အခါ မည်သည်ကတော့ ပို၍ အလေးသာပါသည်ဆိုပြီး သူတို့ မပြိုင်ဆိုင်လို။ သူတို့ သတ်မှတ်ထားကြသည့် ချစ်ခြင်းမေတ္တာသည်ကား ချစ်ခြင်းမေတ္တာပေတည်း။
-
" ဟယ်လို "
နံပါတ်စိမ်းဖြစ်နေတာမို့ မကိုင်ပေမဲ့၊ ငါးခါမြောက် ဆက်လာတာကြောင့် ဆောင်းဟွန်းအစ်ကိုများ တခြားနံပါတ်တစ်ခုနဲ့ ဆက်တာလားဟု တွေးမိပြီး ကိုင်လိုက်မိသည်။ သို့သော် တစ်ဖက်ကနေ မည်သည့်အသံမှ ထွက်မလာ။ မှားခေါ်တာတော့ မဖြစ်နိုင်။ မသိတဲ့သူကို ဘယ်သူက မကိုင်မချင်း ဆက်မလဲလေ။
" ဟယ်လို "
ဒုတိယမြောက် သူ့ဘက်က အသံပေးလိုက်တာတောင်မှ တစ်ဖက်က ငြိမ်နေတုန်း ဖြစ်သည်။ အကြောင်လာရိုက်ချင်နေတဲ့ ဖုန်းများလားဟု တွေးမိပြီး ဖုန်းချဖို့ ပြင်ခါနီးမှ တစ်ဖက်ကနေ အသံ ခပ်တိုးတိုး ထွက်လာ၏။
" ဂျောင်-ဂျောင်ဝန်းလားဟင် ? ကိုယ်ပါ။ "
သူ့လက်ထဲက ဖုန်းကို လွတ်မကျသွားအောင် ထိန်းရသည်မှာ မလွယ်ကူ။ ရင်ဘတ်၏ဝဲဘက်ခြမ်းသည် တသိိမ့်သိမ့်တုန်လျက်၊ တာဝေးအပြေးသမားတစ်ယောက်နှယ် နိမ့်ချည်မြင့်ချည်ဖြစ်ကာ၊ အသက်ရှူနှုန်းတွေ ရပ်တန့်မသွားရန် အသည်းအသန် ရုန်းကန်နေရသည့် သူ့အဖြစ်ကို မည်သူသိမှာနည်း။
အသံနဲ့တင် ငိုချမိတော့မတတ်။ သူကိုယ်တိုင်တောင် သတိမထားလိုက်မိဘဲ မြင်ကွင်းတွေက ဝေဝါးလို့လာမိသည်အထိ။ ဘယ်လောက်တောင် လွမ်းခဲ့ရတဲ့အသံလဲ။ ဘယ်လောက်တောင်မှလဲ။
" ဂျောင်ဝန်း "
သူ,မဖြေလို။ မည်သည့်စကားတစ်စုံတစ်ရာမျှလည်း မဆိုချင်ပါ။ အခုချိန် သူ့နှုတ်ဖျားက ထွက်လာမည့် စကားတွေဟာ ဘယ်လောက်လွမ်းမောနေခဲ့ရကြောင်းတွေနဲ့သာ ပြည့်နှက်နေပေလိမ့်မည်။ သူ့မျက်လုံးအိမ်တွေလည်း စပ်ဖျင်းဖျင်းဖြစ်ကာ၊ နီရဲနေလိမ့်မည်။ အတိုင်းအဆမဲ့နေတဲ့ နှလုံးခုန်သံတွေက သူ့အား နှလုံးရောဂါသည်တစ်ယောက်ဟု ထင်ယောင်ထင်မှား ဖြစ်စေနိုင်သည်အထိ ဖြစ်စေနိုင်လိမ့်မည်။
YOU ARE READING
𝖲𝗍𝗎𝖼𝗄𝗂𝗇𝗀 𝖨𝗇 𝖳𝗁𝖾 𝖦𝗋𝖾𝗒 𝖲𝖼𝖺𝗋𝗌
Fanfiction𝖯𝖺𝗋𝗄 𝖩𝗈𝗇𝗀𝗌𝖾𝗈𝗇𝗀 & 𝖸𝖺𝗇𝗀 𝖩𝗎𝗇𝗀𝗐𝗈𝗇 & 𝖯𝖺𝗋𝗄 𝖲𝗎𝗇𝗀𝗁𝗈𝗈𝗇 | 𝐂 𝐎 𝐌 𝐏 𝐋 𝐄 𝐓 𝐄 𝐃